ਕਾਜੂ ਖਾਣ ਨਾਲ ਨਹੀਂ ਵਧਦਾ ਕੋਲੈਸਟ੍ਰਾਲ ਸਗੋਂ ਹੁੰਦੈ BP ਕੰਟਰੋਲ, ਜਾਣੋ ਸਿਹਤ ਨੂੰ ਮਿਲਣ ਵਾਲੇ ਹੋਰ ਲਾਜਵਾਬ ਫ਼ਾਇਦੇ

ਜਲੰਧਰ (ਬਿਊਰੋ) : ਸੁੱਕੇ ਮੇਵੇ 'ਚ ਸਭ ਤੋਂ ਵੱਧ ਪਸੰਦ ਕੀਤਾ ਜਾਣ ਵਾਲਾ ਸੁੱਕਾ ਮੇਵਾ ਕਾਜੂ ਹੈ। ਕਾਜੂ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ। ਇਸ ਦੀ ਵਰਤੋਂ ਮਠਿਆਈਆਂ ਅਤੇ ਮਿੱਠੇ ਪਕਵਾਨਾਂ 'ਚ ਕੀਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਸ ਦੀ ਸਬਜ਼ੀ ਵੀ ਬੜੇ ਚਾਅ ਨਾਲ ਖਾਧੀ ਜਾਂਦੀ ਹੈ। ਪੁਲਾਓ 'ਚ ਕਾਜੂ ਨੂੰ ਮਿਲਾ ਕੇ ਖਾਣ ਨਾਲ ਸਵਾਦ ਹੀ ਵੱਖਰਾ ਹੋ ਜਾਂਦਾ ਹੈ। ਕਾਜੂ ਸਵਾਦਿਸ਼ਟ ਹੋਣ ਦੇ ਨਾਲ-ਨਾਲ ਸਰੀਰ ਲਈ ਵੀ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ।
ਕਾਜੂ ਦੇ ਸੇਵਨ ਨਾਲ ਸਰੀਰ ਦਾ ਮੇਟਾਬੋਲਿਜ਼ਮ ਠੀਕ ਰਹਿੰਦਾ ਹੈ। ਕਾਜੂ 'ਚ ਮੋਨੋਅਨਸੈਚੁਰੇਟਿਡ ਅਤੇ ਪੌਲੀਅਨਸੈਚੁਰੇਟਿਡ ਫੈਟ ਹੁੰਦੇ ਹਨ, ਜੋ ਸਿਹਤਮੰਦ ਖੁਰਾਕੀ ਚਰਬੀ ਦੇ ਚੰਗੇ ਸਰੋਤ ਹਨ। ਇਹ ਚਰਬੀ ਐਲਡੀਐਲ ਕੋਲੇਸਟ੍ਰੋਲ (ਬੁਰਾ ਕੋਲੇਸਟ੍ਰੋਲ) ਨੂੰ ਘਟਾਉਣ 'ਚ ਮਦਦ ਕਰਦੀ ਹੈ, ਜੋ ਜੇਕਰ ਵਧ ਜਾਂਦੀ ਹੈ ਤਾਂ ਦਿਲ ਨਾਲ ਸਬੰਧਤ ਬੀਮਾਰੀਆਂ ਹੋ ਸਕਦੀਆਂ ਹਨ।
 
ਕਾਜੂ 'ਚ ਪਾਏ ਜਾਂਦੇ ਸ਼ਕਤੀਸ਼ਾਲੀ ਤੱਤ
ਕਾਜੂ 'ਚ ਮੈਗਨੀਸ਼ੀਅਮ, ਕਾਪਰ, ਮੈਂਗਨੀਜ਼, ਜ਼ਿੰਕ, ਪੋਟਾਸ਼ੀਅਮ, ਸੇਲੇਨੀਅਮ ਵਰਗੇ ਖਣਿਜ ਹੁੰਦੇ ਹਨ, ਜੋ ਸਿਹਤ ਨੂੰ ਬਣਾਏ ਰੱਖਦੇ ਹਨ। ਕਾਜੂ 'ਚ ਕੋਲੈਸਟ੍ਰਾਲ ਦਾ ਪੱਧਰ ਬਹੁਤ ਘੱਟ ਹੁੰਦਾ ਹੈ। ਇਸ 'ਚ ਪਾਏ ਜਾਣ ਵਾਲੇ ਐਂਟੀ-ਆਕਸੀਡੈਂਟਸ ਇੰਨੇ ਸ਼ਕਤੀਸ਼ਾਲੀ ਹੁੰਦੇ ਹਨ ਕਿ ਇਹ ਤੁਹਾਨੂੰ ਦਿਲ ਦੀਆਂ ਬੀਮਾਰੀਆਂ ਤੋਂ ਦੂਰ ਰੱਖਦਾ ਹੈ। ਆਓ ਜਾਣਦੇ ਹਾਂ ਕਾਜੂ ਖਾਣ ਦੇ ਕੀ-ਕੀ ਹਨ ਫ਼ਾਇਦੇ :-
 
 

ਦਿਲ ਨੂੰ ਸਿਹਤਮੰਦ ਰੱਖੋ
ਕਾਜੂ 'ਚ ਮੌਜੂਦ ਓਲੀਕ ਐਸਿਡ ਦਿਲ ਦੀਆਂ ਬੀਮਾਰੀਆਂ ਦੇ ਖ਼ਤਰੇ ਨੂੰ ਕਾਫ਼ੀ ਹੱਦ ਤਕ ਘੱਟ ਕਰਨ 'ਚ ਮਦਦਗਾਰ ਹੁੰਦਾ ਹੈ। ਕਾਜੂ ਅਨਸੈਚੁਰੇਟਿਡ ਫੈਟ ਐੱਚ. ਡੀ. ਐੱਲ. ਕੋਲੈਸਟ੍ਰਾਲ ਭਾਵ ਚੰਗੇ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਵਧਾਉਂਦਾ ਹੈ। ਇਸ ਦੇ ਨਾਲ ਹੀ ਇਹ ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਨ 'ਚ ਬਹੁਤ ਪ੍ਰਭਾਵਸ਼ਾਲੀ ਹੈ।
 
ਬੀ. ਪੀ. ਨੂੰ ਕਰਦੈ ਕੰਟਰੋਲ
ਕਾਜੂ 'ਚ ਪੋਟਾਸ਼ੀਅਮ ਅਤੇ ਸੋਡੀਅਮ ਦੀ ਮਾਤਰਾ ਘੱਟ ਹੋਣ ਕਾਰਨ ਬਲੱਡ ਪ੍ਰੈਸ਼ਰ ਦੀ ਸਮਰੱਥਾ ਘੱਟ ਹੁੰਦੀ ਹੈ, ਜੋ ਬੀ. ਪੀ. ਨੂੰ ਕੰਟਰੋਲ ਕਰਦਾ ਹੈ। ਇਹ ਹਾਈ ਬਲੱਡ ਪ੍ਰੈਸ਼ਰ, ਹਾਰਟ ਅਟੈਕ ਅਤੇ ਸਟ੍ਰੋਕ ਦੇ ਖ਼ਤਰੇ ਨੂੰ ਘੱਟ ਕਰਨ 'ਚ ਮਦਦਗਾਰ ਹੈ।

 
ਭਰਪੂਰ ਮਾਤਰਾ 'ਚ ਹੁੰਦੈ ਕਾਪਰ
ਕਾਜੂ 'ਚ ਭਰਪੂਰ ਮਾਤਰਾ 'ਚ ਪਾਇਆ ਜਾਣ ਵਾਲਾ ਕਾਪਰ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ। ਇਹ ਆਇਰਨ ਦੇ ਮੈਟਾਬੋਲਿਜ਼ਮ 'ਚ ਮਦਦ ਕਰਦਾ ਹੈ, ਜੋ ਅਨਿਯਮਿਤ ਦਿਲ ਦੀ ਧੜਕਣ ਨੂੰ ਰੋਕਦਾ ਹੈ। ਕਾਜੂ 'ਚ ਮੌਜੂਦ ਵਿਟਾਮਿਨ-ਈ ਧਮਨੀਆਂ 'ਚ ਪਲੇਕ ਦੇ ਉਤਪਾਦਨ ਨੂੰ ਰੋਕਣ ਅਤੇ ਖੂਨ ਦੇ ਪ੍ਰਵਾਹ ਨੂੰ ਘੱਟ ਕਰਨ ਦੀ ਸਮਰੱਥਾ ਰੱਖਦਾ ਹੈ।
 
ਓਮੇਗਾ-3 ਫੈਟੀ ਐਸਿਡ ਹੁੰਦੈ ਭਰਪੂਰ ਮਾਤਰਾ
ਕਾਜੂ 'ਚ ਪਾਏ ਜਾਣ ਵਾਲੇ ਪੌਸ਼ਟਿਕ ਫਾਈਬਰ ਕੋਲੈਸਟ੍ਰੋਲ ਦੇ ਪੱਧਰ, ਬਲੱਡ ਪ੍ਰੈਸ਼ਰ ਅਤੇ ਸੋਜ ਨੂੰ ਘੱਟ ਕਰਦੇ ਹਨ। ਇਸ ਦੇ ਨਾਲ ਹੀ ਦਿਲ ਦੀ ਸਿਹਤ 'ਚ ਵੀ ਸੁਧਾਰ ਹੁੰਦਾ ਹੈ। ਕਾਜੂ 'ਚ ਮੌਜੂਦ ਓਮੇਗਾ-3 ਫੈਟੀ ਐਸਿਡ ਦਿਲ ਦੀ ਧੜਕਣ ਨੂੰ ਠੀਕ ਰੱਖਦਾ ਹੈ ਅਤੇ ਇਸ ਨੂੰ ਅਸਧਾਰਨ ਹੋਣ ਤੋਂ ਰੋਕਦਾ ਹੈ। L-Arginine ਕਾਜੂ 'ਚ ਪਾਇਆ ਜਾਣ ਵਾਲਾ ਇੱਕ ਮਿਸ਼ਰਣ ਹੈ, ਜੋ ਖੂਨ ਦੇ ਜੰਮਣ ਨੂੰ ਰੋਕਦਾ ਹੈ।

ਉਂਝ ਭਾਵੇਂ ਕੋਈ ਚੀਜ਼ ਕਿੰਨੀ ਵੀ ਫ਼ਾਇਦੇਮੰਦ ਕਿਉਂ ਨਾ ਹੋਵੇ ਪਰ ਕਿਸੇ ਵੀ ਚੀਜ਼ ਦੀ ਜ਼ਿਆਦਾ ਵਰਤੋਂ ਸਿਹਤ ਲਈ ਚੰਗੀ ਨਹੀਂ ਹੁੰਦੀ। ਰੋਜ਼ਾਨਾ 5-6 ਕਾਜੂ ਖਾਣਾ ਸਿਹਤ ਲਈ ਫ਼ਾਇਦੇਮੰਦ ਹੁੰਦਾ ਹੈ। ਇਸ ਨੂੰ ਸਵੇਰ ਦੇ ਨਾਸ਼ਤੇ ਨਾਲ ਸਿਹਤਮੰਦ ਸਨੈਕ ਵਜੋਂ ਖਾਧਾ ਜਾ ਸਕਦਾ ਹੈ।