Apple Event: ਹੁਣ ਤਕ ਦੀ ਸਭ ਤੋਂ ਵੱਡੀ ਡਿਸਪਲੇਅ ਨਾਲ ਲਾਂਚ ਹੋਈ Apple Watch Series 10

ਗੈਜੇਟ ਡੈਸਕ- ਐਪਲ ਦਾ ਸਭ ਤੋਂ ਵੱਡਾ ਸਾਲਾਨਾ ਈਵੈਂਟ ਸ਼ੁਰੂ ਹੋ ਗਿਆ ਹੈ। ਐਪਲ ਦੇ ਸੀ.ਈ.ਓ. ਟਿਮ ਕੁੱਕ ਨੇ ਐਪਲ ਵਾਚ ਨਾਲ ਈਵੈਂਟ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਦੱਸਿਆ ਕਿ ਕਿਵੇਂ ਦੁਨੀਆ ਭਰ ਦੇ ਲੋਕ ਉਨ੍ਹਾਂ ਨੂੰ ਐਪਲ ਵਾਚ ਬਾਰੇ ਲਿਖਦੇ ਰਹਿੰਦੇ ਹਨ। ਕੰਪਨੀ ਇਸ ਪ੍ਰੋਡਕਟ ਨੂੰ ਹੋਰ ਮਹੱਤਵਪੂਰਨ ਬਣਾ ਰਹੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਐਪਲ ਵਾਚ ਸੀਰੀਜ਼ 10 ਨੂੰ ਪੇਸ਼ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਘੜੀ 'ਚ ਉਨ੍ਹਾਂ ਦੀ ਸਭ ਤੋਂ ਵੱਡੀ ਡਿਸਪਲੇ ਹੈ।

ਐਪਲ ਵਾਚ ਸੀਰੀਜ਼ 10 'ਚ ਕੰਪਨੀ ਨੇ ਆਪਣੀ ਕਿਸੇ ਵੀ ਘੜੀ ਤੋਂ ਵੱਡੀ ਡਿਸਪਲੇ ਦਿੱਤੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਇਸ 'ਚ ਐਲੂਮੀਨੀਅਮ ਕੇਸ ਦੀ ਵਰਤੋਂ ਕੀਤੀ ਹੈ। ਇਹ ਬ੍ਰਾਂਡ ਦੀ ਸਭ ਤੋਂ ਪਤਲੀ ਸਮਾਰਟਵਾਚ ਹੈ। ਇਸ 'ਚ ਨਵੇਂ ਵਾਚ ਫੇਸ ਦਿੱਤੇ ਗਏ ਹਨ। ਇਹ 50 ਮੀਟਰ ਤੱਕ ਪਾਣੀ ਰੋਧਕ ਹੁੰਦੇ ਹਨ।

ਇਸ 'ਚ ਤੁਹਾਨੂੰ ਐਪਲ ਦੀ ਸਭ ਤੋਂ ਤੇਜ਼ ਵਾਚ ਚਾਰਜਿੰਗ ਮਿਲੇਗੀ। ਤੁਸੀਂ ਇਸਨੂੰ 30 ਮਿੰਟਾਂ ਵਿੱਚ ਚਾਰਜ ਕਰ ਸਕਦੇ ਹੋ। ਇਹ ਘੜੀ ਭਾਰ ਵਿੱਚ ਵੀ ਹਲਕਾ ਹੈ ਅਤੇ ਤੁਹਾਨੂੰ ਇਸ ਵਿੱਚ ਤਿੰਨ ਰੰਗਾਂ ਦੇ ਵਿਕਲਪ ਮਿਲਦੇ ਹਨ। ਇਸ 'ਚ ਤੁਹਾਨੂੰ ਟਾਈਟੇਨੀਅਮ ਵਾਚ ਦਾ ਆਪਸ਼ਨ ਵੀ ਮਿਲੇਗਾ। ਕੰਪਨੀ ਨੇ ਇਸ ਨੂੰ ਟਾਈਟੇਨੀਅਮ ਕੇਸ ਨਾਲ ਵੀ ਪੇਸ਼ ਕੀਤਾ ਹੈ। ਤੁਸੀਂ ਇਸ ਨੂੰ ਤਿੰਨ ਰੰਗਾਂ ਦੇ ਵਿਕਲਪਾਂ ਵਿੱਚ ਵੀ ਖਰੀਦ ਸਕੋਗੇ। ਇਸ 'ਚ ਤੁਹਾਨੂੰ ਨਵੇਂ ਸਟ੍ਰੈਪ ਦਿੱਤੇ ਜਾਣਗੇ।

ਪਰਫਾਰਮੈਂਸ ਲਈ ਕੰਪਨੀ ਨੇ ਇਸ ਘੜੀ 'ਚ S10 ਚਿੱਪ ਦੀ ਵਰਤੋਂ ਕੀਤੀ ਹੈ। ਇਸ 'ਚ ਤੁਹਾਨੂੰ ਕਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਫੀਚਰਸ ਮਿਲਣਗੇ। ਇਹ ਕਰੈਸ਼ ਡਿਟੈਕਸ਼ਨ ਵਰਗੇ ਫੀਚਰਸ ਨਾਲ ਲੈਸ ਹੋਵੇਗਾ। ਇਸ 'ਤੇ ਤੁਸੀਂ ਡਬਲ ਟੈਪ ਵਰਗੇ ਫੀਚਰਸ ਦੀ ਵਰਤੋਂ ਕਰ ਸਕੋਗੇ। ਇਹ ਡਿਵਾਈਸ WatchOS 11 ਦੇ ਨਾਲ ਆਵੇਗੀ। ਇਸ 'ਚ ਤੁਹਾਨੂੰ ਕਈ ਮਸ਼ੀਨ ਲਰਨਿੰਗ ਫੀਚਰਸ ਮਿਲਣਗੇ। ਕੰਪਨੀ ਨੇ ਸਲੀਪ ਨਾਲ ਜੁੜਿਆ ਇਕ ਨਵਾਂ ਫੀਚਰ ਵੀ ਦਿੱਤਾ ਹੈ, ਜਿਸ ਨਾਲ ਯੂਜ਼ਰਸ ਬਿਹਤਰ ਮਾਨੀਟਰਿੰਗ ਕਰ ਸਕਣਗੇ

ਬਸ ਕੁਝ ਹੀ ਦੇਰ 'ਚ ਆਈਫੋਨ 16 ਸੀਰੀਜ਼ ਵੀ ਲਾਂਚ ਹੋ ਜਾਵਗੀ।