ਅਨੋਖਾ ਆਫਰ! ਤਾਬੂਤ ''ਚ ਰਹਿਣ ਵਾਲੇ ਨੂੰ ਮਿਲਣਗੇ 600 ਡਾਲਰ

ਵਾਸ਼ਿੰਗਟਨ (ਬਿਊਰੋ)— ਅਮਰੀਕੀ ਸੂਬੇ ਮੈਰੀਲੈਂਡ ਵਿਚ ਇਕ ਲੋਕਾਂ ਨੂੰ ਇਕ ਦਿਲਚਸਪ ਆਫਰ ਦਿੱਤਾ ਗਿਆ ਹੈ। ਸਾਲਾਨਾ ਫ੍ਰਾਈਟ ਫੈਸਟੀਵਲ ਦੇ ਮੱਦੇਨਜ਼ਰ ਸਿਕਸ ਫਲੈਗ ਅਮਰੀਕਾ ਨੇ 30 ਘੰਟੇ ਦੇ ਚੈਲੇਂਜ ਦੀ ਸ਼ੁਰੂਆਤ ਕੀਤੀ ਹੈ। ਇੱਥੇ ਵੁੱਡਮੋਰ ਵਿਚ ਸਥਿਤ ਸਿਕਸ ਫਲੈਗ ਪਾਰਕ ਵਿਚ 30 ਘੰਟੇ ਤੱਕ ਤਾਬੂਤ (coffin) ਵਿਚ ਰਹਿਣ ਵਾਲੇ ਸ਼ਖਸ ਨੂੰ ਇਨਾਮ ਦੇ ਤੌਰ 'ਤੇ 600 ਡਾਲਰ (42,618 ਰੁਪਏ) ਅਤੇ ਦੋ ਸੀਜਨ ਟਿਕਟ ਮੁਫਤ ਦਿੱਤੀ ਜਾ ਰਹੀ ਹੈ।

ਇਸ ਚੁਣੌਤੀ ਨੂੰ ਥੋੜ੍ਹਾ ਹੋਰ ਮਜ਼ੇਦਾਰ ਬਣਾਉਣ ਲਈ ਇਹ ਨਿਯਮ ਰੱਖਿਆ ਗਿਆ ਹੈ ਕਿ ਸਾਰੇ ਭਾਗੀਦਾਰਾਂ ਨੂੰ ਤਾਬੂਤ ਵਿਚ ਕਿਸੇ ਹੋਰ ਦੇ ਨਾਲ ਸਮਾਂ ਗੁਜਾਰਨਾ ਹੋਵੇਗਾ। ਜਾਣਕਾਰੀ ਮੁਤਾਬਕ ਇਸ ਚੁਣੌਤੀ ਵਿਚ ਹਰੇਕ ਸਾਲ ਥੋੜ੍ਹੇ ਲੋਕ ਹੀ ਹਿੱਸਾ ਲੈਂਦੇ ਹਨ।

6 ਅਤੇ ਸਿਕਸ ਫਲੈਗ ਪਾਰਕ ਦੀ ਤੁਲਨਾ ਵਿਚ ਸਿਕਸ ਫਲੈਗ ਅਮਰੀਕਾ ਵਿਚ ਇਸ ਵਾਰੀ ਫ੍ਰਾਈਟ ਫੇਸਟ ਸੀਜਨ ਦੇ ਨਿਯਮ ਨੂੰ ਥੋੜ੍ਹਾ ਵੱਖਰਾ ਬਣਾਇਆ ਗਿਆ ਹੈ। ਸਿਕਸ ਫਲੈਗ ਅਮਰੀਕਾ ਵਿਚ 6 ਭਾਗੀਦਾਰ ਇਸ ਵਾਰ 30 ਘੰਟੇ 'ਕੌਫੀਨ ਚੈਲੇਂਜ' ਵਿਚ ਹਿੱਸਾ ਲੈ ਰਹੇ ਹਨ। ਇਸ ਵਾਰ ਉਨ੍ਹਾਂ ਨੂੰ ਆਪਣੇ ਨਾਲ ਕਿਸੇ ਪਰਿਵਾਰਕ ਮੈਂਬਰ, ਰਿਸ਼ਤੇਦਾਰ ਜਾਂ ਦੋਸਤ ਨੂੰ ਨਾਲ ਲਿਆਉਣ ਦੀ ਇਜਾਜ਼ਤ ਦਿੱਤੀ ਗਈ ਹੈ।

ਇਹ ਲੋਕ ਭਾਗੀਦਾਰ ਦੇ ਨਾਲ 65 ਇੰਚ ਚੌੜੇ ਅਤੇ 72 ਇੰਚ ਲੰਬੇ ਤਾਬੂਤ ਵਿਚ 30 ਘੰਟੇ ਦਾ ਸਮਾਂ ਗੁਜਾਰਨਗੇ। ਭਾਗੀਦਾਰਾਂ ਨਾਲ ਆਉਣ ਵਾਲੇ ਸਾਥੀ ਸਿਰਫ ਪਾਰਕ ਦੇ ਖੁੱਲ੍ਹੇ ਰਹਿਣ ਦੌਰਾਨ ਹੀ ਉਨ੍ਹਾਂ ਦੇ ਨਾਲ ਰਹਿ ਸਕਣਗੇ। ਇਸ ਦੌਰਾਨ ਹਨੇਰੇ ਵਿਚ ਉਨ੍ਹਾਂ ਨੂੰ ਡਰਾਉਣ ਲਈ ਭੂਤਾਂ ਦੇ ਪਹਿਰਾਵੇ ਵਿਚ ਕੁਝ ਲੋਕ ਘੁੰਮਦੇ ਰਹਿਣਗੇ।

ਜਿਹੜਾ ਵੀ ਭਾਗੀਦਾਰ ਅਤੇ ਉਸ ਦਾ ਸਾਥੀ ਇਨ੍ਹਾਂ ਨਿਯਮਾਂ ਨੂੰ ਨਹੀਂ ਮੰਨੇਗਾ, ਉਨ੍ਹਾਂ ਨੂੰ ਚੈਲੇਂਜ ਦੇ ਅਯੋਗ ਕਰਾਰ ਦਿੱਤਾ ਜਾਵੇਗਾ। ਭਾਗੀਦਾਰ ਚਾਹੇ ਤਾਂ ਕਿਸੇ ਵੀ ਸਮੇਂ ਚੁਣੌਤੀ ਤੋਂ ਬਾਹਰ ਹੋ ਸਕਦਾ ਹੈ। ਇਸ ਚੁਣੌਤੀ ਨੂੰ ਸਫਲਤਾਪੂਰਵਕ ਪੂਰਾ ਕਰਨ ਵਾਲੇ ਭਾਗੀਦਾਰਾਂ ਨੂੰ 600 ਡਾਲਰ ਨਕਦ ਇਨਾਮ ਵਿਚ ਦਿੱਤੇ ਜਾਣਗੇ। ਇਸ ਦੇ ਨਾਲ ਹੀ 2020 ਦੇ ਦੋ ਗੋਲਡ ਸੀਜਨ ਟਿਕਟ ਦਿੱਤੇ ਜਾਣਗੇ ਅਤੇ ਦੋ ਭੂਤੀਆ ਘਰਾਂ ਦੇ ਟਿਕਟ ਦਿੱਤੇ ਜਾਣਗੇ।

ਜੇਕਰ ਚੁਣੌਤੀ ਦੇ ਅਖੀਰ ਤੱਕ ਇਕ ਤੋਂ ਜ਼ਿਆਦਾ ਭਾਗੀਦਾਰ ਪਹੁੰਚਦੇ ਹਨ ਤਾਂ ਫਿਰ ਤਿੱਖੇ ਸੈਂਡਵਿਚ ਮੁਕਾਬਲੇ ਜ਼ਰੀਏ ਜੇਤੂ ਦਾ ਫੈਸਲਾ ਕੀਤਾ ਜਾਵੇਗਾ। ਇਹ ਚੁਣੌਤੀ 27 ਸਤੰਬਰ ਤੋਂ ਸ਼ੁਰੂ ਹੋਵੇਗੀ।