ਵਿਟਾਮਿਨ ਦੀ ਕਮੀ ਜਾਂ ਨੀਂਦ ਦੀ ਘਾਟ? ਜਾਣੋ ਅੱਖਾਂ ਹੇਠਾਂ ਕਾਲੇ ਘੇਰੇ ਬਣਨ ਦੇ ਮੁੱਖ ਕਾਰਨ

ਵੈੱਬ ਡੈਸਕ- ਅੱਖਾਂ ਹੇਠਾਂ ਬਣਦੇ ਡਾਰਕ ਸਰਕਲਜ਼ ਸਿਰਫ਼ ਸੁੰਦਰਤਾ ਨੂੰ ਪ੍ਰਭਾਵਿਤ ਨਹੀਂ ਕਰਦੇ, ਬਲਕਿ ਇਹ ਸਿਹਤ ਨਾਲ ਜੁੜੇ ਸੰਕੇਤ ਵੀ ਹੋ ਸਕਦੇ ਹਨ। ਕਈ ਵਾਰ ਕ੍ਰੀਮਾਂ ਅਤੇ ਬਾਹਰੀ ਇਲਾਜ ਅਸਰ ਨਹੀਂ ਦਿਖਾਉਂਦੇ, ਕਿਉਂਕਿ ਅਸਲ ਸਮੱਸਿਆ ਸਰੀਰ ਦੇ ਅੰਦਰ ਹੁੰਦੀ ਹੈ। ਜਾਣੋ ਡਾਰਕ ਸਰਕਲਜ਼ ਹੋਣ ਦੇ ਮੁੱਖ ਕਾਰਨ ਕੀ ਹੈ।

ਕਿਹੜੀ ਵਿਟਾਮਿਨ ਦੀ ਘਾਟ ਨਾਲ ਡਾਰਕ ਸਰਕਲਜ਼ ਹੁੰਦੇ ਹਨ?

1. ਵਿਟਾਮਿਨ B12 ਦੀ ਘਾਟ

ਵਿਟਾਮਿਨ B12 ਦੀ ਘਾਟ ਸਿੱਧਾ ਡਾਰਕ ਸਰਕਲਜ਼ ਨਹੀਂ ਬਣਾਉਂਦੀ, ਪਰ ਇਹ ਐਨੀਮੀਆ ਦਾ ਕਾਰਣ ਬਣ ਸਕਦੀ ਹੈ। ਐਨੀਮੀਆ ਨਾਲ ਖੂਨ ਦੀਆਂ ਨਲੀਆਂ ਦਾ ਰੰਗ ਜ਼ਿਆਦਾ ਨਜ਼ਰ ਆਉਂਦਾ ਹੈ, ਜਿਸ ਦੇ ਕਾਰਨ ਅੱਖਾਂ ਹੇਠਾਂ ਕਾਲੇ ਘੇਰੇ ਹੋਰ ਡੂੰਘੇ ਦਿਖਾਈ ਦੇ ਸਕਦੇ ਹਨ।

2. ਵਿਟਾਮਿਨ C ਦੀ ਘਾਟ

ਵਿਟਾਮਿਨ C ਚਮੜੀ ਦੀ ਮਜ਼ਬੂਤੀ ਤੇ ਚਮਕ ਲਈ ਜ਼ਰੂਰੀ ਹੈ। ਇਸ ਦੀ ਘਾਟ ਨਾਲ ਚਮੜੀ ਪਤਲੀ ਹੋ ਜਾਂਦੀ ਹੈ, ਜਿਸ ਕਾਰਨ ਡਾਰਕ ਸਰਕਲਜ਼ ਹੋਰ ਵੱਧ ਨਜ਼ਰ ਆਉਂਦੇ ਹਨ।

ਡਾਰਕ ਸਰਕਲਜ਼ ਦੇ ਹੋਰ ਮੁੱਖ ਕਾਰਨ

1. ਜੈਨੇਟਿਕ ਕਾਰਨ

ਕੁਝ ਲੋਕਾਂ ਦੀ ਚਮੜੀ ਜਨਮ ਤੋਂ ਹੀ ਪਤਲੀ ਹੁੰਦੀ ਹੈ। ਕੁਝ 'ਚ ਮੇਲਾਨਿਨ ਵੱਧ ਬਣਦਾ ਹੈ, ਜਿਸ ਨਾਲ ਪਿਗਮੈਂਟੇਸ਼ਨ ਅਤੇ ਡਾਰਕ ਸਰਕਲਜ਼ ਹੋਰ ਜ਼ਿਆਦਾ ਦਿਖਦੇ ਹਨ।

2. ਨੀਂਦ ਦੀ ਕਮੀ

ਡਾਰਕ ਸਰਕਲਜ਼ ਹੋਣ ਦਾ ਇਕ ਵੱਡਾ ਕਾਰਨ ਨੀਂਦ ਦੀ ਕਮੀ ਹੋਣਾ ਵੀ ਹੈ। ਨੀਂਦ ਦੀ ਕਮੀ ਹੋਣ 'ਤੇ ਅੱਖਾਂ ਛੋਟੀਆਂ ਦਿੱਸਦੀਆਂ ਹਨ ਅਤੇ ਡਾਰਕ ਸਰਕਲਜ਼ ਡੂੰਘੇ ਹੋਣ ਲੱਗਦੇ ਹਨ। 

3. ਅੱਖਾਂ ਨੂੰ ਰਗੜਨਾ

ਅੱਖਾਂ ਨੂੰ ਵਾਰ-ਵਾਰ ਰਗੜਨ ਨਾਲ ਚਮੜੀ ਨੂੰ ਨੁਕਸਾਨ ਪਹੁੰਚਦਾ ਹੈ, ਰਗੜ ਨਾਲ ਪਿਗਮੈਂਟੇਸ਼ਨ ਵਧਦਾ ਹੈ ਅਤੇ ਡਾਰਕ ਸਰਕਲ ਬਣਦੇ ਹਨ।

4. ਪਾਣੀ ਦੀ ਕਮੀ

ਸਰੀਰ 'ਚ ਡਿਹਾਈਡਰੇਸ਼ਨ ਨਾਲ ਚਮੜੀ ਸੁੱਕੀ ਅਤੇ ਬੇਰੰਗ ਹੋ ਜਾਂਦੀ ਹੈ, ਜਿਸ ਨਾਲ ਡਾਰਕ ਸਰਕਲਜ਼ ਹੋਰ ਜ਼ਿਆਦਾ ਦਿਖਦੇ ਹਨ।

5. ਉਮਰ ਵਧਣਾ

ਉਮਰ ਦੇ ਨਾਲ ਚਮੜੀ ਹੋਰ ਪਤਲੀ (Thin Skin) ਹੋ ਜਾਂਦੀ ਹੈ। ਇਸ ਨਾਲ ਕਾਲੇ ਘੇਰੇ ਵੱਧ ਦਿਖਾਈ ਦਿੰਦੇ ਹਨ।

6. ਐਲਰਜੀ

ਅੱਖਾਂ ਦੇ ਆਲੇ-ਦੁਆਲੇ ਸੋਜ ਜਾਂ ਐਲਰਜਿਕ ਰਿਐਕਸ਼ਨ ਨਾਲ ਵੀ ਡਾਰਕ ਸਰਕਲਜ਼ ਬਣ ਜਾਂਦੇ ਹਨ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।