ਦੁਨੀਆ ਦੇ ਸਭ ਤੋਂ ਵੱਡੇ ਹਵਾਈ ਜਹਾਜ਼ ਨੇ ਭਰੀ ਪਰੀਖਣ ਉਡਾਣ

ਵਾਸ਼ਿੰਗਟਨ (ਭਾਸ਼ਾ)— ਦੁਨੀਆ ਦੇ ਸਭ ਤੋਂ ਵੱਡੇ ਹਵਾਈ ਜਹਾਜ਼ ਨੇ ਕੈਲੀਫੋਰਨੀਆ ਵਿਚ ਪਰੀਖਣ ਲਈ ਪਹਿਲੀ ਵਾਰ ਉਡਾਣ ਭਰੀ। ਇਸ ਵਿਚ 6 ਬੋਇੰਗ 747 ਇੰਜਣ ਲੱਗੇ ਹੋਏ ਹਨ। ਸ਼ਨੀਵਾਰ ਨੂੰ ਇਸ ਵੱਡੇ ਜਹਾਜ਼ ਨੇ ਆਪਣੀ ਪਹਿਲੀ ਯਾਤਰਾ ਮੋਜਾਵੇ ਰੇਗਿਸਤਾਨ ਦੇ ਉੱਪਰ ਕੀਤੀ। ਇਸ ਜਹਾਜ਼ ਦਾ ਨਿਰਮਾਣ ਪੁਲਾੜ ਵਿਚ ਰਾਕੇਟ ਲਿਜਾਣ ਅਤੇ ਉਸ ਨੂੰ ਉੱਥੇ ਛੱਡਣ ਲਈ ਕੀਤਾ ਗਿਆ ਹੈ। ਅਸਲ ਵਿਚ ਇਹ ਰਾਕੇਟ ਉਪਗ੍ਰਹਿਆਂ ਨੂੰ ਪੁਲਾੜ ਵਿਚ ਉਨ੍ਹਾਂ ਦੇ ਪੰਧ ਤੱਕ ਪਹੁੰਚਾਉਣ ਵਿਚ ਮਦਦ ਕਰੇਗਾ। 

ਮੌਜੂਦਾ ਸਮੇਂ ਵਿਚ ਟੇਕਆਫ ਰਾਕੇਟ ਦੀ ਮਦਦ ਨਾਲ ਉਪਗ੍ਰਹਿਆਂ ਨੂੰ ਪੰਧ ਵਿਚ ਭੇਜਿਆ ਜਾਂਦਾ ਹੈ। ਇਸ ਦੇ ਮੁਕਾਬਲੇ ਉਪਗ੍ਰਹਿਆਂ ਨੂੰ ਪੰਧ ਤੱਕ ਪਹੁੰਚਾਉਣ ਵਿਚ ਇਹ ਵਿਕਲਪ ਜ਼ਿਆਦਾ ਵਧੀਆ ਰਹੇਗਾ। ਇਸ ਦਾ ਨਿਰਮਾਣ ਸਕੇਲਡ ਕੰਪੋਜਿਟਵਸ ਨਾਮ ਦੀ ਇਕ ਇੰਜੀਨੀਅਰਿੰਗ ਕੰਪਨੀ ਨੇ ਕੀਤਾ ਹੈ।

Today the #Stratolaunch aircraft flew for 2.5 hours over the Mojave Desert, reaching a top speed of 189 mph. Check out the historic flight here: #StratoFirstFlight pic.twitter.com/x29KifphNz

— Stratolaunch (@Stratolaunch) April 13, 2019

ਇਹ ਹਵਾਈ ਜਹਾਜ਼ ਇੰਨਾ ਵੱਡਾ ਹੈ ਕਿ ਇਸ ਦੇ ਖੰਭਾਂ ਦਾ ਪਸਾਰ ਇਕ ਫੁੱਟਬਾਲ ਮੈਦਾਨ ਨਾਲੋਂ ਜ਼ਿਆਦਾ ਹੈ। ਸ਼ਨੀਵਾਰ ਨੂੰ ਇਹ ਹਵਾਈ ਜਹਾਜ਼ ਹਵਾ ਵਿਚ ਕਰੀਬ ਢਾਈ ਘੰਟੇ ਤੱਕ ਰਿਹਾ।