ਚੀਨ 'ਚ 2021 'ਚ ਨਾਬਾਲਗਾਂ ਵਿਰੁੱਧ ਅਪਰਾਧਾਂ ਲਈ 45 ਹਜ਼ਾਰ ਤੋਂ ਵੱਧ ਸ਼ੱਕੀ ਗ੍ਰਿਫਤਾਰ

ਬੀਜਿੰਗ (ਏਜੰਸੀ): ਚੀਨ ਦੇ ਸਰਕਾਰੀ ਅਧਿਕਾਰੀਆਂ ਨੇ 2021 ਵਿਚ ਨਾਬਾਲਗਾਂ ਵਿਰੁੱਧ ਅਪਰਾਧਾਂ ਵਿਚ ਸ਼ਾਮਲ 45,827 ਸ਼ੱਕੀਆਂ ਦੀ ਗ੍ਰਿਫ਼ਤਾਰੀ ਨੂੰ ਮਨਜ਼ੂਰੀ ਦਿੱਤੀ।ਦੇਸ਼ ਦੇ ਸੁਪਰੀਮ ਪੀਪਲਜ਼ ਪ੍ਰੋਕਿਊਰੇਟੋਰੇਟ (ਐੱਸ.ਪੀ.ਪੀ.) ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ ਸਾਲ ਵਿੱਚ ਕੁੱਲ 60,553 ਲੋਕਾਂ 'ਤੇ ਅਜਿਹੇ ਅਪਰਾਧਾਂ ਲਈ ਮੁਕੱਦਮਾ ਚਲਾਇਆ ਗਿਆ ਸੀ। ਐਸ.ਪੀ.ਪੀ. ਨੇ 2021 ਵਿੱਚ ਇਸ ਸਬੰਧ ਵਿੱਚ ਸਰਕਾਰੀ ਵਿਭਾਗਾਂ ਦੇ ਕੰਮ ਨੂੰ ਰਿਕਾਰਡ ਕਰਦੇ ਹੋਏ ਇੱਕ ਵ੍ਹਾਈਟ ਪੇਪਰ ਵਿੱਚ ਇਹ ਜਾਣਕਾਰੀ ਦਿੱਤੀ।

ਵ੍ਹਾਈਟ ਪੇਪਰ ਦੇ ਅਨੁਸਾਰ ਮੁਕੱਦਮਾ ਚਲਾਏ ਗਏ ਸ਼ੱਕੀ ਵਿਅਕਤੀਆਂ ਵਿੱਚੋਂ 67.07 ਪ੍ਰਤੀਸ਼ਤ ਛੇ ਕਿਸਮ ਦੀਆਂ ਅਪਰਾਧਿਕ ਗਤੀਵਿਧੀਆਂ ਵਿੱਚ ਸ਼ਾਮਲ ਸਨ, ਜਿਵੇਂ ਕਿ ਬਲਾਤਕਾਰ, ਬੱਚਿਆਂ ਨਾਲ ਛੇੜਛਾੜ, ਧੋਖਾਧੜੀ ਅਤੇ ਗੜਬੜ ਪੈਦਾ ਕਰਨਾ, ਲੁੱਟਮਾਰ, ਟ੍ਰੈਫਿਕ ਦੁਰਘਟਨਾਵਾਂ ਅਤੇ ਚੋਰੀਆਂ ਆਦਿ।ਵ੍ਹਾਈਟ ਪੇਪਰ ਨੇ ਇਹ ਵੀ ਨੋਟ ਕੀਤਾ ਕਿ ਔਰਤਾਂ ਅਤੇ ਬੱਚਿਆਂ ਨੂੰ ਅਗਵਾ ਕਰਨ ਦੀਆਂ ਘਟਨਾਵਾਂ ਘਟ ਰਹੀਆਂ ਹਨ। 2021 ਵਿੱਚ ਅਜਿਹੇ ਅਪਰਾਧਾਂ ਵਿੱਚ ਸ਼ਾਮਲ ਕੁੱਲ 1,135 ਲੋਕਾਂ ਵਿਰੁੱਧ ਮੁਕੱਦਮਾ ਚਲਾਇਆ ਗਿਆ, ਜੋ ਕਿ 2012 ਦੇ ਮੁਕਾਬਲੇ 69.32 ਪ੍ਰਤੀਸ਼ਤ ਘੱਟ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ- ਚੀਨ ਦਾ ਇਹ 'ਸ਼ੇਰ' ਬਣਿਆ ਸੁਪਰਮਾਡਲ, ਲੋਕਾਂ 'ਚ ਬਣਿਆ ਚਰਚਾ ਦਾ ਵਿਸ਼ਾ (ਤਸਵੀਰਾਂ)

ਇਸ ਦੌਰਾਨ, 328 ਲੋਕਾਂ ਨੂੰ ਅਗਵਾ ਪੀੜਤਾਂ ਦੀ ਖਰੀਦ ਲਈ ਮੁਕੱਦਮੇ ਦਾ ਸਾਹਮਣਾ ਕਰਨਾ ਪਿਆ।ਵ੍ਹਾਈਟ ਪੇਪਰ ਵਿੱਚ ਦਿਖਾਇਆ ਗਿਆ ਹੈ ਕਿ ਨਾਬਾਲਗ ਸ਼ੱਕੀਆਂ ਨਾਲ ਨਜਿੱਠਣ ਲਈ ਪ੍ਰੋਕਿਊਰੇਟੋਰੀਅਲ ਅੰਗਾਂ ਨੇ 27,208 ਨਾਬਾਲਗ ਸ਼ੱਕੀਆਂ ਦੀ ਗ੍ਰਿਫ਼ਤਾਰੀ ਨੂੰ ਮਨਜ਼ੂਰੀ ਦਿੱਤੀ ਅਤੇ ਪਿਛਲੇ ਸਾਲ 35,228 'ਤੇ ਮੁਕੱਦਮਾ ਚਲਾਇਆ।