ਕਦੀ ਸੋਚਿਆ ਸਮਾਰਟਫੋਨ ਦੇ ਸੱਜੇ ਪਾਸੇ ਹੀ ਕਿਉਂ ਹੁੰਦਾ ਹੈ ਪਾਵਰ ਬਟਨ ! ਜਾਣੋ ਵਜ੍ਹਾ

ਗੈਜੇਟ ਡੈਸਕ : ਅੱਜ ਦੇ ਦੌਰ ਵਿੱਚ ਚਾਹੇ ਐਪਲ ਦਾ ਫੋਨ ਹੋਵੇ ਜਾਂ ਸੈਮਸੰਗ ਦਾ ਪਰ ਤੁਸੀਂ ਨੋਟਿਸ ਕੀਤਾ ਹੋਵੇਗਾ ਕਿ ਲਗਭਗ ਹਰ ਕੰਪਨੀ ਦੇ ਸਮਾਰਟਫੋਨ ਵਿੱਚ ਪਾਵਰ ਬਟਨ ਸੱਜੇ ਪਾਸੇ ਹੀ ਹੁੰਦਾ ਹੈ। ਹਾਲਾਂਕਿ ਬਹੁਤ ਸਾਰੇ ਲੋਕ ਸਾਲਾਂ ਤੋਂ ਫੋਨ ਦੀ ਵਰਤੋਂ ਕਰ ਰਹੇ ਹਨ, ਪਰ ਉਹ ਇਸ ਦੇ ਪਿੱਛੇ ਦਾ ਅਸਲ ਕਾਰਨ ਨਹੀਂ ਜਾਣਦੇ।

ਕੀ ਪਹਿਲਾਂ ਤੋਂ ਅਜਿਹਾ ਸੀ?
ਜਦੋਂ ਸਮਾਰਟਫੋਨ ਦੀ ਸ਼ੁਰੂਆਤ ਹੋਈ ਸੀ, ਤਾਂ ਪਾਵਰ ਬਟਨ ਦੀ ਕੋਈ ਇੱਕ ਨਿਸ਼ਚਿਤ ਜਗ੍ਹਾ ਨਹੀਂ ਸੀ। ਕਈ ਕੰਪਨੀਆਂ ਇਸਨੂੰ ਫੋਨ ਦੇ ਉੱਪਰਲੇ ਹਿੱਸੇ ਵਿੱਚ ਦਿੰਦੀਆਂ ਸਨ ਅਤੇ ਕੁਝ ਪਿਛਲੇ ਪਾਸੇ। ਉਦਾਹਰਣ ਵਜੋਂ, iPhone 5s ਵਿੱਚ ਪਾਵਰ ਬਟਨ ਉੱਪਰ ਦਿੱਤਾ ਗਿਆ ਸੀ, ਜਦੋਂ ਕਿ iPhone 6 ਤੋਂ ਕੰਪਨੀ ਨੇ ਇਸਨੂੰ ਸੱਜੇ ਪਾਸੇ ਦੇਣਾ ਸ਼ੁਰੂ ਕੀਤਾ। ਇਸੇ ਤਰ੍ਹਾਂ LG G3 ਵਰਗੇ ਫੋਨਾਂ ਵਿੱਚ ਇਹ ਬਟਨ ਪਿਛਲੇ ਪੈਨਲ (Rear Panel) 'ਤੇ ਹੁੰਦਾ ਸੀ।

ਸੱਜੇ ਪਾਸੇ ਬਟਨ ਹੋਣ ਦਾ ਮੁੱਖ ਕਾਰਨ:
 ਇਸ ਦੇ ਪਿੱਛੇ ਸਭ ਤੋਂ ਵੱਡਾ ਕਾਰਨ ਮਨੁੱਖੀ ਸਰੀਰ ਦੀ ਬਣਤਰ ਅਤੇ ਵਰਤੋਂ ਦੀ ਸਹੂਲਤ ਹੈ:

•ਸੱਜੇ ਹੱਥ ਦੀ ਵਰਤੋਂ: ਦੁਨੀਆ ਦੀ ਜ਼ਿਆਦਾਤਰ ਆਬਾਦੀ ਸੱਜੇ ਹੱਥ ਨਾਲ ਕੰਮ ਕਰਨ ਵਾਲੀ ਹੈ। ਜਦੋਂ ਅਸੀਂ ਫੋਨ ਨੂੰ ਸੱਜੇ ਹੱਥ ਵਿੱਚ ਫੜਦੇ ਹਾਂ, ਤਾਂ ਸਾਡੇ ਹੱਥ ਦਾ ਅੰਗੂਠਾ ਕੁਦਰਤੀ ਤੌਰ 'ਤੇ ਫੋਨ ਦੇ ਉੱਪਰਲੇ ਸੱਜੇ ਹਿੱਸੇ ਤੱਕ ਆਸਾਨੀ ਨਾਲ ਪਹੁੰਚ ਜਾਂਦਾ ਹੈ।

•ਬਿਹਤਰ ਗ੍ਰਿਫ (Grip): ਸੱਜੇ ਪਾਸੇ ਬਟਨ ਹੋਣ ਨਾਲ ਫੋਨ ਦੀ ਗ੍ਰਿਫ ਖਰਾਬ ਕੀਤੇ ਬਿਨਾਂ ਉਸਨੂੰ ਲਾਕ ਜਾਂ ਅਨਲਾਕ ਕਰਨਾ ਆਸਾਨ ਹੁੰਦਾ ਹੈ।

•ਐਕਸੈਸਬਿਲਟੀ (Accessibility): ਕੰਪਨੀਆਂ ਗਾਹਕਾਂ ਦੀ ਸਹੂਲਤ ਅਤੇ ਵਰਤੋਂ ਵਿੱਚ ਆਸਾਨੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਹੀ ਇਸਨੂੰ ਸੱਜੇ ਪਾਸੇ ਡਿਜ਼ਾਈਨ ਕਰਦੀਆਂ ਹਨ।

ਇਸ ਤਰ੍ਹਾਂ, ਸਮਾਰਟਫੋਨ ਦੇ ਡਿਜ਼ਾਈਨ ਵਿੱਚ ਇਹ ਤਬਦੀਲੀ ਸਿਰਫ਼ ਦਿੱਖ ਲਈ ਨਹੀਂ, ਸਗੋਂ ਯੂਜ਼ਰ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਕੀਤੀ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e