50MP ਕੈਮਰੇ ਨਾਲ ਲਾਂਚ ਹੋਵੇਗਾ Tecno Spark 8P, ਕੰਪਨੀ ਨੇ ਜਾਰੀ ਕੀਤਾ ਟੀਜ਼ਰ

07/02/2022 5:06:20 PM

ਗੈਜੇਟ ਡੈਸਕ– ਟੈਕਨੋ ਦੇ ਅਪਕਮਿੰਗ ਸਮਾਰਟਫੋਨ Tecno Spark 8P ਨੂੰ ਲੈ ਕੇ ਕੰਪਨੀ ਨੇ ਟੀਜ਼ਰ ਜਾਰੀ ਕੀਤਾ ਹੈ। ਟੀਜ਼ਰ ਮੁਤਾਬਕ, Tecno Spark 8P ਦੇ ਨਾਲ 50 ਮੈਗਾਪਿਕਸਲ ਦਾ ਰੀਅਰ ਕੈਮਰਾ ਮਿਲੇਗਾ। ਇਸ ਤੋਂ ਇਲਾਵਾ ਟੈਕਨੋ ਦੇ ਇਸ ਫੋਨ ’ਚ 7 ਜੀ.ਬੀ. ਤਕ ਰੈਮ ਮਿਲੇਗੀ ਜਿਸ ਵਿਚ ਵਰਚੁਅਲ ਰੈਮ ਵੀ ਸ਼ਾਮਿਲ ਹੋਵੇਗੀ। ਦੱਸ ਦੇਈਏ ਕਿ ਇਹ ਫੋਨ ਗਲੋਬਲ ਬਾਜ਼ਾਰ ’ਚ ਲਾਂਚ ਹੋ ਚੁੱਕਾ ਹੈ। 

Tecno Spark 8P ਨੂੰ ਭਾਰਤੀ ਬਾਜ਼ਾਰ ’ਚ 10 ਹਜ਼ਾਰ ਰੁਪਏ ਤੋਂ ਘੱਟ ਕੀਮਤ ’ਚ ਲਾਂਚ ਕੀਤਾ ਜਾ ਸਕਦਾ ਹੈ। ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ਫੋਨ ਨਾਲ 3 ਜੀ.ਬੀ. ਦੀ ਵਰਚੁਅਲ ਰੈਮ ਮਿਲੇਗੀ। ਅਸਲ ’ਚ ਇਸ ਫੋਨ ’ਚ 4 ਜੀ.ਬੀ. ਰੈਮ ਹੋਵੇਗੀ। ਫੋਨ ’ਚ 50 ਮੈਗਾਪਿਕਸਲ ਦਾ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੋਵੇਗਾ। 

Tecno Spark 8P ’ਚ 6.6 ਇੰਚ ਦੀ ਫੁਲ ਐੱਚ.ਡੀ. ਪਲੱਸ ਡਿਸਪਲੇਅ ਮਿਲੇਗੀ ਜਿਸ ਦਾ ਰੈਜ਼ੋਲਿਊਸ਼ਨ 1080x2408 ਪਿਕਸਲ ਹੈ। ਫੋਨ ’ਚ ਮੀਡੀਆਟੈੱਕ ਹੀਲੀਓ ਜੀ85 ਪ੍ਰੋਸੈਸਰ ਮਿਲੇਗਾ। ਟੈਕਨੋ ਦੇ ਇਸ ਫੋਨ ’ਚ ਫਰੰਟ ’ਚ 8 ਮੈਗਾਪਿਕਸਲ ਦਾ ਕੈਮਰਾ ਮਿਲੇਗਾ। ਫਰੰਟ ਕੈਮਰੇ ਨਾਲ ਵੀ ਡਿਊਲ ਫਲੈਸ਼ ਲਾਈਟ ਮਿਲੇਗੀ। ਫੋਨ ’ਚ ਸਾਈਡ ਮਾਊਂਟੇਡ ਫਿੰਗਰਪ੍ਰਿੰਟ ਸੈਂਸਰ ਮਿਲੇਗਾ। ਇਸ ਵਿਚ ਡੀ.ਟੀ.ਐੱਸ. ਸਟੀਰੀਓ ਸਾਊਂਟ ਇਫੈਕਟ ਵੀ ਮਿਲੇਗਾ। ਫੋਨ ’ਚ 5000mAh ਦੀ ਬੈਟਰੀ ਅਤੇ 33 ਵਾਟ ਦੀ ਫਾਸਟ ਚਾਰਜਿੰਗ ਦਿੱਤੀ ਗਈ ਹੈ। 


Rakesh

Content Editor

Related News