ਵਿਸ਼ਵ ਪੱਧਰ 'ਤੇ ਸਿੱਖਾਂ ਦੀ ਪਹਿਚਾਣ ਨੂੰ ਲੈ ਕੇ 'ਸਿੱਖ ਐਵਾਰਡ ਸਮਾਗਮ' ਕਰਵਾਇਆ ਗਿਆ

ਨਿਊਯਾਰਕ / ਟੋਰਾਂਟੋ, (ਰਾਜ ਗੋਗਨਾ)— ਸਿੱਖ ਐਵਾਰਡ ਕਮੇਟੀ ਯੂ. ਕੇ. ਵਲੋਂ ਅੱਠਵਾਂ ਸਿੱਖ ਐਵਾਰਡ ਸਮਾਗਮ ਟੋਰਾਂਟੋ ਵਿਖੇ ਕਰਵਾਇਆ ਗਿਆ। ਇੱਥੇ ਇਹ ਐਵਾਰਡ ਗਿਆਰਾਂ ਖੇਤਰਾਂ ਵਿੱਚ ਦਿੱਤਾ ਗਿਆ, ਜਿਨ੍ਹਾਂ 'ਚ ਸਿੱਖਿਆ, ਸੇਵਾ, ਵਪਾਰ, ਰਾਜਨੀਤੀ, ਖੇਡਾਂ, ਚੈਰਿਟੀ, ਮੀਡੀਆ, ਪ੍ਰੋਫੈਸ਼ਨ, ਸੱਭਿਆਚਾਰ ਆਦਿ ਸਨ। ਵੱਖ-ਵੱਖ ਦੇਸ਼ਾਂ ਵਿੱਚ ਕਰਵਾਏ ਜਾਣ ਵਾਲੇ ਇਹ ਐਵਾਰਡ ਦਾ ਮਾਣ ਕੈਨੇਡਾ ਨੂੰ ਪ੍ਰਾਪਤ ਹੋਇਆ। ਇਸ ਅਵਾਰਡ ਨੂੰ ਵੇਖਣ ਵਾਸਤੇ ਵੱਖ-ਵੱਖ ਮੁਲਕਾਂ ਜਿਨ੍ਹਾਂ ਵਿੱਚ ਆਸਟ੍ਰੇਲੀਆ, ਅਮਰੀਕਾ, ਯੂ. ਕੇ., ਅਮਰੀਕਾ ਅਤੇ ਦਰਜਨਾਂ ਹੋਰ ਦੇਸ਼ਾਂ ਤੋਂ ਇਸ  ਐਵਾਰਡ ਵਿੱਚ ਸ਼ਾਮਲ ਹੋਏ ਸਨ। ਇਹ  ਐਵਾਰਡ ਸਮਾਗਮ ਜਿੱਥੇ ਗਲੋਬਲ ਪੱਧਰ 'ਤੇ ਸਿੱਖਾਂ ਦੀ ਪਹਿਚਾਣ ਅਤੇ ਪ੍ਰਾਪਤੀਆਂ ਦਾ ਸੋਮਾ ਬਣਦਾ ਹੈ, ਉੱਥੇ ਉਨ੍ਹਾਂ ਦੀ ਕਾਰਗੁਜ਼ਾਰੀ ਦਾ ਪ੍ਰਗਟਾਵਾ ਵੀ ਹੁੰਦਾ ਹੈ ।ਇਹ ਉਨ੍ਹਾਂ ਦੇ ਮਾਣ ਅਤੇ ਸਨਮਾਨ ਦਾ ਪ੍ਰਤੀਕ ਬਣਦਾ ਹੈ। 
ਬਲਬੀਰ ਸਿੰਘ ਕਕੜ ਨੂੰ ਸਫਲ ਬਿਜ਼ਨਸਮੈਨ (ਭਾਰਤ), ਬਲਵਿੰਦਰ ਕੌਰ ਤੱਖਰ ਕੈਨਡਾ (ਔਰਤਾਂ ਦੇ ਬਿਜ਼ਨਸ ਕੈਟਾਗਿਰੀ), ਹਰਮੀਕ ਸਿੰਘ, ਯੂ. ਏ. ਈ ਨੂੰ ਉਦਯੋਗਪਤੀ, ਬੀਬੀ ਇੰਦਰਜੀਤ ਕੌਰ ਅਮਰੀਕਾ ਨੂੰ ਸਿੱਖਿਆ, ਗੁਰਿੰਦਰ ਕੌਰ ਕੈਨੇਡਾ ਨੂੰ ਦਿਲ ਪ੍ਰਚਾਵਾ, ਜਗਮੀਤ ਸਿੰਘ ਕੈਨੇਡਾ ਨੂੰ ਸਿੱਖ ਰਾਜਨੀਤਕ, ਨਵਦੀਪ ਭਾਟੀਆ ਕੈਨੇਡਾ ਨੂੰ ਸੇਵਾ, ਜਿੰਦਰ ਮਹਿਲ ਕੈਨੇਡਾ ਨੂੰ ਖੇਡਾਂ, ਜਸਪ੍ਰੀਤ ਸਿੰਘ ਯੂ. ਕੇ. ਸਿੱਖ ਪਹਿਚਾਣ, ਸਰਦਾਰਨੀ ਮਾਨ ਕੌਰ ਭਾਰਤੀ ਨੂੰ ਲਾਈਫ ਟਾਈਮ ਪ੍ਰਾਪਤੀ ਐਵਾਰਡ ਅਤੇ ਰਮੇਸ਼ ਸਿੰਘ ਖਾਲਸਾ ਨੂੰ ਪਰਉਪਕਾਰਤਾ ਐਵਾਰਡ ਨਾਲ ਸਨਮਾਨਤ ਕੀਤਾ। ਨਵਦੀਪ ਸਿੰਘ ਯੂ. ਕੇ. ਜਿਨ੍ਹਾਂ ਦੀ ਮਿਹਨਤ ਅਤੇ ਉਪਰਾਲੇ ਸਦਕਾ ਇਹ  ਐਵਾਰਡ ਦਿਨੋਂ-ਦਿਨ ਪੂਰੇ ਸੰਸਾਰ ਵਿੱਚ ਥਾਂ ਬਣਾ ਗਿਆ ਹੈ। ਉੱਥੇ ਸਿੱਖਾਂ ਦੀਆਂ ਪ੍ਰਾਪਤੀਆਂ ਨੂੰ ਸੰਸਾਰ ਪੱਧਰ 'ਤੇ ਉਭਾਰਨ ਦਾ ਜ਼ਰੀਆ ਬਣ ਰਿਹਾ ਹੈ, ਉੱਥੇ ਗਲੋਬਲ ਪਲੇਟਫਾਰਮ ਸਿੱਖਾਂ ਨੂੰ ਪ੍ਰਾਪਤ ਹੋ ਰਿਹਾ ਹੈ। ਰਮੇਸ਼ ਸਿੰਘ ਖਾਲਸਾ ਨੇ ਕਿਹਾ ਕਿ ਗੁਰੂ ਨਾਨਕ ਦੇਵ ਜੀ ਦੀ ਧਰਤੀ ਜਿਸ ਦੀ ਪਹਿਚਾਣ ਭਾਈ ਨਵਦੀਪ ਸਿੰਘ ਕਰਕੇ ਅਜਿਹੀ ਵਿਲੱਖਣਤਾ ਦੀ ਸਿਰਜਣਾ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਵਿੱਚ ਗਰੀਬ ਸਿੱਖਾਂ ਲਈ ਕੀਤੇ ਜਾਂਦੇ ਉਪਰਾਲਿਆਂ ਸਦਕਾ ਹੀ ਉਨ੍ਹਾਂ ਨੂੰ ਇਹ ਐਵਾਰਡ ਮਿਲਿਆ ਹੈ, ਜੋ ਮਾਣ ਵਾਲੀ ਗੱਲ ਹੈ ਕਿ ਜਿੱਥੋਂ ਸਿੱਖੀ ਦੀ ਸ਼ੁਰੂਆਤ ਗੁਰੂ ਨਾਨਕ ਦੇਵ ਜੀ ਨੇ ਕੀਤੀ ਸੀ ਉੱਥੇ ਦੇ ਵਸਨੀਕ ਦੀਆਂ ਸੇਵਾਵਾਂ ਸਦਕਾ ਇਹ ਐਵਾਰਡ ਦਿੱਤਾ ਗਿਆ ਹੈ। ਆਸ ਹੈ ਕਿ ਇਹ ਸਿੱਖ ਐਵਾਰਡ ਪੂਰੇ ਸੰਸਾਰ ਵਿੱਚ ਸਿੱਖਾਂ ਦੀ ਸ਼ਾਨ ਅਤੇ ਮਾਣ ਨੂੰ ਚਾਰ ਚੰਨ ਲਗਾਉਂਦਾ ਹਰ ਸਾਲ ਨਵੇਂ ਦੌਰ ਵਿੱਚ ਸ਼ਾਮਲ ਹੋਵੇਗਾ। ਇਸ ਦਾ ਸਾਰਾ ਸਿਹਰਾ ਭਾਈ ਨਵਦੀਪ ਸਿੰਘ ਜੀ ਨੂੰ ਜਾਂਦਾ ਹੈ ਜੋ ਭਾਈ ਮਹਿੰਦਰ ਸਿੰਘ ਨਿਸ਼ਕਾਮ ਸੇਵਾ ਯੂ. ਕੇ. ਜੀ ਦੀ ਛਤਰ ਛਾਇਆ ਹੇਠ ਇਹ ਐਵਾਰਡ ਨੂੰ ਅੱਗੇ ਤੋਰ ਰਹੇ ਹਨ।