ਹੈਲਥ ਡੈਸਕ - ਅਕਸਰ ਰਾਤ ਦਾ ਖਾਣਾ ਖਾਣ ਤੋਂ ਬਾਅਦ ਕੁਝ ਮਿੱਠਾ ਖਾਣ ਦੀ ਇੱਛਾ ਹੁੰਦੀ ਹੈ, ਜਿਸ ਨੂੰ ਬਹੁਤ ਸਾਰੇ ਲੋਕ ਇਕ ਆਮ ਆਦਤ ਮੰਨਦੇ ਹਨ। ਪਰ ਸਿਹਤ ਮਾਹਿਰਾਂ ਅਤੇ ਤਾਜ਼ਾ ਖੋਜਾਂ ਮੁਤਾਬਕ, ਸੌਣ ਤੋਂ ਠੀਕ ਪਹਿਲਾਂ ਮਿੱਠਾ ਖਾਣਾ ਤੁਹਾਡੀ ਸਿਹਤ ਲਈ ਬਹੁਤ ਖ਼ਤਰਨਾਕ ਸਾਬਤ ਹੋ ਸਕਦਾ ਹੈ। ਇਹ ਨਾ ਸਿਰਫ਼ ਤੁਹਾਡੀ ਨੀਂਦ ਖ਼ਰਾਬ ਕਰਦਾ ਹੈ, ਸਗੋਂ ਕਈ ਗੰਭੀਰ ਬਿਮਾਰੀਆਂ ਨੂੰ ਵੀ ਸੱਦਾ ਦਿੰਦਾ ਹੈ।

ਰਾਤ ਨੂੰ ਮਿੱਠਾ ਖਾਣ ਦੇ 5 ਵੱਡੇ ਨੁਕਸਾਨ :-

ਨੀਂਦ 'ਚ ਅੜਿੱਕਾ 
- ਮਿੱਠਾ ਖਾਣ ਨਾਲ ਖ਼ੂਨ 'ਚ ਸ਼ੂਗਰ ਦਾ ਪੱਧਰ ਤੇਜ਼ੀ ਨਾਲ ਵੱਧਦਾ ਹੈ, ਜਿਸ ਨਾਲ ਸਰੀਰ ਨੂੰ ਤੁਰੰਤ ਊਰਜਾ ਮਿਲਦੀ ਹੈ। ਇਸ ਕਾਰਨ ਦਿਮਾਗ ਸਰਗਰਮ ਹੋ ਜਾਂਦਾ ਹੈ ਅਤੇ ਤੁਹਾਨੂੰ ਗੂੜ੍ਹੀ ਨੀਂਦ ਆਉਣ 'ਚ ਮੁਸ਼ਕਲ ਹੁੰਦੀ ਹੈ। ਇਹ ਇਨਸੌਮਨੀਆ (ਨੀਂਦ ਨਾ ਆਉਣਾ) ਦਾ ਕਾਰਨ ਵੀ ਬਣ ਸਕਦਾ ਹੈ।

ਤੇਜ਼ੀ ਨਾਲ ਵਧਦਾ ਮੋਟਾਪਾ
- ਰਾਤ ਨੂੰ ਸਰੀਰ ਦੀ ਮੈਟਾਬੋਲਿਜ਼ਮ ਦਰ ਹੌਲੀ ਹੋ ਜਾਂਦੀ ਹੈ। ਮਿੱਠੇ 'ਚ ਮੌਜੂਦ ਕੈਲੋਰੀਜ਼ ਊਰਜਾ ਵਜੋਂ ਖ਼ਰਚ ਨਹੀਂ ਹੁੰਦੀਆਂ ਅਤੇ ਸਰੀਰ 'ਚ ਚਰਬੀ ਦੇ ਰੂਪ 'ਚ ਜਮ੍ਹਾਂ ਹੋਣ ਲੱਗਦੀਆਂ ਹਨ, ਜਿਸ ਨਾਲ ਪੇਟ ਦੀ ਚਰਬੀ ਤੇਜ਼ੀ ਨਾਲ ਵਧਦੀ ਹੈ।

ਟਾਈਪ-2 ਸ਼ੂਗਰ ਦਾ ਖ਼ਤਰਾ
- ਰਾਤ ਨੂੰ ਮਿੱਠਾ ਖਾਣ ਨਾਲ ਇੰਸੁਲਿਨ ਦੇ ਪੱਧਰ 'ਚ ਅਚਾਨਕ ਉਛਾਲ ਆਉਂਦਾ ਹੈ। ਜੇਕਰ ਇਹ ਆਦਤ ਲੰਬੇ ਸਮੇਂ ਤੱਕ ਬਣੀ ਰਹੇ, ਤਾਂ ਇਹ ਪੈਨਕ੍ਰੀਅਸ 'ਤੇ ਦਬਾਅ ਪਾਉਂਦੀ ਹੈ, ਜਿਸ ਨਾਲ ਟਾਈਪ-2 ਸ਼ੂਗਰ ਹੋਣ ਦਾ ਖ਼ਤਰਾ ਕਈ ਗੁਣਾ ਵੱਧ ਜਾਂਦਾ ਹੈ।

ਦਿਲ ਦੀਆਂ ਬਿਮਾਰੀਆਂ
- ਜ਼ਿਆਦਾ ਮਿੱਠਾ ਖਾਣ ਨਾਲ ਸਰੀਰ 'ਚ 'ਬੁਰਾ ਕੋਲੈਸਟ੍ਰਾਲ' (LDL) ਵੱਧਦਾ ਹੈ। ਰਾਤ ਵੇਲੇ ਖਾਧਾ ਗਿਆ ਮਿੱਠਾ ਖ਼ੂਨ ਦੀਆਂ ਧਮਣੀਆਂ 'ਚ ਸੋਜ ਪੈਦਾ ਕਰ ਸਕਦਾ ਹੈ, ਜੋ ਭਵਿੱਖ 'ਚ ਦਿਲ ਦੇ ਦੌਰੇ ਦਾ ਕਾਰਨ ਬਣ ਸਕਦਾ ਹੈ।

ਦੰਦਾਂ ਦੀ ਬਰਬਾਦੀ
- ਸੌਣ ਵੇਲੇ ਮਿੱਠਾ ਖਾਣ ਨਾਲ ਦੰਦਾਂ ਵਿੱਚ ਬੈਕਟੀਰੀਆ ਪੈਦਾ ਹੁੰਦੇ ਹਨ। ਜੇਕਰ ਤੁਸੀਂ ਬਿਨਾਂ ਬੁਰਸ਼ ਕੀਤੇ ਸੌਂਦੇ ਹੋ, ਤਾਂ ਇਹ ਬੈਕਟੀਰੀਆ ਰਾਤ ਭਰ ਦੰਦਾਂ ਦੀ ਪਰਤ (Enamel) ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ, ਜਿਸ ਨਾਲ ਕੈਵਿਟੀ ਅਤੇ ਮਸੂੜਿਆਂ ਦੀਆਂ ਬਿਮਾਰੀਆਂ ਹੁੰਦੀਆਂ ਹਨ।

ਬਚਣ ਦੇ ਤਰੀਕੇ :-

2-3 ਘੰਟੇ ਪਹਿਲਾਂ
- ਜੇਕਰ ਮਿੱਠਾ ਖਾਣਾ ਹੀ ਹੈ, ਤਾਂ ਸੌਣ ਤੋਂ ਘੱਟੋ-ਘੱਟ 3 ਘੰਟੇ ਪਹਿਲਾਂ ਖਾਓ।

ਕੁਦਰਤੀ ਬਦਲ
- ਚੀਨੀ ਦੀ ਬਜਾਏ ਥੋੜ੍ਹਾ ਜਿਹਾ ਗੁੜ ਜਾਂ ਇੱਕ ਖਜੂਰ ਖਾਣਾ ਬਿਹਤਰ ਹੈ।

ਪਾਣੀ ਪੀਓ
- ਜਦੋਂ ਮਿੱਠੇ ਦੀ ਤਲਬ ਉੱਠੇ, ਤਾਂ ਇੱਕ ਗਲਾਸ ਪਾਣੀ ਪੀ ਲਓ, ਇਸ ਨਾਲ ਕ੍ਰੇਵਿੰਗ ਘੱਟ ਜਾਂਦੀ ਹੈ।