ਸੈਮਸੰਗ ਗਲੈਕਸੀ Note 20 Ultra ਦੀਆਂ ਤਸਵੀਰਾਂ ਲੀਕ, ਮਿਲੀ ਅਹਿਮ ਜਾਣਕਾਰੀ

ਗੈਜੇਟ ਡੈਸਕ– ਸੈਮਸੰਗ ਆਪਣੇ ਨਵੇਂ ਸਮਾਰਟਫੋਨ ਗਲੈਕਸੀ Note 20 Ultra ਨੂੰ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਸ ਸਮਾਰਟਫੋਨ ਨੂੰ ਲੈ ਕੇ ਕੁਝ ਲੀਕ ਸਾਹਮਣੇ ਆਏ ਹਨ ਜਿਨ੍ਹਾਂ ’ਚ ਦੱਸਿਆ ਗਿਆ ਹੈ ਕਿ ਸੈਮਸੰਗ Ukraine ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ ’ਤੇ ਇਸ ਦੀਆਂ ਤਸਵੀਰਾਂ ਗਲਤੀ ਨਾਲ ਸਾਂਝੀਆਂ ਕਰ ਦਿੱਤੀਆਂ ਹਨ। ਇਸ ਗੱਲ ਦੀ ਜਾਣਕਾਰੀ ਟੈੱਕ ਟਿਪਸਟਰ Max Weinbach ਨੇ ਆਪਣੇ ਅਧਿਕਾਰਤ ਟਵਿਟਰ ਹੈਂਡਲ ਰਾਹੀਂ ਦਿੱਤੀ ਹੈ। 

ਮਿਲ ਸਕਦਾ ਹੈ ਸਨੈਪਡ੍ਰੈਗਨ 865 ਪ੍ਰੋਸੈਸਰ
ਲੀਕ ਰਿਪੋਰਟਾਂ ਮੁਤਾਬਕ, ਗਲੈਕਸੀ ਨੋਟ 20 ਅਲਟਰਾ ਸਮਾਰਟਫੋਨ ’ਚ ਗਾਹਕਾਂ ਨੂੰ ਕਿਊ.ਐੱਚ.ਡੀ. ਪਲੱਸ ਡਿਸਪਲੇਅ, ਸਨੈਪਡ੍ਰੈਗਨ 865 ਪ੍ਰੋਸੈਸਰ, 16 ਜੀ.ਬੀ. ਰੈਮ, 256 ਜੀ.ਬੀ. ਸਟੋਰੇਜ ਅਤੇ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਵਰਗੇ ਫੀਚਰਜ਼ ਮਿਲ ਸਕਦੇ ਹਨ। 

Samsung accidently posted the Note20 Ultra in Mystic Bronze on their Russian website. It looks great! pic.twitter.com/irRWVHLq5e

— Max Weinbach (@MaxWinebach) July 1, 2020

ਮੰਨਿਆ ਜਾ ਰਿਹਾ ਹੈ ਕਿ ਗਲੈਕਸੀ ਨੋਟ 20 ਅਲਟਰਾ ਦੇ ਰੀਅਰ ’ਚ ਆਇਤਾਕਾਰ ਸ਼ੇਪ ’ਚ ਤਿੰਨ ਕੈਮਰੇ ਹੋਣਗੇ। ਇਸ ਤੋਂ ਇਲਾਵਾ ਇਕ ਫਲੈਸ਼ ਐੱਲ.ਈ.ਡੀ. ਲਾਈਟ ਵੀ ਵੇਖੀ ਜਾ ਸਕਦੀ ਹੈ। ਉਥੇ ਹੀ ਐੱਸ-ਪੈੱਨ ਦੀ ਸੁਪੋਰਟ ਵੀ ਇਸ ਵਿਚ ਮਿਲੇਗੀ। ਸੈਮਸੰਗ ਆਪਣੇ ਨਵੇਂ ਗਲੈਕਸੀ ਨੋਟ 20 ਅਲਟਰਾ ਦੀ ਕੀਮਤ ਪ੍ਰੀਮੀਅਮ ਰੇਂਜ ’ਚ ਰੱਖੇਗੀ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਡਿਵਾਈਸ ਨੂੰ 5 ਅਗਸਤ ਤੋਂ ਸ਼ੁਰੂ ਹੋਣ ਵਾਲੇ Unpacked Event ’ਚ ਪੇਸ਼ ਕੀਤਾ ਜਾਵੇਗਾ।