ਫੋਨ ਚਾਰਜਿੰਗ ਦਾ ਬਦਲ ਗਿਆ ਤਰੀਕਾ! 100% ਚਾਰਜ ਹੁੰਦੇ ਹੀ ਖੁਦ ਬਾਹਰ ਨਿਕਲ ਜਾਵੇਗਾ ਚਾਰਜਰ, ਵੀਡੀਓ

ਗੈਜੇਟ ਡੈਸਕ : ਤਕਨਾਲੋਜੀ ਦੀ ਦੁਨੀਆ ਵਿੱਚ ਆਏ ਦਿਨ ਨਵੇਂ ਬਦਲਾਅ ਦੇਖਣ ਨੂੰ ਮਿਲਦੇ ਹਨ, ਪਰ ਹੁਣ ਚੀਨ ਦੀ ਇੱਕ ਕੰਪਨੀ ਨੇ ਇੱਕ ਅਜਿਹਾ ਕਮਾਲ ਕਰ ਦਿੱਤਾ ਹੈ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਅਕਸਰ ਲੋਕ ਰਾਤ ਨੂੰ ਫੋਨ ਚਾਰਜਿੰਗ 'ਤੇ ਲਗਾ ਕੇ ਸੌਂ ਜਾਂਦੇ ਹਨ, ਜਿਸ ਨਾਲ ਫੋਨ ਦੇ ਓਵਰਚਾਰਜ ਹੋਣ ਜਾਂ ਬੈਟਰੀ ਖਰਾਬ ਹੋਣ ਦਾ ਡਰ ਰਹਿੰਦਾ ਹੈ। ਇਸ ਸਮੱਸਿਆ ਦਾ ਹੱਲ ਕੱਢਦਿਆਂ ਚੀਨੀ ਕੰਪਨੀ Kuwajia ਨੇ ਇੱਕ ਅਜਿਹਾ 'ਆਟੋ-ਇਜੈਕਟ' ਚਾਰਜਰ ਤਿਆਰ ਕੀਤਾ ਹੈ ਜੋ ਫੋਨ ਦੀ ਬੈਟਰੀ 100 ਫੀਸਦੀ ਹੁੰਦੇ ਹੀ ਆਪਣੇ-ਆਪ ਜੈਕ ਤੋਂ ਬਾਹਰ ਆ ਜਾਂਦਾ ਹੈ।

ਕਿਵੇਂ ਕੰਮ ਕਰਦੀ ਹੈ ਇਹ ਤਕਨੀਕ? 
ਸਰੋਤਾਂ ਅਨੁਸਾਰ ਇਸ ਵਿਸ਼ੇਸ਼ ਚਾਰਜਰ ਨੂੰ ਸਪਰਿੰਗ ਅਤੇ ਇਲੈਕਟ੍ਰੋਮੈਗਨੇਟ ਦੀ ਮਦਦ ਨਾਲ ਬਣਾਇਆ ਗਿਆ ਹੈ। ਜਿਵੇਂ ਹੀ ਤੁਹਾਡਾ ਸਮਾਰਟਫੋਨ ਪੂਰੀ ਤਰ੍ਹਾਂ ਚਾਰਜ ਹੋ ਜਾਂਦਾ ਹੈ, ਚਾਰਜਰ ਵਿੱਚ ਲੱਗਾ ਇਲੈਕਟ੍ਰੋਮੈਗਨੇਟ ਲਾਕ ਰਿਲੀਜ਼ ਹੋ ਜਾਂਦਾ ਹੈ ਤੇ ਸਪਰਿੰਗ ਚਾਰਜਰ ਨੂੰ ਹੌਲੀ ਜਿਹੇ ਫੋਨ ਦੇ ਚਾਰਜਿੰਗ ਪੋਰਟ ਤੋਂ ਬਾਹਰ ਧੱਕ ਦਿੰਦੀ ਹੈ। ਇਸ ਨਾਲ ਪਾਵਰ ਸਪਲਾਈ ਤੁਰੰਤ ਕੱਟ ਜਾਂਦੀ ਹੈ।

ਬੈਟਰੀ ਤੇ ਫੋਨ ਦੀ ਵਧੇਗੀ ਉਮਰ
ਆਮ ਚਾਰਜਰਾਂ ਵਿੱਚ ਫੋਨ ਫੁੱਲ ਚਾਰਜ ਹੋਣ ਤੋਂ ਬਾਅਦ ਵੀ ਪਲੱਗ ਇਨ ਰਹਿੰਦਾ ਹੈ, ਜਿਸ ਕਾਰਨ ਕਈ ਵਾਰ ਓਵਰਹੀਟਿੰਗ ਦੀ ਸਮੱਸਿਆ ਆਉਣ ਲੱਗਦੀ ਹੈ। ਇਹ ਸਮੱਸਿਆ ਨਾ ਸਿਰਫ ਬੈਟਰੀ ਦੀ ਕਾਰਗੁਜ਼ਾਰੀ 'ਤੇ ਬੁਰਾ ਅਸਰ ਪਾਉਂਦੀ ਹੈ ਬਲਕਿ ਫੋਨ ਲਈ ਵੀ ਖ਼ਤਰਨਾਕ ਹੋ ਸਕਦੀ ਹੈ। ਕੁਵਾਜੀਆ ਦਾ ਇਹ ਚਾਰਜਰ ਨਾ ਸਿਰਫ ਸੁਰੱਖਿਆ ਦੀ ਇੱਕ ਨਵੀਂ ਪਰਤ ਜੋੜਦਾ ਹੈ, ਬਲਕਿ ਬਿਜਲੀ ਦੀ ਬਚਤ ਕਰਨ ਵਿੱਚ ਵੀ ਮਦਦਗਾਰ ਸਾਬਤ ਹੋ ਸਕਦਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਨਵੀਂ ਤਕਨੀਕ ਦੀ ਇੱਕ ਵੀਡੀਓ ਵੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਦੀ ਹਰ ਕੋਈ ਸ਼ਲਾਘਾ ਕਰ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e