ਸਿਰਫ਼ ਸਵਾਦ ਹੀ ਨਹੀਂ, ਸਰੀਰ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ 'ਦੇਸੀ ਘਿਓ', ਜਾਣੋ ਇਸ ਬੇਮਿਸਾਲ ਫਾਇਦੇ

ਹੈਲਥ ਡੈਸਕ - ਅੱਜ-ਕੱਲ੍ਹ ਦੇ ਦੌਰ 'ਚ ਜਿੱਥੇ ਲੋਕ ਫਿਟਨੈਸ ਦੇ ਚੱਕਰ 'ਚ ਫੈਟ ਤੋਂ ਦੂਰ ਭੱਜਦੇ ਹਨ, ਉੱਥੇ ਹੀ ਆਧੁਨਿਕ ਵਿਗਿਆਨ ਅਤੇ ਆਯੁਰਵੇਦ 'ਦੇਸੀ ਘਿਓ' ਨੂੰ ਸਭ ਤੋਂ ਉੱਤਮ ਸੁਪਰਫੂਡ ਮੰਨਦੇ ਹਨ। ਸਾਡੇ ਬਜ਼ੁਰਗਾਂ ਦੀ ਲੰਬੀ ਉਮਰ ਅਤੇ ਸਰੀਰਕ ਤਾਕਤ ਦਾ ਰਾਜ਼ ਵੀ ਇਹੀ ਦੇਸੀ ਘਿਓ ਸੀ। ਜੇਕਰ ਇਸ ਨੂੰ ਸਹੀ ਮਾਤਰਾ 'ਚ ਖਾਧਾ ਜਾਵੇ, ਤਾਂ ਇਹ ਸਿਰਫ਼ ਸਰੀਰ ਨੂੰ ਊਰਜਾ ਹੀ ਨਹੀਂ ਦਿੰਦਾ, ਸਗੋਂ ਕਈ ਬਿਮਾਰੀਆਂ ਨੂੰ ਜੜ੍ਹ ਤੋਂ ਖ਼ਤਮ ਕਰਨ ਦੀ ਸ਼ਕਤੀ ਵੀ ਰੱਖਦਾ ਹੈ।

ਕਿਉਂ ਹੈ ਦੇਸੀ ਘਿਓ ਸਿਹਤ ਲਈ ਜ਼ਰੂਰੀ?
- ਦੇਸੀ ਘਿਓ 'ਚ ਵਿਟਾਮਿਨ A, D, E ਅਤੇ K ਵਰਗੇ ਮਹੱਤਵਪੂਰਨ ਤੱਤ ਹੁੰਦੇ ਹਨ। ਇਸ ਤੋਂ ਇਲਾਵਾ, ਇਸ 'ਚ ਮੌਜੂਦ ਓਮੇਗਾ-3 ਅਤੇ ਓਮੇਗਾ-9 ਫੈਟੀ ਐਸਿਡ ਦਿਲ ਅਤੇ ਦਿਮਾਗ ਦੋਵਾਂ ਲਈ ਬੇਹੱਦ ਫਾਇਦੇਮੰਦ ਹਨ।

ਦੇਸੀ ਘਿਓ ਖਾਣ ਦੇ ਮੁੱਖ ਫਾਇਦੇ :-

- ਦੇਸੀ ਘਿਓ ਖਾਣ ਨਾਲ ਮੈਟਾਬੋਲਿਜ਼ਮ ਵਧਦਾ ਹੈ। ਇਹ ਅੰਤੜੀਆਂ ਦੀ ਸਫਾਈ ਕਰਦਾ ਹੈ ਅਤੇ ਕਬਜ਼ ਵਰਗੀਆਂ ਪੁਰਾਣੀਆਂ ਸਮੱਸਿਆਵਾਂ ਤੋਂ ਰਾਹਤ ਦਿਵਾਉਂਦਾ ਹੈ।
- ਆਯੁਰਵੇਦ ਅਨੁਸਾਰ ਘਿਓ ਦਾ ਸੇਵਨ ਯਾਦਦਾਸ਼ਤ ਨੂੰ ਤੇਜ਼ ਕਰਦਾ ਹੈ ਅਤੇ ਮਾਨਸਿਕ ਤਣਾਅ ਨੂੰ ਘੱਟ ਕਰਨ 'ਚ ਮਦਦਗਾਰ ਹੁੰਦਾ ਹੈ।
- ਉਮਰ ਵਧਣ ਦੇ ਨਾਲ ਹੋਣ ਵਾਲੇ ਜੋੜਾਂ ਦੇ ਦਰਦ 'ਚ ਘਿਓ 'ਲੁਬਰੀਕੈਂਟ' ਦਾ ਕੰਮ ਕਰਦਾ ਹੈ, ਜਿਸ ਨਾਲ ਹੱਡੀਆਂ ਦੀ ਮਜ਼ਬੂਤੀ ਬਣੀ ਰਹਿੰਦੀ ਹੈ।
- ਘਿਓ ਸਰੀਰ ਨੂੰ ਅੰਦਰੂਨੀ ਤੌਰ 'ਤੇ ਡੀਟੌਕਸ ਕਰਦਾ ਹੈ, ਜਿਸ ਨਾਲ ਚਮੜੀ ਵਿੱਚ ਚਮਕ ਆਉਂਦੀ ਹੈ ਅਤੇ ਵਾਲਾਂ ਦਾ ਝੜਨਾ ਘੱਟ ਹੁੰਦਾ ਹੈ।
- ਰੋਜ਼ਾਨਾ ਥੋੜ੍ਹੀ ਮਾਤਰਾ 'ਚ ਘਿਓ ਦਾ ਸੇਵਨ ਕਰਨ ਨਾਲ ਸਰੀਰ ਦੀ ਰੋਗਾਂ ਨਾਲ ਲੜਨ ਦੀ ਸ਼ਕਤੀ ਵਧਦੀ ਹੈ।
 
 ਕਿੰਨੀ ਮਾਤਰਾ 'ਚ ਕਰੀਏ ਸੇਵਨ? 

- ਸਿਹਤ ਮਾਹਿਰਾਂ ਅਨੁਸਾਰ, ਇੱਕ ਆਮ ਤੰਦਰੁਸਤ ਵਿਅਕਤੀ ਦਿਨ ਵਿੱਚ  ਤੋਂ 2 ਚਮਚ ਦੇਸੀ ਘਿਓ ਆਰਾਮ ਨਾਲ ਖਾ ਸਕਦਾ ਹੈ। ਖ਼ਾਸ ਕਰਕੇ ਦਾਲ, ਸਬਜ਼ੀ ਜਾਂ ਰੋਟੀ 'ਤੇ ਲਗਾ ਕੇ ਇਸ ਦਾ ਸੇਵਨ ਕਰਨਾ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ।

ਨੋਟ :- ਜਿਨ੍ਹਾਂ ਲੋਕਾਂ ਨੂੰ ਦਿਲ ਦੀ ਬਿਮਾਰੀ ਜਾਂ ਕੋਲੈਸਟ੍ਰੋਲ ਦੀ ਸਮੱਸਿਆ ਹੈ, ਉਹ ਡਾਕਟਰੀ ਸਲਾਹ ਤੋਂ ਬਾਅਦ ਹੀ ਇਸ ਦੀ ਵਰਤੋਂ ਕਰਨ।