ਸਰੀਰ ''ਚ Vitamin D ਦੀ ਕਮੀ ਨੂੰ ਪੂਰਾ ਕਰਨਗੀਆਂ ਇਹ ਚੀਜ਼ਾਂ; ਜਾਣੋ ਇਸ ਦੇ ਹੈਰਾਨੀਜਨਕ ਫਾਇਦਿਆਂ ਬਾਰੇ
Wednesday, May 06, 2026 - 11:28 AM (IST)
ਹੈਲਥ ਡੈਸਕ - ਅਜੋਕੀ ਜੀਵਨਸ਼ੈਲੀ 'ਚ ਬਹੁਤ ਸਾਰੇ ਲੋਕ ਹੱਡੀਆਂ ਦੇ ਦਰਦ, ਹਰ ਵੇਲੇ ਥਕਾਵਟ ਅਤੇ ਕਮਜ਼ੋਰੀ ਦੀ ਸ਼ਿਕਾਇਤ ਕਰਦੇ ਹਨ। ਡਾਕਟਰੀ ਮਾਹਿਰਾਂ ਅਨੁਸਾਰ ਇਸ ਦਾ ਸਭ ਤੋਂ ਵੱਡਾ ਕਾਰਨ ਵਿਟਾਮਿਨ-ਡੀ ਦੀ ਕਮੀ ਹੈ, ਜਿਸ ਨੂੰ 'ਸਨਸ਼ਾਈਨ ਵਿਟਾਮਿਨ' ਵੀ ਕਿਹਾ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਗੋਡਿਆਂ ਦੇ ਦਰਦ ਜਾਂ ਸੁਸਤੀ ਤੋਂ ਪਰੇਸ਼ਾਨ ਹੋ, ਤਾਂ ਹੁਣ ਮਹਿੰਗੀਆਂ ਦਵਾਈਆਂ ਦੀ ਬਜਾਏ ਕੁਦਰਤੀ ਖੁਰਾਕ ਵੱਲ ਮੁੜਨ ਦਾ ਸਮਾਂ ਆ ਗਿਆ ਹੈ।
ਵਿਟਾਮਿਨ-ਡੀ ਦਾ ਖ਼ਜ਼ਾਨਾ ਹਨ ਇਹ ਚੀਜ਼ਾਂ :-
ਦੇਸੀ ਆਂਡੇ
- ਆਂਡੇ ਦੀ ਜ਼ਰਦੀ ਵਿਟਾਮਿਨ-ਡੀ ਦਾ ਕੁਦਰਤੀ ਸਰੋਤ ਹੈ, ਜੋ ਸਰੀਰ ਨੂੰ ਤੁਰੰਤ ਊਰਜਾ ਦਿੰਦੀ ਹੈ।
ਮਸ਼ਰੂਮ
- ਸ਼ਾਕਾਹਾਰੀ ਲੋਕਾਂ ਲਈ ਮਸ਼ਰੂਮ ਕਿਸੇ ਵਰਦਾਨ ਤੋਂ ਘੱਟ ਨਹੀਂ, ਇਸ 'ਚ ਭਰਪੂਰ ਮਾਤਰਾ 'ਚ ਵਿਟਾਮਿਨ-ਡੀ ਹੁੰਦਾ ਹੈ।
ਦੁੱਧ ਅਤੇ ਦਹੀਂ
- ਰੋਜ਼ਾਨਾ ਡੇਅਰੀ ਪ੍ਰੋਡਕਟਸ ਦਾ ਸੇਵਨ ਕੈਲਸ਼ੀਅਮ ਦੇ ਨਾਲ-ਨਾਲ ਵਿਟਾਮਿਨ-ਡੀ ਦੀ ਕਮੀ ਨੂੰ ਵੀ ਪੂਰਾ ਕਰਦਾ ਹੈ।
ਫੈਟੀ ਫਿਸ਼ (ਮੱਛੀ)
- ਸਾਲਮਨ ਅਤੇ ਟੁਨਾ ਵਰਗੀਆਂ ਮੱਛੀਆਂ ਹੱਡੀਆਂ ਦੀ ਮਜ਼ਬੂਤੀ ਲਈ ਸਭ ਤੋਂ ਉੱਤਮ ਮੰਨੀਆਂ ਜਾਂਦੀਆਂ ਹਨ।
ਸੰਤਰੇ ਦਾ ਜੂਸ
- ਵਿਟਾਮਿਨ-ਸੀ ਦੇ ਨਾਲ-ਨਾਲ ਕਈ ਵਾਰ ਫੋਰਟੀਫਾਈਡ ਸੰਤਰੇ ਦਾ ਜੂਸ ਵਿਟਾਮਿਨ-ਡੀ ਦਾ ਵਧੀਆ ਸਰੋਤ ਬਣਦਾ ਹੈ।
ਮਾਹਿਰਾਂ ਦੀ ਖ਼ਾਸ ਸਲਾਹ :-
ਸਵੇਰੇ 10 ਤੋਂ 15 ਮਿੰਟ ਦੀ ਕੋਮਲ ਧੁੱਪ ਸਰੀਰ 'ਚ ਵਿਟਾਮਿਨ-ਡੀ ਬਣਾਉਣ ਦਾ ਸਭ ਤੋਂ ਮੁਫ਼ਤ ਅਤੇ ਕੁਦਰਤੀ ਤਰੀਕਾ ਹੈ। ਦਵਾਈਆਂ 'ਤੇ ਨਿਰਭਰ ਹੋਣ ਦੀ ਬਜਾਏ ਆਪਣੀ ਥਾਲੀ ਵਿੱਚ ਇਨ੍ਹਾਂ ਚੀਜ਼ਾਂ ਨੂੰ ਜਗ੍ਹਾ ਦਿਓ।
