ਸਪਾਇਸ ਮਨੀ ਨੇ ਸਮਾਰਟਫੋਨ ਇਨੇਬਲਡ ਮਾਇਕਰੋ ATM ਕੀਤਾ ਲਾਂਚ
07/23/2019 10:02:49 PM
ਨਵੀਂ ਦਿੱਲੀ— ਫਿਨਟੈਕ ਕੰਪਨੀ ਸਪਾਇਸ ਮਨੀ ਨੇ ਪਾਇੰਟ-ਆਫ ਸੇਲ ਕਾਰਡ ਮਸ਼ੀਨਾਂ ਦੀ ਤਰਜ਼ 'ਤੇ ਸਮਾਰਟਫੋਨ ਮਾਇਕਰੋ ਏ.ਟੀ.ਐੱਮ. ਲਾਂਚ ਕੀਤਾ ਹੈ। ਕੰਪਨੀ ਨੇ ਮੰਗਲਵਾਰ ਨੂੰ ਇਥੇ ਜਾਰੀ ਬਿਆਨ 'ਚ ਕਿਹਾ ਕਿ ਉਹ ਪਹਿਲਾਂ ਆਪਣੇ 2,00,000 ਮਰਚੈਂਟ ਪਾਇੰਟ 'ਤੇ ਆਧਾਰ ਇਨੇਬਲਡ ਪੇਮੈਂਟ ਸਿਸਟਮ ਦੇ ਜ਼ਰੀਏ ਕੈਸ਼ ਕੱਢਵਾਉਣ ਦੀ ਸੁਵਿਧਾ ਦੇ ਰਹੀ ਹੈ। ਉਹ ਹਰ ਮਹੀਨੇ ਆਪਣੇ ਨੈੱਟਵਰਕ 'ਚ ਹਜ਼ਾਰਾਂ ਨਵੇਂ ਵਪਾਰੀ ਜੋੜ ਰਹੀ ਹੈ।
ਕਨਫੇਡਰੇਸ਼ਨ ਆਫ ਏ.ਟੀ.ਐੱਮ. ਇੰਡਸਟਰੀ ਨੇ ਹਾਲ ਹੀ 'ਚ ਸਾਫਟਵੇਅਰ ਦੇ ਮੈਂਟੇਨੈਂਸ ਤੇ ਇਕਿਊਪਮੈਂਟ ਦੇ ਅਪਗ੍ਰੇਡ 'ਤੇ ਹੋਣ ਵਾਲੇ ਖਰਚ ਨੂੰ ਧਿਆਨ 'ਚ ਰੱਖਦੇ ਹੋਏ 50 ਫੀਸਦੀ ਏ.ਟੀ.ਐੱਮ. ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ ਤੇ ਇਸ ਨੂੰ ਧਿਆਨ 'ਚ ਰੱਖਦੇ ਹੋਏ ਸਪਾਇਸ ਮਨੀ ਨੇ ਬਦਲ ਲੈਣ ਦੇਣ ਫਰੇਮਵਰਕ ਵਿਕਸਿਤ ਕਰਨ ਦਾ ਕੰਮ ਸ਼ੁਰੂ ਕੀਤਾ ਹੈ। ਇੰਟਰਪ੍ਰਾਇਜ਼ ਦਾ ਏ.ਈ.ਪੀ.ਐੱਸ. ਸਿਸਟਮ ਅੰਗੂਠਾ ਲਗਾਉਣ 'ਤੇ ਲੈਣ ਦੇਣ ਨੂੰ ਸੰਭਵ ਬਣਾਉਂਦਾ ਹੈ, ਜਦਕਿ ਡੈਬਿਟ ਕਾਰਡ ਧਾਰਕ ਯੂਜ਼ਰਾਂ ਨੂੰ ਮਾਇਕਰੋ-ਏ.ਟੀ.ਐੱਮ. ਜ਼ਰੂਰਤ ਵਿੱਤੀ ਲੈਣ-ਦੇਣ ਪੂਰਾ ਕਰਨ ਦੀ ਮਨਜ਼ੂਰੀ ਦਿੰਦਾ ਹੈ।
ਏ.ਟੀ.ਐੱਮ. ਦੇ ਬੰਦ ਕੀਤੇ ਜਾਣ ਦੇ ਮੱਦੇਨਜ਼ਰ ਸਪਾਇਸ ਮਨੀ ਦੇ ਦੋ ਹੱਲ-ਆਧਾਰ ਅਨੇਬਲਡ ਪੇਮੈਂਟ ਸਿਸਟਮ ਤੇ ਮਾਇਕਰੋ ਏ.ਟੀ.ਐੱਮ. ਡਿਵਾਇਸ ਇਨ੍ਹਾਂ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਸ਼ੁਰੂ ਕੀਤੇ ਹਨ। ਉਹ ਕੈਸ਼ ਕੱਢਵਾਉਣ ਤੇ ਬੈਲੈਂਸ ਪੁੱਛਗਿੱਛ ਵਰਗੇ ਜ਼ਰੂਰੀ ਵਿੱਤੀ ਲੈਣ ਦੇਣ ਇਸ ਦੇ ਜ਼ਰੀਏ ਕਰ ਸਕਦੇ ਹਨ। ਯੂਜ਼ਰ ਮਸ਼ੀਨ 'ਤੇ ਆਪਣੇ ਡੈਬਿਟ ਕਾਰਡ ਨੂੰ ਸਵਾਇਪ ਕਰ ਸਕਦੇ ਹਨ ਤੇ ਸੰਬੰਧਿਤ ਰਾਸ਼ੀ ਕੱਢ ਸਕਦੇ ਹਨ।
