ਐਪਲ ਤੇ ਫੇਸਬੁੱਕ ਵਰਗੀਆਂ ਟੈਕ ਕੰਪਨੀਆਂ ਲਈ ਵੀ ਮੁਸੀਬਤ ਬਣਿਆ ਕੋਰੋਨਾਵਾਇਰਸ
01/30/2020 9:18:29 PM
ਗੈਜੇਟ ਡੈਸਕ—ਚੀਨ 'ਚ ਕੋਰੋਨਾਵਾਇਰਸ ਕਾਰਨ ਹੁਣ ਤਕ 170 ਲੋਕਾਂ ਦੀ ਮੌਤ ਹੋ ਗਈ ਹੈ ਜਦਕਿ ਚੀਨ ਸਮੇਤ ਦੁਨੀਆਭਰ 'ਚ 7 ਹਜ਼ਾਰ ਤੋਂ ਵਧੇਰੇ ਲੋਕ ਇਸ ਨਾਲ ਪ੍ਰਭਾਵਿਤ ਵੀ ਦੱਸੇ ਜਾ ਰਹੇ ਹਨ। ਮ੍ਰਿਤਕਾਂ ਅਤੇ ਮਰੀਜ਼ਾਂ ਦੀ ਵਧਦੀ ਗਿਣਤੀ ਦੇਖ ਭਾਰਤ ਸਮੇਤ ਦੁਨੀਆਭਰ ਦੇ ਦੇਸ਼ ਦਹਿਸ਼ਤ 'ਚ ਆ ਗਏ ਹਨ।
ਕਈ ਦੇਸ਼ਾਂ ਨੇ ਆਪਣੇ ਨਾਗਰਿਕਾਂ ਦੀ ਚੀਨ ਯਾਤਰਾ 'ਤੇ ਰੋਕ ਵੀ ਲੱਗਾ ਦਿੱਤੀ ਹੈ। ਕੋਰੋਨਾਵਾਇਰਸ ਦੇ ਚੱਲਦੇ ਤਕਨਾਲੋਜੀ ਕੰਪਨੀਆਂ ਵੀ ਸਾਵਧਾਨ ਹੋ ਗਈਆਂ ਹਨ। ਕਈ ਟੈੱਕ ਕੰਪਨੀਆਂ ਨੇ ਚੀਨ 'ਚ ਆਪਣੇ ਸਟੋਰ ਵੀ ਬੰਦ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਇਸ ਖਬਰ 'ਚ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕੋਰੋਨਾਵਾਇਰਸ ਦੇ ਚੱਲਦੇ ਐਪਲ, ਫੇਸਬੁੱਕ ਅਤੇ ਸੈਮਸੰਗ ਵਰਗੀਆਂ ਕੰਪਨੀਆਂ ਕੀ ਕਦਮ ਚੁੱਕ ਰਹੀਆਂ ਹਨ।
ਫੇਸਬੁੱਕ
ਫੇਸਬੁੱਕ ਨੇ ਆਪਣੇ ਕਰਮਚਾਰੀਆਂ ਨੂੰ ਘਰੋਂ ਕੰਮ ਕਰਨ ਦੀ ਸੁਵਿਧਾ ਦਿੱਤੀ ਹੈ ਅਤੇ ਚੀਨ ਦੀ ਯਾਤਰਾ 'ਤੇ ਵੀ ਰੋਕ ਲੱਗਾ ਦਿੱਤੀ ਹੈ।
ਅਲੀਬਾਬਾ
ਅਲੀਬਾਬਾ ਨੇ ਆਪਣੇ ਕਰਮਚਾਰੀਆਂ ਨੂੰ 2 ਫਰਵਰੀ 2020 ਤਕ ਵਰਕ ਫ੍ਰਾਮ ਹੋਮ ਦੀ ਸੁਵਿਧਾ ਦਿੱਤੀ ਹੈ। ਉੱਥੇ Tencent ਨੇ ਵੀ 9 ਫਰਵਰੀ ਤਕ ਛੁੱਟੀ ਦਾ ਐਲਾਨ ਕੀਤਾ ਹੈ।
ਐਪਲ
ਐਪਲ ਨੇ ਚੀਨ 'ਚ ਆਪਣੇ ਕਈ ਸਟੋਰ ਬੰਦ ਕੀਤੇ ਹਨ ਅਤੇ ਕੰਮ ਦੇ ਘੰਟਿਆਂ 'ਚ ਕਟੌਤੀ ਕੀਤੀ ਹੈ। ਇਸ ਤੋਂ ਇਲਾਵਾ ਐਪਲ ਨੇ ਆਪਣੇ ਕਰਮਚਾਰੀਆਂ ਦੀ ਚੀਨ ਯਾਤਰਾ 'ਤੇ ਰੋਕ ਲਗਾਈ ਹੈ।
ਟਿਕਟਾਕ
ਟਿਕਟਾਕ ਦੀ ਮਲਕੀਅਤ ਵਾਲੀ ਕੰਪਨੀ ਬਾਈਟਡਾਂਸ ਨੇ ਆਪਣੇ ਕਰਮਚਾਰੀਆਂ ਨੂੰ 14 ਦਿਨ ਘਰ ਹੀ ਰਹਿਣ ਦੀ ਸਲਾਹ ਦਿੱਤੀ ਹੈ।
ਐੱਲ.ਜੀ.
ਐਲ.ਜੀ. ਨੇ ਕੋਰੋਨਾਵਾਇਰਸ ਦੇ ਖਤਰੇ ਨੂੰ ਦੇਖਦੇ ਹੋਏ ਆਪਣੇ ਸਾਰੇ ਡਿਵੀਜ਼ਨ ਦੇ ਕਰਮਚਾਰੀਆਂ ਨੂੰ ਚੀਨ ਜਾਣ ਤੋਂ ਮਨ੍ਹਾ ਕੀਤਾ ਹੈ।
ਸੈਮਸੰਗ
ਸੈਮਸੰਗ ਇਲੈਕਟ੍ਰਾਨਿਕਸ ਨੇ ਆਪਣੇ ਕਰਮਚਾਰੀਆਂ ਨੂੰ ਹੁਬੇਈ ਯਾਤਰਾ ਕਰਨ ਤੋਂ ਮਨ੍ਹਾ ਕੀਤਾ ਹੈ ਅਤੇ 7 ਦਿਨ ਤਕ ਘਰ ਹੀ ਰਹਿਣ ਦੀ ਸਲਾਹ ਦਿੱਤੀ ਹੈ।
