ਸਾਵਧਾਨ! FASTag ਦੇ ਨਾਂ ''ਤੇ ਖਾਲੀ ਹੋ ਸਕਦੈ ਤੁਹਾਡਾ ਬੈਂਕ ਖਾਤਾ, ਜਾਣੋ ਨਵਾਂ ''ਐਨੂਅਲ ਪਾਸ'' ਸਕੈਮ

ਗੈਜੇਟ ਡੈਸਕ : ਜੇਕਰ ਤੁਸੀਂ ਵੀ ਆਪਣੀ ਗੱਡੀ ਲਈ FASTag ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਭਾਰਤ ਸਰਕਾਰ ਨੇ FASTag ਦੇ ਨਾਂ 'ਤੇ ਹੋ ਰਹੇ ਇਕ ਨਵੇਂ ਅਤੇ ਵੱਡੇ 'ਐਨੂਅਲ ਪਾਸ ਸਕੈਮ' ਨੂੰ ਲੈ ਕੇ ਦੇਸ਼ ਵਾਸੀਆਂ ਨੂੰ ਚਿਤਾਵਨੀ ਜਾਰੀ ਕੀਤੀ ਹੈ। ਸਾਈਬਰ ਅਪਰਾਧੀ ਲੋਕਾਂ ਨੂੰ ਭਾਰੀ ਡਿਸਕਾਊਂਟ ਦਾ ਲਾਲਚ ਦੇ ਕੇ ਉਨ੍ਹਾਂ ਦੇ ਬੈਂਕ ਖਾਤਿਆਂ 'ਚੋਂ ਪੈਸੇ ਉਡਾ ਰਹੇ ਹਨ।

ਕਿਵੇਂ ਹੋ ਰਿਹਾ ਹੈ ਇਹ ਫਰਾਡ? 
ਸਰਕਾਰੀ ਏਜੰਸੀਆਂ ਮੁਤਾਬਕ ਸਕੈਮਰਾਂ ਨੇ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ ਇੰਡੀਆ ਤੇ IHMCL ਦੇ ਨਾਂ ਅਤੇ ਲੋਗੋ ਦੀ ਗਲਤ ਵਰਤੋਂ ਕਰ ਕੇ ਫਰਜ਼ੀ ਵੈੱਬਸਾਈਟਾਂ ਬਣਾਈਆਂ ਹਨ, ਜੋ ਦੇਖਣ ਵਿੱਚ ਬਿਲਕੁਲ ਅਸਲੀ ਵਰਗੀਆਂ ਲੱਗਦੀਆਂ ਹਨ। ਲੋਕਾਂ ਨੂੰ ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਐਕਸ (X) ਵਰਗੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਸਸਤੇ ਰੀਚਾਰਜ ਜਾਂ ਸਾਲਾਨਾ ਪਾਸ ਦੇ ਇਸ਼ਤਿਹਾਰ ਦਿਖਾ ਕੇ ਇਨ੍ਹਾਂ ਫਰਜ਼ੀ ਲਿੰਕਾਂ 'ਤੇ ਕਲਿੱਕ ਕਰਨ ਲਈ ਉਕਸਾਇਆ ਜਾਂਦਾ ਹੈ।

ਇਕ ਵਾਰ ਜਦੋਂ ਯੂਜ਼ਰ ਇਸ ਫਰਜ਼ੀ ਲਿੰਕ 'ਤੇ ਕਲਿੱਕ ਕਰਦਾ ਹੈ, ਤਾਂ ਉਸ ਤੋਂ ਗੱਡੀ ਦਾ ਨੰਬਰ, FASTag ID ਅਤੇ ਬੈਂਕਿੰਗ ਵੇਰਵੇ ਮੰਗੇ ਜਾਂਦੇ ਹਨ। ਜਿਵੇਂ ਹੀ ਕੋਈ ਭੁਗਤਾਨ (Payment) ਕਰਦਾ ਹੈ, ਉਹ ਪੈਸਾ ਸਿੱਧਾ ਸਕੈਮਰ ਦੇ ਖਾਤੇ ਵਿੱਚ ਚਲਾ ਜਾਂਦਾ ਹੈ ਅਤੇ ਯੂਜ਼ਰ ਨੂੰ ਕੋਈ ਜਾਇਜ਼ ਪਾਸ ਜਾਰੀ ਨਹੀਂ ਹੁੰਦਾ, ਸਗੋਂ ਉਸ ਦੀ ਬੈਂਕਿੰਗ ਜਾਣਕਾਰੀ ਵੀ ਚੋਰੀ ਹੋ ਜਾਂਦੀ ਹੈ।

Discount के नाम पर चल रहा है नया FASTag Annual Pass Scam ⚠️

इस संबंध में Indian Cyber Crime Coordination Centre (I4C), Ministry of Home Affairs द्वारा आधिकारिक advisory जारी की गई है: https://t.co/fN0Sd5DggF#FASTag #ScamAlert #FakeWebsite #CyberSafetyIndia #Cybercrime pic.twitter.com/mecovHU2zl

— CyberDost I4C (@Cyberdost) March 9, 2026

ਬਚਣ ਲਈ ਸਰਕਾਰ ਨੇ ਦਿੱਤੇ ਇਹ ਸੁਝਾਅ: ਗ੍ਰਹਿ ਮੰਤਰਾਲੇ ਦੇ ਸਾਈਬਰ ਸੁਰੱਖਿਆ ਵਿੰਗ (I4C) ਨੇ ਇਸ ਨਵੇਂ ਸਕੈਮ ਤੋਂ ਬਚਣ ਲਈ ਇਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ:

•FASTag ਐਨੂਅਲ ਪਾਸ ਲਈ ਸਿਰਫ ਅਧਿਕਾਰਤ 'Rajmargyatra' ਮੋਬਾਈਲ ਐਪ ਜਾਂ NHAI ਦੀ ਅਧਿਕਾਰਤ ਵੈੱਬਸਾਈਟ ਦੀ ਹੀ ਵਰਤੋਂ ਕਰੋ।

•ਸੋਸ਼ਲ ਮੀਡੀਆ 'ਤੇ ਦਿਖਾਈ ਦੇਣ ਵਾਲੇ ਕਿਸੇ ਵੀ ਲੁਭਾਉਣੇ ਡਿਸਕਾਊਂਟ ਵਾਲੇ ਇਸ਼ਤਿਹਾਰ (Add) 'ਤੇ ਕਲਿੱਕ ਨਾ ਕਰੋ।

•ਯਾਦ ਰੱਖੋ ਕਿ ਗੂਗਲ ਸਰਚ ਵਿੱਚ ਆਉਣ ਵਾਲਾ ਪਹਿਲਾ ਲਿੰਕ ਹਮੇਸ਼ਾ ਅਸਲੀ ਨਹੀਂ ਹੁੰਦਾ।

•ਕਦੇ ਵੀ ਕਿਸੇ ਅਣਪਛਾਤੀ ਵੈੱਬਸਾਈਟ 'ਤੇ ਆਪਣਾ OTP, FASTag ID ਜਾਂ ਬੈਂਕ ਵੇਰਵੇ ਸਾਂਝੇ ਨਾ ਕਰੋ।

ਜੇਕਰ ਤੁਸੀਂ ਗਲਤੀ ਨਾਲ ਇਸ ਧੋਖਾਧੜੀ ਦਾ ਸ਼ਿਕਾਰ ਹੋ ਜਾਂਦੇ ਹੋ, ਤਾਂ ਤੁਰੰਤ 1930 ਨੰਬਰ 'ਤੇ ਕਾਲ ਕਰੋ ਜਾਂ ਸਰਕਾਰੀ ਸਾਈਬਰ ਕ੍ਰਾਈਮ ਦੀ ਵੈੱਬਸਾਈਟ 'ਤੇ ਸ਼ਿਕਾਇਤ ਦਰਜ ਕਰਵਾਓ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e