ਭਾਰਤ ''ਚ ChatGPT ਦਾ ਸਬਸਕ੍ਰਿਪਸ਼ਨ ਪਲਾਨ ਲਾਂਚ, ਹਰ ਮਹੀਨੇ ਲੱਗੇਗੀ ਇੰਨੀ ਫੀਸ

ਗੈਜੇਟ ਡੈਸਕ- ਓਪਨ ਏ.ਆਈ. ਨੇ ਸ਼ੁੱਕਰਵਾਰ ਨੂੰ ਭਾਰਤ 'ਚ ਚੈਟਜੀਪੀਟੀ ਦੇ ਸਬਸਕ੍ਰਿਪਸ਼ਨ ਪਲਾਨ ChatGPT Plus ਦਾ ਐਲਾਨ ਕਰ ਦਿੱਤਾ ਹੈ। ਭਾਰਤ 'ਚ ਇਸਦੀ ਕੀਮਤ 20 ਡਾਲਰ (ਕਰੀਬ 1600 ਰੁਪਏ) ਰੱਖੀ ਗਈ ਹੈ। ਚੈਟਜੀਪੀਟੀ ਪਲੱਸ ਸਬਸਕ੍ਰਿਪਸ਼ਨ ਪਲਾਨ ਦੇ ਨਾਲ ਯੂਜ਼ਰਜ਼ ਨੂੰ ਬਿਹਤਰ ਅਤੇ ਪਹਿਲਾਂ ਨਾਲੋਂ ਫਾਸਟ ਸਰਵਿਸ ਮਿਲੇਗੀ। ਕੰਪਨੀ ਨੇ ਪਹਿਲਾਂ ਤੋਂ ਵੇਟਲਿਸਟ ਦੇ ਨਾਲ ਪੇਡ ਸਬਸਕ੍ਰਿਪਸ਼ਨ ਵਾਲੇ ਉਪਭੋਗਤਾਵਾਂ ਲਈ ਸੁਵਿਧਾ ਨੂੰ ਸ਼ੁਰੂ ਵੀ ਕਰ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ OpenAI ਨੇ ChatGPT, GPT-4 ਦਾ ਨਵਾਂ ਵਰਜ਼ਨ ਵੀ ਪੇਸ਼ ਕੀਤਾ ਹੈ। ਜੋ ਬਿਲਕੁਲ ਸਹੀ ਜਵਾਬ ਦੇ ਰਿਹਾ ਹੈ।

ChatGPT Plus

ਕੰਪਨੀ ਨੇ ChatGPT ਪਲੱਸ ਸਬਸਕ੍ਰਿਪਸ਼ਨ ਪਲਾਨ ਦਾ ਐਲਾਨ ਟਵਿਟਰ ਰਾਹੀਂ ਕੀਤਾ ਹੈ। OpenAI ਨੇ ਕਿਹਾ, ਖੁਸ਼ਖਬਰੀ! ChatGPT Plus ਸਬਸਕ੍ਰਿਪਸ਼ਨ ਹੁਣ ਭਾਰਤ ਵਿਚ ਉਪਲਬਧ ਹਨ। ਅੱਜ ਤੋਂ, ਤੁਸੀਂ GPT-4 ਸਮੇਤ ਨਵੀਆਂ ਸੁਵਿਧਾਵਾਂ ਦਾ ਲਾਭ ਲੈ ਸਕਦੇ ਹੋ। ਦੱਸ ਦੇਈਏ ਕਿ ਇਸ AI ਚੈਟਬੋਟ ਨੂੰ ਪਿਛਲੇ ਸਾਲ ਨਵੰਬਰ 'ਚ ਲਾਂਚ ਕੀਤਾ ਗਿਆ ਸੀ ਅਤੇ ਉਦੋਂ ਤੋਂ ਇਹ ਕਾਫੀ ਸੁਰਖੀਆਂ 'ਚ ਹੈ।

ChatGPT Plus 'ਚ ਮਿਲਣਗੇ ਇਹ ਫੀਚਰਜ਼

ਕੰਪਨੀ ਨੇ ਨਵੇਂ ਸਬਸਕ੍ਰਿਪਸ਼ਨ ਪਲਾਨ ਦੇ ਨਾਲ ਬਿਹਤਰ ਅਤੇ ਤੇਜ਼ ਸੇਵਾ ਪ੍ਰਦਾਨ ਕਰਨ ਦਾ ਵਾਅਦਾ ਕੀਤਾ ਹੈ। ਕੰਪਨੀ ਨੇ ਇਸ ਪਲਾਨ ਨੂੰ ਸਭ ਤੋਂ ਪਹਿਲਾਂ ਅਮਰੀਕਾ 'ਚ ਪੇਸ਼ ਕੀਤਾ ਸੀ। ਪਹਿਲਾਂ ਪੇਸ਼ ਕੀਤੀ ਗਈ ਸਬਸਕ੍ਰਿਪਸ਼ਨ ਯੋਜਨਾ ਦੇ ਨਾਲ ਕੰਪਨੀ ਨੇ ਕਿਹਾ ਕਿ ਵਕੀਲਾਂ ਤੋਂ ਲੈ ਕੇ ਭਾਸ਼ਣਕਾਰਾਂ ਤਕ, ਕੋਡਰਾਂ ਤੋਂ ਲੈ ਕੇ ਪੱਤਰਕਾਰਾਂ ਤਕ, ਹਰ ਕੋਈ ਚੈਟਜੀਪੀਟੀ ਦੁਆਰਾ ਪੈਦਾ ਹੋਏ ਵਿਘਨ ਨੂੰ ਹੱਲ ਕਰਨ ਲਈ ਉਡੀਕ ਕਰ ਰਿਹਾ ਸੀ। ਕੰਪਨੀ ਹੁਣ ਚੈਟਜੀਪੀਟੀ ਪਲੱਸ ਨਾਮਕ ਇਕ ਪੇਡ ਸਬਸਕ੍ਰਿਪਸ਼ਨ ਪਲਾਨ ਪੇਸ਼ ਕਰ ਰਹੀ ਹੈ, ਜਿਸ ਵਿਚ ਉਪਭੋਗਤਾਵਾਂ ਨੂੰ ਪਹਿਲਾਂ ਨਾਲੋਂ ਤੇਜ਼ ਸੇਵਾ ਮਿਲੇਗੀ। ਸਭ ਤੋਂ ਪਹਿਲਾਂ, ਵੇਟਲਿਸਟ ਦੇ ਨਾਲ ਪੇਡ ਸਬਸਕ੍ਰਿਪਸ਼ਨ ਵਾਲੇ ਉਪਭੋਗਤਾਵਾਂ ਨੂੰ ਇਹ ਲਾਭ ਦਿੱਤਾ ਜਾ ਰਿਹਾ ਹੈ।

ਕੀ ChatGPT ਦੀ ਮੁਫਤ ਵਰਤੋਂ ਨਹੀਂ ਕਰ ਸਕੋਗੇ?

ਪਹਿਲਾਂ ਵਾਂਗ, ਚੈਟਜੀਪੀਟੀ ਦੀ ਵਰਤੋਂ ਮੁਫਤ ਵੀ ਕੀਤੀ ਜਾ ਸਕਦੀ ਹੈ। ਚੈਟਜੀਪੀਟੀ ਪਲੱਸ ਪਲਾਨ ਉਨ੍ਹਾਂ ਉਪਭੋਗਤਾਵਾਂ ਲਈ ਜਾਰੀ ਕੀਤਾ ਗਿਆ ਹੈ ਜੋ ਤੇਜ਼ ਅਤੇ ਬਿਹਤਰ ਸੇਵਾ ਦੀ ਵਰਤੋਂ ਕਰਨਾ ਚਾਹੁੰਦੇ ਹਨ। ਇਸਦਾ ਮੁਫਤ ਸੰਸਕਰਣ ਚੈਟਜੀਪੀਟੀ ਪਲੱਸ ਦੇ ਨਾਲ ਵੀ ਉਪਲਬਧ ਹੈ। ਯਾਨੀ ਜੋ ਯੂਜ਼ਰਸ ਚੈਟਜੀਪੀਟੀ ਪਲੱਸ ਪਲਾਨ ਨਹੀਂ ਲੈਣਾ ਚਾਹੁੰਦੇ, ਉਹ ਵੀ ਇਸ ਦੇ ਫ੍ਰੀ ਵਰਜ਼ਨ ਦੀ ਵਰਤੋਂ ਕਰ ਸਕਣਗੇ।