ਜਾਪਾਨ ਦੇ ਲਗਭਗ 100 ਸੰਸਦ ਮੈਂਬਰਾਂ ਨੇ ਵਿਵਾਦਿਤ ਸਮਾਰਕ ''ਤੇ ਕੀਤੀ ਪ੍ਰਾਰਥਨਾ
12/07/2021 3:00:28 PM
ਟੋਕੀਓ (ਭਾਸ਼ਾ): ਜਾਪਾਨ ਦੇ ਕਰੀਬ 100 ਸੰਸਦ ਮੈਂਬਰਾਂ ਦੇ ਇਕ ਸਮੂਹ ਨੇ ਪਰਲ ਹਾਰਬਰ ‘ਤੇ ਹਮਲੇ ਦੇ 80 ਸਾਲ ਬਾਅਦ ਮੰਗਲਵਾਰ ਨੂੰ ਟੋਕੀਓ ਵਿਚ ਇਕ ਸਮਾਰਕ ‘ਤੇ ਪ੍ਰਾਰਥਨਾ ਕੀਤੀ, ਜਿਸ ਨੂੰ ਉਹ ਚੀਨ ਅਤੇ ਕੋਰੀਆਈ ਦੇਸ਼ ਜਾਪਾਨ ਦੇ ਯੁੱਧ ਸਮੇਂ ਦੇ ਹਮਲੇ ਦੇ ਪ੍ਰਤੀਕ ਵਜੋਂ ਦੇਖਦੇ ਹਨ। ਪ੍ਰਧਾਨ ਮੰਤਰੀ ਫੂਮੀਓ ਕਿਸ਼ਿਦਾ ਦੀ ਕੈਬਨਿਟ ਵਿੱਚ ਨੌਂ ਉਪ ਮੰਤਰੀ ਅਤੇ ਵਿਸ਼ੇਸ਼ ਸਹਾਇਕ ਸਮੇਤ ਕਈ ਸੰਸਦ ਮੈਂਬਰ ਉਨ੍ਹਾਂ ਦੀ ਕੰਜ਼ਰਵੇਟਿਵ ਪਾਰਟੀ ਦੇ ਮੈਂਬਰ ਹਨ।
ਜਾਪਾਨ ਨੇ 7 ਦਸੰਬਰ, 1941 ਨੂੰ ਪਰਲ ਹਾਰਬਰ 'ਤੇ ਹਮਲਾ ਕੀਤਾ ਸੀ, ਜਿਸ ਕਾਰਨ ਅਮਰੀਕਾ ਦੂਜੇ ਵਿਸ਼ਵ ਯੁੱਧ 'ਚ ਸ਼ਾਮਲ ਹੋ ਗਿਆ ਸੀ। ਜਾਪਾਨ ਵਿੱਚ ਇਹ ਤਾਰੀਖ਼ 8 ਦਸੰਬਰ ਹੈ। ਜਾਪਾਨ ਦੇ ਹਮਲੇ ਦੇ ਸ਼ਿਕਾਰ, ਖਾਸ ਤੌਰ 'ਤੇ ਚੀਨ ਅਤੇ ਕੋਰੀਆਈ ਦੇਸ਼ ਯਾਸੁਕੁਨੀ ਸਮਾਰਕ ਨੂੰ ਜਾਪਾਨ ਦੇ ਫ਼ੌਜੀਕਰਨ ਦੇ ਪ੍ਰਤੀਕ ਵਜੋਂ ਦੇਖਦੇ ਹਨ ਕਿਉਂਕਿ ਉਹ ਦੋਸ਼ੀ ਠਹਿਰਾਏ ਗਏ ਯੁੱਧ ਅਪਰਾਧੀਆਂ ਸਮੇਤ ਜੰਗ ਵਿੱਚ ਮਾਰੇ ਗਏ ਲੋਕਾਂ ਦਾ ਸਨਮਾਨ ਕਰਦਾ ਹੈ।
ਪੜ੍ਹੋ ਇਹ ਅਹਿਮ ਖਬਰ -ਜਾਦੂਈ ਚਟਾਈ 'ਤੇ ਉੱਡਦਾ ਨਜ਼ਰ ਆਇਆ 'ਅਲਾਦੀਨ', ਵੀਡੀਓ ਦੇਖ ਲੋਕ ਹੋਏ ਹੈਰਾਨ
ਦੱਖਣੀ ਕੋਰੀਆ ਦੇ ਵਿਦੇਸ਼ ਮੰਤਰਾਲੇ ਨੇ ਮੰਗਲਵਾਰ ਨੂੰ ਸਮਾਰਕ 'ਤੇ ਸੰਸਦ ਮੈਂਬਰਾਂ ਦੇ "ਵੱਡੇ ਪੱਧਰ" ਦੇ ਦੌਰੇ 'ਤੇ "ਡੂੰਘੀ ਚਿੰਤਾ ਅਤੇ ਅਫਸੋਸ" ਜ਼ਾਹਰ ਕੀਤਾ। ਇਸ ਨੇ ਇਕ ਬਿਆਨ ਵਿਚ ਕਿਹਾ ਕਿ ਜਾਪਾਨ ਨੂੰ ਇਸ ਦੀ ਬਜਾਏ ਅੰਤਰਰਾਸ਼ਟਰੀ ਭਾਈਚਾਰੇ ਦਾ ਭਰੋਸਾ ਜਿੱਤਣ ਲਈ "ਨਿਮਰਤਾ ਅਤੇ ਪਛਤਾਵਾ" ਦਿਖਾਉਣਾ ਚਾਹੀਦਾ ਹੈ। ਕਿਸ਼ਿਦਾ ਦੀ ਪਾਰਟੀ ਦੇ ਇੱਕ ਸੀਨੀਅਰ ਮੈਂਬਰ ਹਿਦੇਹਿਸਾ ਓਤਸੁਜੀ ਨੇ ਕਿਹਾ ਕਿ ਸਮੂਹ ਨੇ ਯੁੱਧ ਵਿੱਚ ਮਾਰੇ ਗਏ ਲੋਕਾਂ ਦੀਆਂ ਆਤਮਾਵਾਂ ਤੋਂ ਜਾਪਾਨ ਨੂੰ ਕੋਰੋਨਾ ਵਾਇਰਸ ਮਹਾਮਾਰੀ ਤੋਂ ਬਚਾਉਣ ਲਈ ਪ੍ਰਾਰਥਨਾ ਕੀਤੀ। ਉਹਨਾਂ ਨੇ ਪੱਤਰਕਾਰਾਂ ਨੂੰ ਇਹ ਵੀ ਕਿਹਾ ਕਿ ਉਹਨਾਂ ਨੂੰ ਉਮੀਦ ਹੈ ਕਿ ਕਿਸ਼ੀਦਾ ਜਲਦੀ ਹੀ ਸਮਾਰਕ ਦਾ ਦੌਰਾ ਕਰਨਗੇ।
ਪੜ੍ਹੋ ਇਹ ਅਹਿਮ ਖਬਰ -ਆਸਟ੍ਰੇਲੀਆ 'ਚ ਬਣੇਗਾ ਧਰਤੀ ਦਾ 'ਬਲੈਕ ਬਾਕਸ', ਜਲਵਾਯੂ ਤਬਦੀਲੀ ਅਤੇ ਹੋਰ ਖਤਰਿਆਂ ਨੂੰ ਕਰੇਗਾ ਰਿਕਾਰਡ
