ਬੈਗ 'ਚ ਪਾ ਕੇ ਸੁੱਟ 'ਤੀ ਸੀ ਧੀ, 4 ਸਾਲ ਬਾਅਦ 'ਬੇਬੀ ਇੰਡੀਆ' ਦੀ ਮਾਂ ਦਾ ਖੁੱਲ੍ਹਿਆ ਭੇਤ, ਹੋਈ ਗ੍ਰਿਫ਼ਤਾਰ
Saturday, May 20, 2023 - 05:33 PM (IST)
ਨਿਊਯਾਰਕ (ਏਜੰਸੀ)- ਅਮਰੀਕਾ ਦੇ ਜਾਰਜੀਆ ਵਿਚ ਇਕ ਜੰਗਲੀ ਇਲਾਕੇ ਵਿਚ ਮਰਨ ਲਈ ਛੱਡੀ ਇਕ ਨਵਜਨਮੀ ਬੱਚੀ ਦੇ ਪਲਾਸਟਿਕ ਦੇ ਬੈਗ ਵਿਚ ਜ਼ਿੰਦਾ ਮਿਲਣ ਦੇ ਲਗਭਗ 4 ਸਾਲ ਬਾਅਦ ਬੱਚੀ ਦੀ ਭਾਰਤੀ ਮੂਲ ਦੀ ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਮੀਡੀਆ ਰਿਪੋਰਟਾਂ ਵਿਚ ਇਸ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਅਖ਼ਬਾਰ ਅਟਲਾਂਟਾ ਜਰਨਲ-ਕੋਂਸੀਟਿਊਸ਼ਨ ਦੀ ਰਿਪੋਰਟ ਮੁਤਾਬਕ ਫੋਰਸਾਇਥ ਕੰਟਰੀ ਸ਼ੈਰਿਫ, ਰੌਨ ਫ੍ਰੀਮੈਨ ਨੇ ਸ਼ੁੱਕਰਵਾਰ ਨੂੰ ਘੋਸ਼ਣਾ ਕੀਤੀ ਕਿ ਕਰੀਮਾ ਜਿਵਾਨੀ ਦੀ ਪਛਾਣ ਡੀ.ਐੱਨ.ਏ. ਰਾਹੀਂ ਬੱਚੇ ਦੀ ਮਾਂ ਵਜੋਂ ਕੀਤੀ ਗਈ ਹੈ ਅਤੇ ਉਸ 'ਤੇ ਕਤਲ ਦੀ ਕੋਸ਼ਿਸ਼, ਬੱਚਿਆਂ ਪ੍ਰਤੀ ਬੇਰਹਿਮੀ ਅਤੇ ਲਾਪਰਵਾਹੀ ਨਾਲ ਛੱਡਣ ਦੇ ਦੋਸ਼ ਲਗਾਏ ਗਏ ਹਨ।
ਇਹ ਵੀ ਪੜ੍ਹੋ: ਅਮਰੀਕਾ 'ਚ ਵਾਪਰਿਆ ਭਿਆਨਕ ਸੜਕ ਹਾਦਸਾ, 7 ਲੋਕਾਂ ਦੀ ਦਰਦਨਾਕ ਮੌਤ, 4 ਜ਼ਖ਼ਮੀ
ਕਰੀਮਾ ਦੀ ਗ੍ਰਿਫ਼ਤਾਰੀ ਦਾ ਐਲਾਨ ਕਰਦੇ ਹੋਏ ਫ੍ਰੀਮੈਨ ਨੇ ਕਿਹਾ ਕਿ ਇਕ ਮਾਂ ਇੰਨੀ ਬੇਰਹਿਮ ਕਿਵੇਂ ਹੋ ਸਕਦੀ ਹੈ, ਜਿਸ ਨੇ ਜਾਣਨਬੁੱਝ ਕੇ ਆਪਣੀ ਨਵਜਨਮੀ ਬੱਚੀ ਨੂੰ ਮਰਨ ਲਈ ਛੱਡ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਸ ਬੱਚੀ ਨੂੰ ਇਕ ਪਲਾਸਟਿਕ ਦੀ ਥੈਲੀ ਵਿਚ ਬੰਨ੍ਹ ਦਿੱਤਾ ਗਿਆ ਸੀ ਅਤੇ ਕੂੜੇ ਦੇ ਥੈਲੇ ਵਾਂਗ ਜੰਗਲ ਵਿਚ ਸੁੱਟ ਦਿੱਤਾ ਗਿਆ ਸੀ। ਬੱਚੀ, ਜੋ ਹੁਣ ਚਾਰ ਸਾਲ ਦੀ ਹੈ, ਨੂੰ ਹਸਪਤਾਲ ਦੇ ਸਟਾਫ਼ ਵੱਲੋਂ "ਬੇਬੀ ਇੰਡੀਆ" ਦਾ ਉਪਨਾਮ ਦਿੱਤਾ ਗਿਆ ਸੀ, ਜਦੋਂ ਉਹ ਲੱਭੀ ਸੀ, ਉਸ ਨੂੰ ਗੋਦ ਲੈ ਲਿਆ ਗਿਆ ਸੀ ਅਤੇ ਫ੍ਰੀਮੈਨ ਨੇ ਕਿਹਾ ਕਿ ਉਹ ਇੱਕ "ਤੰਦਰੁਸਤ, ਖੁਸ਼ ਬੱਚੀ" ਸੀ। ਬੱਚੀ ਦੀ ਗੋਪਨੀਯਤਾ ਦੀ ਰੱਖਿਆ ਲਈ, ਅਧਿਕਾਰੀਆਂ ਨੇ ਉਸ ਦੀ ਪਛਾਣ ਜ਼ਾਹਰ ਨਹੀਂ ਕੀਤੀ ਹੈ।
ਇਹ ਵੀ ਪੜ੍ਹੋ: ਇਮਰਾਨ ਖਾਨ ਦੀ ਸਾਬਕਾ ਪਤਨੀ ਨੇ ਏਲਨ ਮਸਕ ਨੂੰ ਕੀਤੀ ਸ਼ਿਕਾਇਤ, ਕਿਹਾ-ਓਹੀ ਹੋਇਆ ਜਿਸ ਦਾ ਡਰ ਸੀ
ਫੌਕਸ ਟੀਵੀ ਅਟਲਾਂਟਾ ਦੇ ਅਨੁਸਾਰ, ਫ੍ਰੀਮੈਨ ਨੇ ਕਿਹਾ ਕਿ ਬੱਚੇ ਦੇ ਪਿਤਾ ਦੀ ਪਛਾਣ ਲਗਭਗ 10 ਮਹੀਨੇ ਪਹਿਲਾਂ ਡੀ.ਐੱਨ.ਏ. ਰਾਹੀਂ ਕੀਤੀ ਗਈ ਸੀ ਅਤੇ ਫਿਰ ਉਸਦੀ ਮਾਂ ਦਾ ਪਤਾ ਲਗਾਇਆ ਗਿਆ। ਐਪੇਨ ਮੀਡੀਆ ਦੀ ਰਿਪੋਰਟ ਅਨੁਸਾਰ, ਜਿਵਾਨੀ ਨੂੰ ਗੁਪਤ ਗਰਭ-ਅਵਸਥਾਵਾਂ ਵਜੋਂ ਜਾਣਿਆ ਜਾਂਦਾ ਹੈ। ਫ੍ਰੀਮੈਨ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ 40 ਸਾਲਾ ਜਿਵਾਨੀ ਦੇ ਹੋਰ ਬੱਚੇ ਹਨ, ਜਿਨ੍ਹਾਂ ਦੀ ਉਮਰ ਸਕੂਲ ਜਾਣ ਤੋਂ ਲੈ ਕੇ ਬਾਲਗ ਹੋਣ ਦੇ ਕਰੀਬ ਹੈ। ਸੇਫ਼ ਹੈਵਨ ਲਾਅ ਵਜੋਂ ਜਾਣਿਆ ਜਾਂਦਾ ਜਾਰਜੀਆ ਮਾਵਾਂ ਨੂੰ ਅਪਰਾਧਿਕ ਦੋਸ਼ਾਂ ਦਾ ਸਾਹਮਣਾ ਕੀਤੇ ਬਿਨਾਂ ਆਪਣੇ ਬੱਚਿਆਂ ਨੂੰ ਮੈਡੀਕਲ ਸਹੂਲਤਾਂ ਜਾਂ ਪੁਲਸ ਅਤੇ ਫਾਇਰ ਸਟੇਸ਼ਨਾਂ 'ਤੇ ਛੱਡਣ ਦੀ ਇਜਾਜ਼ਤ ਦਿੰਦਾ ਹੈ। ਐਪੇਨ ਨਿਊਜ਼ ਦੇ ਅਨੁਸਾਰ ਫ੍ਰੀਮੈਨ ਨੇ ਕਿਹਾ, ਜਿਵਾਨੀ ਨੇ ਕਾਨੂੰਨ ਦੀਆਂ ਵਿਵਸਥਾਵਾਂ ਦਾ ਲਾਭ ਉਠਾਉਣ ਦੀ ਕੋਈ ਕੋਸ਼ਿਸ਼ ਨਹੀਂ ਕੀਤੀ। ਫ੍ਰੀਮੈਨ ਮੁਤਾਬਕ ਸ਼ਾਇਦ ਉਸਨੇ ਬੱਚੇ ਨੂੰ ਛੱਡਣ ਤੋਂ ਪਹਿਲਾਂ ਇੱਕ ਵਾਹਨ ਵਿੱਚ ਜਨਮ ਦਿੱਤਾ ਸੀ। ਜਰਨਲ-ਕੋਂਸੀਟਿਊਸ਼ਨ ਨੇ ਕਿਹਾ ਕਿ ਜੰਗਲ ਦੇ ਨੇੜੇ ਇੱਕ ਪਰਿਵਾਰ ਨੇ ਇੱਕ ਬੱਚੇ ਦੇ ਰੋਣ ਦੀ ਆਵਾਜ਼ ਸੁਣੀ ਸੀ, ਜਿਸ ਤੋਂ ਬਾਅਦ ਸ਼ੈਰਿਫ ਦੇ ਡਿਪਟੀਜ਼ ਨੂੰ ਮੌਕੇ 'ਤੇ ਬੁਲਾਇਆ ਗਿਆ ਸੀ। ਉਨ੍ਹਾਂ ਨੇ ਬੱਚੇ ਨੂੰ ਬਚਾਇਆ ਅਤੇ ਮੁੱਢਲੀ ਸਹਾਇਤਾ ਦਿੱਤੀ ਸੀ।
ਇਹ ਵੀ ਪੜ੍ਹੋ: ਅਮਰੀਕਾ ਲਈ ਘਰੋਂ ਤੁਰੇ 2 ਨੌਜਵਾਨ ਇੰਡੋਨੇਸ਼ੀਆ ’ਚ ਫਸੇ, ਭੁੱਖਣ ਭਾਣਿਆਂ ਦੀ ਕੀਤੀ ਗਈ ਕੁੱਟਮਾਰ
