ਮੁਕਾਬਲੇ ''ਚ ਹਾਰਨ ਮਗਰੋਂ 7 ਸਾਲਾ ਮਾਸੂਮ ''ਤੇ ਭੜਕਿਆ ਕੋਚ, ਪਹੁੰਚਾਇਆ ''ਕੋਮਾ ''ਚ

ਤਾਇਪੇ (ਬਿਊਰੋ): ਤਾਇਵਾਨ ਵਿਚ 7 ਸਾਲਾ ਮਾਸੂਮ ਜੂਡੋ ਮੁਕਾਬਲੇ ਵਿਚ ਹਾਰ ਗਿਆ ਤਾਂ ਗੁੱਸੇ ਵਿਚ ਉਸ ਦੇ ਕੋਚ ਨੇ ਅਜਿਹੀ ਸਜ਼ਾ ਦਿੱਤੀ ਕਿ ਬੱਚਾ 'ਕੋਮਾ' ਵਿਚ ਚਲਾ ਗਿਆ। ਦੋਸ਼ ਹੈ ਕਿ ਜੂਡੋ ਮੁਕਾਬਲਾ ਹਾਰਨ ਮਗਰੋਂ ਬੱਚੇ ਦੇ ਸਿਰ ਨੂੰ ਉਸ ਦੇ ਕੋਚ ਨੇ 27 ਵਾਰ ਫਰਸ਼ 'ਤੇ ਪਟਕਿਆ, ਜਿਸ ਕਾਰਨ ਬੱਚਾ ਹੁਣ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ। ਬੱਚੇ ਦੀ ਸਥਿਤੀ ਕਾਫੀ ਗੰਭੀਰ ਹੈ। 7 ਸਾਲਾ ਬੱਚੇ ਨੂੰ ਇਲਾਜ ਲਈ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਹ ਕੋਮਾ ਵਿਚ ਹੈ।

ਸਿਰਫ ਦੋ ਹਫ਼ਤੇ ਦੀ ਟਰੇਨਿੰਗ
ਰਿਪੋਰਟ ਮੁਤਾਬਕ ਵੀਵੀ ਨਾਮ ਦਾ 7 ਸਾਲਾ ਬੱਚਾ ਤਾਇਵਾਨ ਦਾ ਰਹਿਣ ਵਾਲਾ ਹੈ ਅਤੇ ਉਹ ਸੁਪਰ ਮਾਰਿਓ ਦਾ ਫੈਨ ਹੈ। ਵੀਵੀ ਟ੍ਰੈਕ ਰੇਸ ਮੁਕਾਬਲੇ ਵਿਚ ਤੀਜੇ ਸਥਾਨ 'ਤੇ ਵੀ ਰਹਿ ਚੁੱਕਾ ਹੈ ਪਰ ਪਿਛਲੇ ਮਹੀਨੇ ਅਪ੍ਰੈਲ ਵਿਚ ਉਸਨੇ ਪਰਿਵਾਰ ਵਾਲਿਆਂ ਅੱਗੇ ਜੂਡੋ ਦੀ ਟਰੇਨਿੰਗ ਲੈਣ ਦੀ ਜਿੱਦ ਕੀਤੀ ਅਤੇ ਫਿਰ ਉਸ ਨੂੰ ਜੂਡੋ ਕਲਾਸ ਵਿਚ ਟਰੇਨਿੰਗ ਲੈਣ ਲਈ ਭੇਜਿਆ ਗਿਆ। ਫਿਰ ਸਿਰਫ 2 ਹਫ਼ਤੇ ਦੀ ਟਰੇਨਿੰਗ ਦੇ ਬਾਅਦ ਹੀ ਵੀਵੀ ਦੇ ਕੋਚ ਨੇ ਉਸ ਨੂੰ ਕੋਮਾ ਵਿਚ ਪਹੁੰਚਾ ਦਿੱਤਾ। ਵੀਵੀ ਦਾ ਇਲਾਜ ਕਰਨ ਵਾਲੇ ਡਾਕਟਰਾਂ ਦਾ ਕਹਿਣਾ ਹੈਕਿ ਜੇਕਰ ਵੀਵੀ ਬੱਚ ਵੀ ਜਾਂਦਾ ਹੈ ਤਾਂ ਵੀ ਅਗੇ ਉਸ ਦੀ ਸਥਿਤੀ ਕਾਫੀ ਖਰਾਬ ਰਹੇਗੀ ਅਤੇ ਉਹ ਜ਼ਿੰਦਗੀ ਭਰ ਜੂਡੋ ਨਹੀਂ ਖੇਡ ਸਕਦਾ ਹੈ।

ਤਾਇਵਾਨ ਦਾ ਸਨਕੀ ਕੋਚ
ਰਿਪੋਰਟ ਮੁਤਾਬਕ ਤਾਇਵਾਨ ਦੇ ਸਨਕੀ ਕੋਚ ਨੇ ਵੀਵੀ ਦੇ ਸਿਰ ਨੂੰ ਇਕ-ਦੋ ਵਾਰ ਨਹੀਂ ਸਗੋਂ 27 ਵਾਰ ਜ਼ਮੀਨ 'ਤੇ ਪਟਕਿਆ, ਜਿਸ ਦਾ ਵੀਡੀਓ ਤਾਇਵਾਨ ਵਿਚ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਬੱਚਾ ਚੀਕਦਾ ਨਜ਼ਰ ਆ ਰਿਹਾ ਹੈ ਪਰ ਉਸ ਦੀ ਕੋਚ ਉਸ 'ਤੇ ਦਇਆ ਨਹੀਂ ਦਿਖਾਉਂਦਾ। ਰਿਪੋਰਟ ਮੁਤਾਬਕ ਵੀਵੀ ਲਗਾਤਾਰ ਕਹਿ ਰਿਹਾ ਸੀ ਕਿ ਉਸ ਦੇ ਸਿਰ ਵਿਚ ਕਾਫੀ ਦਰਦ ਹੋ ਰਿਹਾ ਹੈ ਬਾਵਜੂਦ ਉਸ ਦੇ ਕੋਚ ਨੇ ਸੀਨੀਅਰ ਵਿਦਿਆਰਥੀਆਂ ਨੂੰ ਉਸ ਦੇ ਸਿਰ 'ਤੇ ਮੁੱਕੇ ਮਾਰਨ ਲਈ ਕਹਿ ਰਿਹਾ ਸੀ। ਕਾਫੀ ਮਾਰ ਪੈਣ ਮਗਰੋਂ ਬੱਚਾ ਠੀਕ ਢੰਗ ਨਲ ਖੜ੍ਹਾ ਨਹੀਂ ਹੋ ਪਾਉਂਦਾ ਅਤੇ ਉਹ ਬਾਰ-ਬਾਰ ਲੜਖੜਾਉਂਦਾ ਹੈ। 

ਪੜ੍ਹੋ ਇਹ ਅਹਿਮ ਖਬਰ - ਮੌਰੀਸਨ ਨੇ ਭਾਰਤ 'ਚ ਫਸੇ ਆਸਟ੍ਰੇਲੀਆਈ ਨਾਗਰਿਕਾਂ ਨੂੰ ਦਿੱਤੀ ਵੱਡੀ ਰਾਹਤ, ਯਾਤਰਾ ਪਾਬੰਦੀ ਸਬੰਧੀ ਲਿਆ ਅਹਿਮ ਫ਼ੈਸਲਾ 

ਵੀਡੀਓ ਵਿਚ ਦਿਸ ਰਿਹਾ ਹੈ ਕਿ ਸੱਟ ਲੱਗਣ ਮਗਰੋਂ ਬੱਚੇ ਨੂੰ ਉਲਟੀਆਂ ਆਉਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ ਫਿਰ ਵੀ ਟਰੇਨਿੰਗ ਦੇ ਨਾਮ 'ਤੇ ਉਸ ਨੂੰ ਕੁੱਟਦਾ ਰਹਿੰਦਾ ਹੈ। ਕੋਚ ਦੀ ਬੇਰਹਿਮੀ ਦਾ ਵੀਡੀਓ ਜਨਤਕ ਹੋ ਦੇ ਬਾਅਦ ਹੁਣ ਪੂਰੇ ਤਾਇਵਾਨ ਵਿਚ ਸਨਕੀ ਕੋਚ ਨੂੰ ਸਖ਼ਤ ਤੋਂ ਸਖ਼ਤ ਸਜ਼ਾ ਦੇਣ ਦੀ ਮੰਗ ਕੀਤੀ ਹੈ। ਉੱਥੇ ਤਾਇਵਾਨ ਸਰਕਾਰ ਨੇ ਦੋਸ਼ੀ ਕੋਚ ਖ਼ਿਲਾਫ਼ ਜਾਂਚ ਕਮੇਟੀ ਬਿਠਾ ਦਿੱਤੀ ਹੈ। ਉੱਧਰ ਦੋਸ਼ੀ ਕੋਚ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਜਦੋਂ ਵੀਵੀ ਨੂੰ ਕੋਚ ਕੁੱਟ ਰਿਹਾ ਸੀ ਉਸ ਵੇਲੇ ਉਸ ਦਾ ਚਾਚਾ ਵੀ ਮੌਕੇ 'ਤੇ ਮੌਜੂਦ ਸੀ ਪਰ ਉਹਨਾਂ ਨੇ ਵੀ ਕੋਚ ਨੂੰ ਰੋਕਣ ਦੀ ਕੋਸ਼ਿਸ਼ ਨਹੀਂ ਕੀਤੀ। ਉੱਥੇ 7 ਸਾਲਾ ਬੱਚੇ ਵੀਵੀ ਦੀ ਮਾਂ ਨੇ ਇਕ ਪ੍ਰੈੱਸ ਕਾਨਫਰੰਸ ਦੌਰਾਨ ਦੋਸ਼ੀ ਕੋਚ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।

ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।