ਤੁਹਾਡੇ ਬੱਚਿਆਂ ਨੂੰ ਨਸ਼ਿਆਂ ਤੋਂ ਬਚਾਉਣਗੇ ਇਹ ਸਮਾਰਟ ਪਖਾਨੇ
Sunday, Jul 01, 2018 - 07:32 PM (IST)
ਜਲੰਧਰ—ਬਾਲਗ ਹੁੰਦੇ ਬੱਚਿਆਂ 'ਚ ਡਰੱਗਸ ਅਤੇ ਹੋਰ ਤਰ੍ਹਾਂ ਦੇ ਨਸ਼ੇ ਦੀ ਲਤ ਲਗਣ ਦਾ ਡਰ ਜ਼ਿਆਦਾ ਰਹਿੰਦਾ ਹੈ। ਉੱਥੇ ਮਾਤਾ-ਪਿਤਾ ਨੂੰ ਅਕਸਰ ਇਹ ਚਿੰਤਾ ਰਹਿੰਦੀ ਹੈ ਕਿ ਉਨ੍ਹਾਂ ਦਾ ਬੱਚਾ ਕੀਤੇ ਗਲਤ ਸੰਗਤ 'ਚ ਤਾਂ ਨਹੀਂ ਪੈ ਗਿਆ ਹੈ। ਇਸ ਨੂੰ ਧਿਆਨ 'ਚ ਰੱਖਦੇ ਹੋਏ ਬ੍ਰਿਟੇਨ ਦੀ ਕੈਂਬ੍ਰਿਜ਼ ਐਨਾਲਿਟੀਕਾ ਯੂਨੀਵਰਸਿਟੀ ਦੇ ਵਿਗਿਆਨਕ ਇਕ ਅਜਿਹਾ ਸਮਾਰਟ ਪਖਾਨੇ ਬਣਾ ਰਹੇ ਹਨ ਜੋ ਕਈ ਤਰ੍ਹਾਂ ਦੀ ਸਿਹਤ ਸਮੱਸਿਆਵਾਂ ਦੇ ਬਾਰੇ 'ਚ ਸਮੇਂ ਰਹਿੰਦੇ ਜਾਣਕਾਰੀ ਦੇਣਗੇ। ਇਹ ਡਰੱਗਸ, ਸਿਗਰਟ, ਸ਼ਰਾਬ ਨਾਲ ਸਬੰਧੀ ਜਾਣਕਾਰੀ ਵੀ ਜੁੱਟਾ ਸਕੇਗਾ। ਦੱਸਣਯੋਗ ਹੈ ਕਿ ਇਹ ਸਮਾਰਟ ਪਖਾਨੇ ਇਸਤੇਮਾਲ ਕਰਨ ਦੇ ਕੁਝ ਹੀ ਮਿੰਟਾਂ ਦੇ ਅੰਦਰ ਪੇਸ਼ਾਬ ਦੀ ਜਾਂਚ ਨਾਲ ਜੁਟਾਏ ਅੰਕੜਿਆਂ ਨੂੰ ਮਾਤਾ-ਪਿਤਾ ਦੇ ਸਮਾਰਟਫੋਨ ਜਾਂ ਲੈਪਟਾਪ 'ਤੇ ਭੇਜ ਦੇਵੇਗਾ।
ਇੰਝ ਕਰਦਾ ਹੈ ਕੰਮ
ਇਹ ਪਖਾਨੇ ਨੈਨੋ ਟੈਕਨਾਲੋਜੀ ਦੀ ਮਦਦ ਨਾਲ ਪੇਸ਼ਾਬ 'ਚ ਮੌਜੂਦ ਕੈਮਿਕਲ ਅਤੇ ਹਾਰਮੋਨਲ ਬਦਲਾਆਵਾਂ ਦਾ ਪਤਾ ਲਗਾਵੇਗਾ। ਪਖਾਨੇ 'ਚ ਇਕ ਛੋਟਾ ਜਿਹਾ ਉਪਕਰਣ ਲੱਗਿਆ ਹੈ ਜਿਸ 'ਚ ਸੋਨਾ ਅਤੇ ਚਾਂਦੀ ਦੇ ਨੈਨੋ ਪਾਰਟੀਕਲਸ ਮੌਜੂਦ ਹਨ। ਇਹ ਮਨੁੱਖ ਦੇ ਵਾਲ ਤੋਂ ਵੀ ਹਜ਼ਾਰ ਗੁਣਾ ਛੋਟਾ ਹੈ। ਇਸ ਉਪਕਰਣ 'ਚ ਲੇਜ਼ਰ ਬੀਮ ਦੇ ਜ਼ਰੀਏ ਸੂਤਰ ਦੇ ਨਮੂਨਿਆਂ ਦੀ ਜਾਂਚ ਹੋਵੇਗੀ।
ਪ੍ਰੋਟੋਟਾਈਪ
ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਫਤੇ ਲੰਡਨ 'ਚ ਹੋਣ ਵਾਲੀ ਰਾਇਲ ਸੋਸਾਇਟੀ ਦੀ ਸਮਰ ਸਾਇੰਸ ਐਕਜੀਬਿਸ਼ਨ 'ਚ ਇਸ ਦਾ ਪ੍ਰੋੋਟੋਟਾਈਪ ਪੇਸ਼ ਕੀਤਾ ਜਾਵੇਗਾ। ਪ੍ਰੋੋਟੋਟਾਈਪ ਦਾ ਨਿਰਮਾਣ ਨੈਨੋਫੋਟਾਨਿਕਸ ਸੈਂਟਰ ਅਤੇ ਮੇਲਵਿਲੇ ਲੈਬੋਰੇਟਰੀ ਫਾਰ ਪਾਲਿਮਰ ਸਿੰਥੇਸਿਸ ਕਰ ਰਹੇ ਹਨ। ਇਸ ਦੀ ਕੀਮਤ ਇਕ ਹਜ਼ਾਰ ਪਾਊਂਡ ਯਾਨੀ ਤਕਰੀਬਨ 90 ਹਜ਼ਾਰ ਰੁਪਏ ਤੱਕ ਹੋ ਸਕਦੀ ਹੈ।
