ਸੂਰਜ ਤੋਂ 20 ਅਰਬ ਗੁਣਾ ਆਕਾਰ ਦੇ ਬਲੈਕਹੋਲ ਦਾ ਲੱਗਿਆ ਪਤਾ, ਕਰ ਸਕਦਾ ਹੈ ਸਭ ਨਸ਼ਟ

ਕੈਨਬਰਾ— ਖਗੌਲ ਵਿਗਿਆਨੀਆਂ ਨੇ ਇਕ ਅਜਿਹੇ ਬਲੈਕਹੋਲ ਦਾ ਪਤਾ ਲਾਇਆ ਹੈ ਜੋ ਰੁਜ਼ਾਨਾ ਤੇਜ਼ੀ ਨਾਲ ਵਧ ਰਿਹਾ ਹੈ। ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇਹ ਬਲੈਕਹੋਲ ਇੰਨੀ ਤੇਜ਼ ਰਫਤਾਰ ਨਾਲ ਵਧ ਰਿਹਾ ਹੈ ਕਿ ਪੂਰੀ ਆਕਾਸ਼ਗੰਗਾ ਦੀ ਤੁਲਨਾ 'ਚ ਇਹ ਕਿਤੇ ਜ਼ਿਆਦਾ ਰੌਸ਼ਨ ਹੈ। ਇਸ ਦਾ ਆਕਾਰ 20 ਅਰਬ ਸੂਰਜਾਂ ਜਿੰਨਾ ਹੈ ਤੇ ਇਹ ਆਪਣੇ ਆਪ ਨੂੰ ਬਣਾਏ ਰੱਖਣ ਲਈ ਹਰ ਦੂਜੇ ਦਿਨ ਸੂਰਜ ਦੇ ਆਕਾਰ ਦੇ ਗ੍ਰਹਿ ਨੂੰ ਨਿਗਲਦਾ ਹੈ। ਇਹ ਖੋਜ ਆਸਟ੍ਰੇਲੀਆ ਨੈਸ਼ਨਲ ਯੂਨੀਵਰਸਿਟੀ ਦੇ ਖਗੌਲ ਵਿਗਿਆਨੀਆਂ ਨੇ ਕੀਤੀ ਹੈ।

ਖਗੌਲ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਬਹੁਤ ਦੀ ਵਿਸ਼ਾਲ ਬਲੈਕਹੋਲ ਹੈ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਅਜਿਹੇ ਬਲੈਕਹੋਲ ਨਾਰਮਲ ਨਹੀਂ ਹਨ ਕਿਉਂਕਿ ਇਹ ਸਪੇਸ ਬਣਨ ਦੇ ਵੇਲੇ ਹੀ ਬਣ ਜਾਂਦੇ ਹਨ। ਇਹ ਬਲੈਕਹੋਲ ਧਰਤੀ ਤੋਂ ਬਹੁਤ ਦੂਰ ਹੈ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਜੇਕਰ ਇਹ ਬਲੈਕਹੋਲ ਧਰਤੀ ਦੇ ਨੇੜੇ ਹੁੰਦਾ ਤਾਂ ਧਰਤੀ 'ਤੇ ਜੀਵਨ ਨਾਮੁਮਕਿਨ ਹੋ ਜਾਂਦਾ। ਇਸ ਬਲੈਕਹੋਲ 'ਚ ਭਾਰੀ ਮਾਤਰਾ 'ਚ ਪੈਰਾਬੈਂਗਨੀ ਕਿਰਨਾਂ ਤੇ ਐਕਸ-ਰੇ ਨਿਕਲਦੀਆਂ ਹਨ, ਜੋ ਕਿ ਜੀਵਨ ਨੂੰ ਨਸ਼ਟ ਕਰ ਦਿੰਦੀਆਂ ਹਨ।

ਚੰਦ ਤੋਂ ਕਈ ਗੁਣਾ ਜ਼ਿਆਦਾ ਹੈ ਇਸ ਦੀ ਰੌਸ਼ਨੀ
ਇਹ ਬਲੈਕਹੋਲ ਹਰ 10 ਸਾਲ 'ਚ ਇਕ ਫੀਸਦੀ ਆਕਾਰ ਨਾਲ ਵਧ ਰਿਹਾ ਹੈ ਪਰ ਹਾਲ ਦੇ ਸਾਲਾਂ 'ਚ ਇਸ ਦਾ ਆਕਾਰ ਤੇਜ਼ੀ ਨਾਲ ਵਧਿਆ ਹੈ। ਵਿਗਿਆਨੀਆਂ ਨੇ ਕਿਹਾ ਕਿ ਜੇਕਰ ਸਾਡੀ ਆਕਾਸ਼ਗੰਗਾ 'ਚ ਆ ਜਾਵੇ ਤਾਂ ਇਹ ਚੰਦ ਤੋਂ ਕਈ ਗੁਣਾ ਜ਼ਿਆਦਾ ਰੌਸ਼ਨੀ ਪੈਦਾ ਕਰੇਗਾ। ਇਸ ਦੇ ਆਉਣ ਨਾਲ ਆਕਾਸ਼ਗੰਗਾ 'ਚ ਇੰਨੀ ਰੌਸ਼ਨੀ ਪੈਦਾ ਹੋਵੇਗੀ ਕਿ ਇਸ ਦੇ ਸਾਹਮਣੇ ਸਾਰੇ ਤਾਰਿਆਂ ਦੀ ਰੌਸ਼ਨੀ ਫਿੱਕੀ ਪੈ ਜਾਵੇਗੀ।

ਵਿਗਿਆਨੀਆਂ ਨੇ ਇੰਝ ਲਾਇਆ ਪਤਾ
ਆਸਟ੍ਰੇਲੀਅਨ ਨੈਸ਼ਨਲ ਯੂਨੀਵਰਸਿਟੀ ਦੇ ਖਗੌਲ ਵਿਗਿਆਨੀ ਕ੍ਰਿਸ਼ਚੀਅਨ ਵੁਲਕ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦੇ ਬਲੈਕਹੋਲ ਵਿਗਿਆਨੀਆਂ ਨੂੰ ਸ਼ੁਰੂਆਤੀ ਸਪੇਸ ਦੇ ਬਾਰੇ ਰਿਸਰਚ 'ਚ ਮਦਦ ਕਰਨਗੇ। ਇਸ ਬਲੈਕਹੋਲ ਦਾ ਯੂਰਪੀਅਨ ਸਪੇਸ ਏਜੰਸੀ ਨੇ ਹਾਲ ਹੀ 'ਚ ਰੀਲੀਜ਼ ਕੀਤੇ ਡਾਟਾ ਦੀ ਮਦਦ ਨਾਲ ਪਤਾ ਲਾਇਆ ਹੈ।