ਜਾਪਾਨ ’ਚ ਬੇਬਿਨਕਾ ਤੂਫਾਨ ਨੂੰ ਲੈ ਕੇ ਅਲਰਟ ਜਾਰੀ

ਟੋਕੀਓ- ਜਾਪਾਨ ਦੇ ਮੌਸਮ ਵਿਗਿਆਨ ਕੇਂਦਰ ਨੇ ਬੁੱਧਵਾਰ ਨੂੰ ਤੂਫਾਨ "ਬੇਬਿਨਕਾ" ਬਾਰੇ ਚਿਤਾਵਨੀ ਜਾਰੀ ਕੀਤੀ ਹੈ ਅਤੇ ਕਿਹਾ ਹੈ ਕਿ ਇਹ ਤੂਫਾਨ ਹਫਤੇ ਦੇ ਅਖੀਰ ’ਚ ਓਕੀਨਾਵਾ ਅਤੇ ਅਮਾਮੀ ਖੇਤਰਾਂ ਨੂੰ ਪਹੁੰਚਣ ਦੀ ਉਮੀਦ ਹੈ। ਇਸ ਨਾਲ ਭਾਰੀ ਮੀਂਹ ਅਤੇ ਤੇਜ਼ ਹਵਾਵਾਂ ਦੇ ਨਾਲ ਮੌਸਮ ਬਹੁਤ ਖਰਾਬ ਹੋ ਸਕਦਾ ਹੈ। ਜਾਪਾਨ ਮੌਸਮ ਵਿਗਿਆਨ ਏਜੰਸੀ (JMA) ਨੇ ਦੱਸਿਆ ਕਿ ਸਾਲ ਦਾ 13ਵਾਂ ਤੂਫਾਨ 20 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ  ਨਾਲ ਉੱਤਰੀ ਪੱਛਮੀ ਦਿਸ਼ਾ ਵੱਲ ਵਧ ਰਿਹਾ ਹੈ। ਇਸ ਤੂਫਾਨ ਨਾਲ ਸਬੰਧਤ ਖੇਤਰਾਂ ’ਚ ਮੌਸਮ ਦੇ ਬਹੁਤ ਖਰਾਬ ਹੋਣ ਦੀ ਉਮੀਦ ਹੈ।

ਪੜ੍ਹੋ ਇਹ ਖ਼ਬਰ-ਕਮਲਾ ਹੈਰਿਸ ਜਾਂ ਟਰੰਪ! ਕੌਣ ਬਣੇਗਾ ਅਮਰੀਕਾ ਦਾ ਰਾਸ਼ਟਰਪਤੀ, ਜੋਤਿਸ਼ੀ ਨੇ ਕਰ 'ਤੇ ਖੁਲਾਸੇ

ਸੂਤਰਾਂ ਤੋਂ ਮਿਲੀ ਜਾਣਕਾਰੀ  ਮੁਤਾਬਕ, ਬੁੱਧਵਾਰ ਨੂੰ ਸਵੇਰੇ ਨੌ ਵਜੇ ਤੱਕ, ਖੰਡੀ ਤੂਫਾਨ ਦਾ ਕੇਂਦਰੀ ਦਬਾਅ 990 ਹੇਕਟੋਪਾਸਕਲ ਸੀ ਅਤੇ ਹਵਾ ਦੀ ਵੱਧ ਤੋਂ ਵੱਧ ਰਫਤਾਰ 25 ਮੀਟਰ ਪ੍ਰਤੀ ਸਕਿੰਟ ਸੀ। JMA ਨੇ ਕਿਹਾ ਕਿ ਤੂਫਾਨ ਦੇ ਤੇਜ਼ ਹਵਾਵਾਂ ਵਾਲੇ ਖੇਤਰ ਦਾ ਕੇਂਦਰ ਤੋਂ 220 ਕਿਲੋਮੀਟਰ ਦੇ ਘੇਰੇ ’ਚ ਫੈਲਾਅ ਹੋਇਆ ਹੈ ਅਤੇ ਇੱਥੇ ਹਵਾ ਦੀ ਰਫਤਾਰ ਘੱਟੋ-ਘੱਟ 15 ਮੀਟਰ ਪ੍ਰਤੀ ਸਕਿੰਟ ਹੈ। ਏਜੰਸੀ ਨੇ ਚਿਤਾਵਨੀ ਦਿੱਤੀ ਹੈ ਕਿ ਤੂਫਾਨ ਦੇ ਕਾਰਨ ਸ਼ਨੀਵਾਰ ਅਤੇ ਐਤਵਾਰ ਦਰਮਿਆਨ ਭਾਰੀ ਮੀਂਹ, ਤੇਜ਼ ਹਵਾਵਾਂ ਅਤੇ ਸਮੁੰਦਰ ’ਚ ਉੱਚੀਆਂ ਲਹਿਰਾਂ ਉਠਣ ਦੀ ਸੰਭਾਵਨਾ ਹੈ। ਤੂਫਾਨ ਦੇ ਮੱਦੇਨਜ਼ਰ, ਰਿਹਾਇਸ਼ੀਆਂ  ਅਤੇ ਯਾਤਰੀਆਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।