ਬ੍ਰਿਟਿਸ਼ ਕੋਲੰਬੀਆ ਦੇ ਘਰ ''ਚੋਂ ਮਿਲੀ 81 ਸਾਲਾ ਬਜ਼ੁਰਗ ਦੀ ਲਾਸ਼, ਪੁਲਸ ਨੂੰ ਕਤਲ ਦਾ ਸ਼ੱਕ

ਵੈਨਕੂਵਰ : ਸੋਮਵਾਰ (2 ਸਤੰਬਰ) ਨੂੰ ਬ੍ਰਿਟਿਸ਼ ਕੋਲੰਬੀਆ ਵਿਚ ਇਕ 81 ਸਾਲਾ ਵਿਅਕਤੀ ਦੀ ਲਾਸ਼ ਮਿਲਣ ਦੀ ਸੂਚਨਾ ਮਿਲੀ ਹੈ। ਇਸ ਘਟਨਾ ਤੋਂ ਬਾਅਦ ਹੱਤਿਆ ਦੇ ਜਾਂਚਕਰਤਾਵਾਂ ਨੂੰ ਬੀਸੀ ਦੇ ਤੱਟ ਤੋਂ ਇੱਕ ਟਾਪੂ 'ਤੇ ਬੁਲਾਇਆ ਗਿਆ। ਵੈਨਕੂਵਰ ਆਈਲੈਂਡ ਇੰਟੀਗ੍ਰੇਟਿਡ ਮੇਜਰ ਕ੍ਰਾਈਮ ਯੂਨਿਟ ਨੂੰ ਸੋਮਵਾਰ ਨੂੰ ਪਾਵੇਲ ਰਿਵਰ, ਬੀ ਆਰਸੀਐੱਮਪੀ ਨੇ ਮੰਗਲਵਾਰ ਨੂੰ ਇੱਕ ਨਿਊਜ਼ ਰਿਲੀਜ਼ ਵਿਚ ਇਸ ਬਾਰੇ ਜਾਣਕਾਰੀ ਦਿੱਤੀ।

ਟੈਕਸਾਡਾ ਆਰਸੀਐੱਮਪੀ ਨੂੰ 2 ਸਤੰਬਰ ਦੇ ਤੜਕੇ ਪੈਰਾ ਸਟਰੀਟ ਦੇ 5100-ਬਲਾਕ ਵਿਚ ਇੱਕ ਘਰ ਵਿਚ ਬੁਲਾਇਆ ਗਿਆ ਸੀ। ਇਸ ਦੌਰਾਨ ਪੁਲਸ ਨੂੰ ਇਕ 81 ਸਾਲਾ ਵਿਅਕਤੀ ਦੀ ਲਾਸ਼ ਮਿਲੀ, ਜਿਸ ਦਾ ਕਤਲ ਹੋਇਆ ਮੰਨਿਆ ਜਾ ਰਿਹਾ ਹੈ। ਆਰਸੀਐੱਮਪੀ ਨੇ ਕਿਹਾ ਕਿ ਵੈਨਕੂਵਰ ਆਈਲੈਂਡ ਇੰਟੀਗ੍ਰੇਟਿਡ ਮੇਜਰ ਕ੍ਰਾਈਮ ਯੂਨਿਟ ਨੇ ਜਾਂਚ ਦੀ ਜ਼ਿੰਮੇਵਾਰੀ ਸੰਭਾਲੀ ਹੈ, ਜੋ ਕਿ ਸ਼ੁਰੂਆਤੀ ਪੜਾਅ 'ਤੇ ਹੈ। ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਇਹ ਇੱਕ ਅਲੱਗ-ਥਲੱਗ ਘਟਨਾ ਸੀ ਅਤੇ ਇਹ ਘਟਨਾ ਕਮਿਊਨਿਟੀ ਸੁਰੱਖਿਆ ਲਈ ਕੋਈ ਖਤਰਾ ਨਹੀਂ ਹੈ। ਪੁਲਸ ਨੇ ਅੱਗੇ ਕਿਹਾ ਕਿ ਕਿਉਂਕਿ ਸ਼ੱਕੀ ਹੱਤਿਆ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਇਸ ਸਮੇਂ ਹੋਰ ਵੇਰਵਿਆਂ ਨੂੰ ਸਾਂਝਾ ਨਹੀਂ ਕੀਤਾ ਜਾ ਸਕਦਾ।