WhatsApp ਯੂਜ਼ ਕਰਨ ਵਾਲੇ ਇਨ੍ਹਾਂ ਗੱਲਾਂ ਦਾ ਰੱਖਣ ਖਾਸ ਧਿਆਨ

ਨਵੀਂ ਦਿੱਲੀ— ਹਰਮਨ ਪਿਆਰੀ ਮੈਸਜਿੰਗ ਐਪ WhatsApp ਨੇ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾ ਲਿਆ ਹੈ। ਇਸ ਐਪ ਨਾਲ ਅਸੀਂ ਆਪਣੇ ਸਹਿਯੋਗੀਆਂ, ਦੋਸਤਾਂ, ਪਰਿਵਾਰ, ਰਿਸ਼ਤੇਦਾਰਾਂ ਆਦਿ ਨਾਲ ਜੁੜੇ ਰਹਿੰਦੇ ਹਾਂ। ਇਸ ਐਪ ਰਾਹੀਂ ਅਸੀਂ ਆਪਣੇ ਸਾਥੀਆਂ ਨਾਲ ਕਈ ਗੱਲਾ, ਤਸਵੀਰਾਂ ਆਦਿ ਸ਼ੇਅਰ ਕਰਦੇ ਹਾਂ। ਅੱਜ ਅਸੀਂ ਤੁਹਾਨੂੰ ਕੁਝ ਇਸ ਤਰ੍ਹਾਂ ਦੀਆਂ ਗੱਲਾਂ ਦੀ ਜਾਣਕਾਰੀ ਦੇਣ ਜਾ ਰਹੇ ਹਾਂ ਕਿ ਜਿਨ੍ਹਾਂ ਨੂੰ WhatsApp ''ਤੇ ਸ਼ੇਅਰ ਕਰਨ ਤੋਂ ਬਚਣਾ ਚਾਹੀਦਾ ਹੈ 

ਨਿਜੀ ਜਾਣਕਾਰੀ ਸ਼ੇਅਰ ਕਰਨ ਤੋਂ ਬਚੋ -
ਆਪਣੀ ਨਿਜੀ ਜਾਣਕਾਰੀ ਜਿਵੇਂ ਕਿ ਫੋਨ/ਮੋਬਾਈਲ ਨੰਬਰ, ਘਰ ਦਾ ਪਤਾ, ਬੈਂਕ ਡਿਟੇਲ, ਈ-ਮੇਲ, ਡੈਬਿਟ ਤੇ ਕ੍ਰੈਡਿਟ ਕਾਰਡ ਆਦਿ ਜਾਣਕਾਰੀ ਸ਼ੇਅਰ ਕਰਨ ਤੋਂ ਬਚੋ। ਕਿਉਂਕਿ ਇਸ ਨਾਲ ਤੁਹਾਡੀ ਨਿਜੀ ਜਾਣਕਾਰੀ ਜਨਤਕ ਹੋ ਜਾਵੇਗੀ ਜੋ ਕਿ ਤੁਹਾਡੇ ਲਈ ਖਤਰਨਾਕ ਹੋ ਸਕਦਾ ਹੈ।

WhatsApp Web

ਜੇਕਰ ਤੁਸੀਂ WhatsApp Web ਦੀ ਵਰਤੋਂ ਕਰਦੇ ਹੋ ਤਾਂ ਸਾਵਧਾਨੀ ਵਕਤੋਂ ਤੇ ਜਦੋਂ ਵੀ ਤੁਸੀਂ ਇਸ ਦੀ ਵਰਤੋਂ ਕਰੋ ਤਾਂ ਅਕਾਊਂਟ ਨੂੰ ਲਾਗਆਊਟ ਕਰਨਾ ਨਾ ਭੁਲੋ।

Privacy

ਜੇਕਰ ਪ੍ਰਾਈਵੇਸੀ ਲਈ ਤੁਸੀਂ WhatsApp ''ਤੇ ਇਹ ਨਹੀਂ ਦਿਖਾਉਣਾ ਚਾਹੁੰਦੇ ਕਿ ਤੁਸੀ ਕਦੋਂ ਆਨਲਾਈਨ ਜਾਂ ਆਫਲਾਈਨ ਰਹਿੰਦੇ ਹੋ ਤਾਂ ਤੁਸੀਂ ਇਸ ਦੇ ਲਈ  WhatsApp  ਐਪ ਪ੍ਰੋਫਾਈਲ ''ਚ ਜਾ ਕੇ Privacy MENU ''ਚ ਲਾਸਟ ਸੀਨ ਆਪਸ਼ਨ ਨੂੰ ਡਿਸੇਬਲ ਕਰ ਦਿਓ।

Password

ਆਪਣੇ ਮੋਬਾਇਲ ''ਚ WhatsApp ਨੂੰ ਹਮੇਸ਼ਾ ਪਾਸਵਰਡ ਨਾਲ ਸੁਰੱਖਿਅਤ ਰੱਖੋ ਤਾਂ ਜੋ ਭੁੱਲ ਕੇ ਵੀ ਜੇ ਮੋਬਾਇਲ ਖੁੱਲ੍ਹਾ ਰਹਿ ਜਾਵੇ, ਗੁੰਮ ਹੋ ਜਾਏ ਜਾਂ ਕਿਸੇ ਦੂਜੇ ਵਿਅਕਤੀ ਦੇ ਹੱਥ ਲੱਗ ਜਾਵੇ ਤਾਂ ਤੁਹਾਡੀ ਚੈਟ ਸੁਰੱਖਿਅਤ ਬਣੀ ਰਹੇ। ਇਸ ਤਰ੍ਹਾਂ ਕਰਨ ਲਈ ਆਪਣੇ ਮੋਬਾਇਲ ''ਚ ੩੬੦ ਸਕਿਊੁਰਿਟੀ ਵਰਗਾ ਕੋਈ ਐਪ ਇੰਸਟਾਲ ਕਰਨਾ ਹੋਵੇਗਾ ਜੋ ਕਿ ਪਾਸਵਰਡ ਜਾਂ ਪਿੰਨ ਨਾਲ Whats1pp  ਨੂੰ ਪ੍ਰੋਟੈਕਟ ਕਰਦਾ ਹੈ।

ES FILE EXPLORER APP
ਤੁਸੀਂ ਜੇਕਰ ਐਂਡਰਾਇਡ ਮੋਬਾਇਲ ਰੱਖਦੇ ਹੋ ਤਾਂ ਆਪਣੀ ਪ੍ਰੋਫਾਈਲ ਦੀ ਪ੍ਰਾਈਵੇਸੀ ਲਈ ES FILE EXPLORER APP ਇੰਸਟਾਲ ਕਰੋ। ਇਹ ਐਪ ਤੁਹਾਡੇ WhatsApp ਇਮੇਜ਼ ਤੇ ਵੀਡੀਓਜ਼ ਨੂੰ ਨੋਮੀਡੀਆ ਨਾਂ ਦੀ ਫਾਈਲ ''ਚ ਆਸਾਨੀ ਨਾਲ ਸੇਵ ਕਰ ਦਿੰਦਾ ਹੈ, ਜਿਨ੍ਹਾਂ ਨੂੰ ਮੋਬਾਇਲ ਗੈਲਰੀ ਵੀ ਸਕੈਨ ਨਹੀਂ ਕਰ ਸਕਦੀ ।

"Contacts only" 
ਆਪਣੀ  WhatsApp  ਪ੍ਰੋਫਾਈਲ ਫੋਟੋ ਨੂੰ ਜੇਕਰ ਸਿਰਫ ਆਪਣੇ ਨਾਲ ਜੁੜੇ ਭਰੋਸੇਯੋਗ ਲੋਕਾਂ ਨਾਲ ਸ਼ੇਅਰ ਕਰਨਾ ਚਾਹੁੰਦੇ ਹੋ ਤਾਂ ਪ੍ਰਾਈਵੇਸੀ ਆਪਸ਼ਨ ''ਚ ਜਾ ਕੇ "Contacts only" ਕਰ ਦਿਓ। ਇਸ ਨਾਲ ਤੁਹਾਡੀ ਫੋਟੋ ਸ਼ੇਅਰਿੰਗ ਨੂੰ ਦੂਜੇ ਲੋਕ ਨਾ ਤਾਂ ਦੇਖ ਸਕਣਗੇ ਤੇ ਨਾ ਹੀ ਆਸਾਨੀ ਨਾਲ ਡਾਊਨਲੋਡ ਕਰ ਸਕਣਗੇ।

ਇਕ ਮੋਬਾਇਲ ਨੰਬਰ ''ਤੇ ਹੀ ਯੂਜ਼

WhatsApp ਐਪ ਨੂੰ ਤੁਸੀਂ ਇਕ ਮੋਬਾਲਿ ਨੰਬਰ ਤੇ ਹੀ ਵਰਤ ਸਕਦੇ ਹੋ। ਤੁਹਾਡੇ ਕਿਸੇ ਦੂਜੇ ਮੋਬਾਇਲ ਤੋਂ WhatsApp ਅਕਾਊਂਟ ਐਕਟੀਵੇਟ ਕਰਦੇ ਹੀ ਪਹਿਲਾਂ ਵਾਲਾ ਅਕਾਊਂਟ ਆਟੋਮੈਟਿਕ ਡਿਐਕਟੀਵੇਟ ਹੋ ਜਾਵੇਗਾ।