ਵੱਡੀ ਖ਼ਬਰ; ਭਿਆਨਕ ਹਮਲੇ ''ਚ ਮਾਰੇ ਗਏ 5 ਪੱਤਰਕਾਰ

ਇੰਟਰਨੈਸ਼ਨਲ ਡੈਸਕ- ਇਜ਼ਰਾਈਲ ਗਾਜ਼ਾ ਪੱਟੀ 'ਤੇ ਲਗਾਤਾਰ ਹਮਲੇ ਕਰ ਰਿਹਾ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ ਇਜ਼ਰਾਈਲ ਦੇ ਹਮਲੇ ਵਿੱਚ ਅਲ ਜਜ਼ੀਰਾ ਨਿਊਜ਼ ਚੈਨਲ ਦੇ 5 ਪੱਤਰਕਾਰ ਵੀ ਮਾਰੇ ਗਏ ਹਨ। ਇਸਦੀ ਪੁਸ਼ਟੀ ਖੁਦ ਅਲ ਜਜ਼ੀਰਾ ਨੇ ਕੀਤੀ ਹੈ। ਅਲ ਜਜ਼ੀਰਾ ਦੇ ਇਹ 5 ਪੱਤਰਕਾਰ ਗਾਜ਼ਾ ਸ਼ਹਿਰ ਦੇ ਅਲ-ਸ਼ਿਫਾ ਹਸਪਤਾਲ ਨੇੜੇ ਇਜ਼ਰਾਈਲ ਦੇ ਹਮਲੇ ਵਿੱਚ ਮਾਰੇ ਗਏ ਹਨ। ਪ੍ਰਸਾਰਕਕਰਤਾ ਅਨੁਸਾਰ ਮਾਰੇ ਗਏ ਪੱਤਰਕਾਰਾਂ ਵਿੱਚ ਅਲ ਜਜ਼ੀਰਾ ਦੇ ਪੱਤਰਕਾਰ ਅਨਸ ਅਲ-ਸ਼ਰੀਫ ਅਤੇ ਮੁਹੰਮਦ ਕਰੀਕੇਹ ਦੇ ਨਾਲ-ਨਾਲ ਕੈਮਰਾਮੈਨ ਇਬਰਾਹਿਮ ਜ਼ਾਹਿਰ, ਮੋਮੀਨ ਅਲੀਵਾ ਅਤੇ ਮੁਹੰਮਦ ਨੌਫਲ ਸ਼ਾਮਲ ਹਨ। ਅਲ ਜਜ਼ੀਰਾ ਨੇ ਦੱਸਿਆ ਕਿ ਉਹ ਉਨ੍ਹਾਂ ਲੋਕਾਂ ਵਿੱਚੋਂ ਸਨ ਜੋ ਅਲ-ਸ਼ਿਫਾ ਹਸਪਤਾਲ ਦੇ ਮੁੱਖ ਗੇਟ ਦੇ ਬਾਹਰ ਪ੍ਰੈਸ ਲਈ ਲਗਾਏ ਗਏ ਇੱਕ ਤੰਬੂ ਵਿੱਚ ਰਹਿ ਰਹੇ ਸਨ। ਇਜ਼ਰਾਈਲੀ ਫੌਜ ਨੇ ਇਸ ਤੰਬੂ ਨੂੰ ਨਿਸ਼ਾਨਾ ਬਣਾਇਆ ਅਤੇ ਹਮਲਾ ਕੀਤਾ, ਜਿਸ ਵਿਚ 5 ਪੱਤਰਕਾਰ ਮਾਰੇ ਗਏ।

ਪੱਤਰਕਾਰ ਹੋਣ ਦਾ ਕਰ ਰਿਹਾ ਸੀ ਦਿਖਾਵਾ - ਇਜ਼ਰਾਈਲ

🎯STRUCK: Hamas terrorist Anas Al-Sharif, who posed as an Al Jazeera journalist

Al-Sharif was the head of a Hamas terrorist cell and advanced rocket attacks on Israeli civilians and IDF troops.
Intelligence and documents from Gaza, including rosters, terrorist training lists and… pic.twitter.com/ypFaEYDHse

— Israel Defense Forces (@IDF) August 10, 2025

ਹਮਲੇ ਤੋਂ ਤੁਰੰਤ ਬਾਅਦ ਇਜ਼ਰਾਈਲੀ ਫੌਜ ਨੇ ਇੱਕ ਬਿਆਨ ਵਿੱਚ ਅਨਸ ਅਲ-ਸ਼ਰੀਫ ਨੂੰ ਨਿਸ਼ਾਨਾ ਬਣਾਉਣ ਦੀ ਗੱਲ ਸਵੀਕਾਰ ਕੀਤੀ। ਨਾਲ ਹੀ ਇਜ਼ਰਾਈਲੀ ਫੌਜ ਨੇ ਦਾਅਵਾ ਕੀਤਾ ਕਿ ਅਲ-ਸ਼ਰੀਫ ਇੱਕ ਪੱਤਰਕਾਰ ਹੋਣ ਦਾ ਦਿਖਾਵਾ ਕਰਦਾ ਸੀ। ਉਹ ਹਮਾਸ ਦੇ ਨਾਲ ਸੀ। ਇਜ਼ਰਾਈਲ ਨੇ ਅਲ ਜਜ਼ੀਰਾ ਦੇ ਪੱਤਰਕਾਰ ਨੂੰ ਅੱਤਵਾਦੀ ਕਰਾਰ ਦਿੱਤਾ ਅਤੇ ਕਿਹਾ ਕਿ ਉਹ ਹਮਾਸ ਵਿੱਚ ਇੱਕ ਅੱਤਵਾਦੀ ਸੈੱਲ ਦੇ ਮੁਖੀ ਵਜੋਂ ਕੰਮ ਕਰਦਾ ਸੀ। ਇਜ਼ਰਾਈਲ ਡਿਫੈਂਸ ਫੋਰਸ (ਆਈ.ਡੀ.ਐਫ) ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਕਿਹਾ, 'ਹਮਾਸ ਦਾ ਅੱਤਵਾਦੀ ਅਨਸ ਅਲ-ਸ਼ਰੀਫ, ਜੋ ਆਪਣੇ ਆਪ ਨੂੰ ਅਲ ਜਜ਼ੀਰਾ ਪੱਤਰਕਾਰ ਕਹਿੰਦਾ ਸੀ। ਉਹ ਹਮਾਸ ਦੇ ਇੱਕ ਅੱਤਵਾਦੀ ਸਮੂਹ ਦਾ ਮੁਖੀ ਸੀ ਅਤੇ ਇਜ਼ਰਾਈਲੀ ਨਾਗਰਿਕਾਂ ਅਤੇ ਆਈ.ਡੀ.ਐਫ ਸੈਨਿਕਾਂ 'ਤੇ ਰਾਕੇਟ ਹਮਲੇ ਕਰਦਾ ਸੀ।'

ਇਸ ਦੇ ਨਾਲ ਹੀ ਆਈ.ਡੀ.ਐਫ ਨੇ ਕਿਹਾ, 'ਗਾਜ਼ਾ ਤੋਂ ਪ੍ਰਾਪਤ ਖੁਫੀਆ ਜਾਣਕਾਰੀ ਅਤੇ ਦਸਤਾਵੇਜ਼, ਜਿਸ ਵਿੱਚ ਰੋਸਟਰ, ਅੱਤਵਾਦੀ ਸਿਖਲਾਈ ਸੂਚੀਆਂ ਅਤੇ ਤਨਖਾਹ ਰਿਕਾਰਡ ਸ਼ਾਮਲ ਹਨ। ਇਹ ਸਾਰੇ ਸਾਬਤ ਕਰਦੇ ਹਨ ਕਿ ਉਹ ਅਲ ਜਜ਼ੀਰਾ ਨਾਲ ਜੁੜਿਆ ਇੱਕ ਹਮਾਸ ਵਰਕਰ ਸੀ। ਪ੍ਰੈਸ ਦਾ ਬੈਜ ਅੱਤਵਾਦ ਲਈ ਢਾਲ ਨਹੀਂ ਬਣ ਸਕਦਾ।'

ਅਲ-ਸ਼ਰੀਫ ਨੇ ਮੌਤ ਤੋਂ ਥੋੜ੍ਹੀ ਦੇਰ ਪਹਿਲਾਂ ਪਾਈ ਸੋਸ਼ਲ ਮੀਡੀਆ ਪੋਸਟ

قصف لا يتوقف…
منذ ساعتين والعدوان الإسرائيلي يشتد على مدينة غزة. pic.twitter.com/yW8PesTkFT

— أنس الشريف Anas Al-Sharif (@AnasAlSharif0) August 10, 2025

ਅਲ-ਸ਼ਰੀਫ (28) ਨੇ ਆਪਣੀ ਮੌਤ ਤੋਂ ਥੋੜ੍ਹੀ ਦੇਰ ਪਹਿਲਾਂ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਲਿਖਿਆ "ਇਜ਼ਰਾਈਲ ਨੇ ਗਾਜ਼ਾ ਸ਼ਹਿਰ ਦੇ ਪੂਰਬੀ ਅਤੇ ਦੱਖਣੀ ਖੇਤਰਾਂ 'ਤੇ ਤੀਬਰ ਅਤੇ ਕੇਂਦ੍ਰਿਤ ਬੰਬਾਰੀ ਸ਼ੁਰੂ ਕਰ ਦਿੱਤੀ ਹੈ।" ਉਸਦੀ ਆਖਰੀ ਵੀਡੀਓ ਦੇ ਪਿਛੋਕੜ ਵਿੱਚ ਇਜ਼ਰਾਈਲੀ ਮਿਜ਼ਾਈਲ ਬੰਬਾਰੀ ਦੀਆਂ ਉੱਚੀਆਂ ਆਵਾਜ਼ਾਂ ਸੁਣੀਆਂ ਜਾ ਸਕਦੀਆਂ ਹਨ, ਜਦੋਂ ਕਿ ਆਸਮਾਨ ਸੰਤਰੀ ਰੌਸ਼ਨੀ ਦੀਆਂ ਲਪਟਾਂ ਨਾਲ ਜਗਮਗਾ ਰਿਹਾ ਹੈ।

ਜਾਣੋ ਅਨਸ ਅਲ-ਸ਼ਰੀਫ ਬਾਰੇ

ਅਨਸ ਅਲ-ਸ਼ਰੀਫ ਗਾਜ਼ਾ ਵਿੱਚ ਇੱਕ ਮਸ਼ਹੂਰ ਪੱਤਰਕਾਰ ਸੀ, ਜਿਸਨੇ ਅਲ ਜਜ਼ੀਰਾ ਅਰਬੀ ਲਈ ਉੱਤਰੀ ਪੱਟੀ ਤੋਂ ਵਿਆਪਕ ਤੌਰ 'ਤੇ ਰਿਪੋਰਟਿੰਗ ਕੀਤੀ। ਉਸਨੇ ਗਾਜ਼ਾ ਸ਼ਹਿਰ ਵਿੱਚ ਅਲ-ਅਕਸਾ ਯੂਨੀਵਰਸਿਟੀ ਦੇ ਮੀਡੀਆ ਵਿਭਾਗ ਤੋਂ ਆਪਣੀ ਗ੍ਰੈਜੂਏਸ਼ਨ ਪੂਰੀ ਕੀਤੀ। ਅਨਸ ਨੂੰ ਉਸਦੀ ਰਿਪੋਰਟਿੰਗ ਲਈ 2018 ਵਿੱਚ ਫਲਸਤੀਨ ਵਿੱਚ ਸਰਬੋਤਮ ਨੌਜਵਾਨ ਪੱਤਰਕਾਰ ਦਾ ਪੁਰਸਕਾਰ ਮਿਲਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।