UAE 'ਚ ਭਾਰਤੀ ਵਿਅਕਤੀ 'ਤੇ ਹਮਲਾ, ਹੋਈ ਲੁੱਟਖੋਹ

ਦੁਬਈ - ਦੁਬਈ ਦੇ ਮਸਾਜ ਦੇ ਨਾਂ 'ਤੇ ਇਕ ਭਾਰਤੀ ਨੂੰ ਇਕ ਅਪਾਰਟਮੈਂਟ ਵਿਚ ਲਿਜਾ ਕੇ ਉਸ ਦੇ ਕ੍ਰੈਡਿਟ ਕਾਰਡ ਤੋਂ 6.5 ਲੱਖ ਰੁਪਏ ਤੋਂ ਜ਼ਿਆਦਾ ਦੀ ਨਿਕਾਸੀ ਲਈ ਹਮਲਾ ਕਰਨ ਅਤੇ ਉਸ ਨੂੰ ਉਥੇ ਬੰਧਕ ਬਣਾਉਣ ਦੇ ਦੋਸ਼ ਵਿਚ 2 ਨਾਇਜ਼ੀਰੀਆਈ ਬੀਬੀਆਂ ਖਿਲਾਫ ਇਕ ਅਦਾਲਤ ਵਿਚ ਸੁਣਵਾਈ ਚੱਲ ਰਹੀ ਹੈ। ਇਹ ਜਾਣਕਾਰੀ ਮੀਡੀਆ ਦੀ ਖਬਰ ਤੋਂ ਮਿਲੀ ਹੈ।

ਖਲੀਜ਼ ਟਾਈਮਸ ਦੀ ਇਕ ਖਬਰ ਮੁਤਾਬਕ, ਦੋਵੇਂ ਨਾਇਜ਼ੀਰੀਆਈ ਬੀਬੀਆਂ ਖਿਲਾਫ ਦੁਬਈ ਦੀ 'ਕੋਰਟ ਆਫ ਫਸਰਟ ਇੰਸਟਾਂਸ' ਵਿਚ ਸੁਣਵਾਈ ਚੱਲ ਰਹੀ ਹੈ। ਦੋਹਾਂ ਖਿਲਾਫ ਇਹ ਸੁਣਵਾਈ ਵਿਅਕਤੀ ਨੂੰ ਗੈਰ-ਕਾਨੂੰਨੀ ਰੂਪ ਨਾਲ ਬੰਧਕ ਬਣਾਉਣ ਅਤੇ ਉਸ ਤੋਂ ਨਕਦੀ ਅਤੇ ਬੈਂਕ ਕਾਰਡ ਲੁੱਟਣ ਦੇ ਦੋਸ਼ ਵਿਚ ਚੱਲ ਰਹੀ ਹੈ। ਖਬਰ ਮੁਤਾਬਕ ਅਦਾਲਤ ਵਿਚ ਦੱਸਿਆ ਗਿਆ ਕਿ ਕਿਸ ਤਰ੍ਹਾਂ ਨਾਲ 28 ਅਤੇ 33 ਸਾਲ ਦੀਆਂ ਦੋਹਾਂ ਬੀਬੀਆਂ ਵਿਅਕਤੀ ਨੂੰ ਆਪਣੇ ਫਲੈਟ ਵਿਚ ਲੈ ਗਈਆਂ ਅਤੇ ਉਨ੍ਹਾਂ ਨੇ ਉਸ ਤੋਂ ਉਸ ਦੇ ਕ੍ਰੈਡਿਟ ਕਾਰਡ ਖੋਹ ਲਿਆ, ਜਿਸ ਤੋਂ ਉਨ੍ਹਾਂ ਨੇ 33,600 ਦਿਰਹਮ (ਕਰੀਬ 6.50 ਲੱਖ ਰੁਪੇ) ਕੱਢ ਲਏ। ਹੋਰ ਸਹਿਯੋਗੀ ਅਜੇ ਵੀ ਫਰਾਰ ਹਨ।

ਅਦਾਲਤ ਦੇ ਰਿਕਾਰਡ ਮੁਤਾਬਕ ਇਹ ਘਟਨਾ 26 ਜੂਨ ਨੂੰ ਹੋਈ। ਸ਼ਿਕਾਰਤ ਕਰਨ ਵਾਲਾ ਭਾਰਤੀ (40) ਨੇ ਆਖਿਆ ਕਿ ਉਹ ਇਕ ਵਿਦੇਸ਼ ਮਹਿਲਾ ਨਾਲ ਇਕ ਡੇਟਿੰਗ ਐਪ 'ਤੇ ਬੀਤੀ 25 ਜੂਨ ਨੂੰ ਮਿਲਿਆ ਸੀ। ਪੁਲਸ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਦੋਵੇਂ ਇਸ ਤਰ੍ਹਾਂ ਦੀਆਂ ਹੋਰ ਘਟਨਾਵਾਂ ਵਿਚ ਸ਼ਾਮਲ ਰਹੀਆਂ ਹਨ। ਦੋਹਾਂ ਦੋਸ਼ੀ ਬੀਬੀਆਂ ਹਿਰਾਸਤ ਵਿਚ ਹਨ ਅਤੇ ਮਾਮਲੇ ਦੀ ਅਗਲੀ ਸੁਣਵਾਈ 20 ਦਸੰਬਰ ਨੂੰ ਹੈ।