Nokia Pro Wireless ਈਅਰਫੋਨ ਹੁਣ ਭਾਰਤ ’ਚ ਵੀ ਉਪਲੱਬਧ

ਗੈਜੇਟ ਡੈਸਕ– ਨੋਕੀਆ ਪ੍ਰੋ ਵਾਇਰਲੈੱਸ ਈਅਰਫੋਨ ਜਿਸ ਦਾ ਮਾਡਲ ਨੰਬਰ BH-107 ਹੈ ਹੁਣ ਭਾਰਤ ’ਚ ਵੀ ਉਪਲੱਬਧ ਹੈ। ਵਾਇਰਲੈੱਸ ਈਅਰਫੋਨ ਨੂੰ ਯੂਜ਼ਰਜ਼ ਕੰਪਨੀ ਦੀ ਵੈੱਬਸਾਈਟ ਤੋਂ ਸਿਰਫ 5,499 ਰੁਪਏ ’ਚ ਖਰੀਦ ਸਕਦੇ ਹਨ। ਯੂਜ਼ਰਜ਼ ਇਸ ਨੂੰ ਨੋਕੀਆ ਸਟੋਰ ਤੋਂ ਵੀ ਖਰੀਦ ਸਕਦੇ ਹਨ। ਕੰਪਨੀ ਆਪਣੇ ਸਮਾਰਟਫੋਨ ਦੇ ਨਾਲ ਇਸ ਈਅਰਫੋਨ ਨੂੰ ਦੇ ਰਹੀ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਇਹ ਈਅਰਫੋਨ ਕਾਲ ਅਤੇ ਗਾਣੇ ਸੁਣਨ ਲਈ ਕਾਫੀ ਬਿਹਤਰੀਨ ਹੈ ਅਤੇ ਸਿਰਫ ਇਕ ਹੀ ਰੰਗ ’ਚ ਆਉਂਦਾ ਹੈ ਜੋ ਬਲੈਕ ਹੈ। 

Set off on a musical journey with the 10 hour long battery life of Nokia BH-701 Pro Wireless Earphones. Buy now at https://t.co/0G7oIsgHr1 pic.twitter.com/lQsPsbPqdE

— Nokia Mobile India (@NokiamobileIN) March 2, 2019

ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ਨੂੰ ਇਕ ਵਾਰ ਚਾਰਜ ਕਰਨ ’ਤੇ ਇਹ 10 ਘੰਟਿਆਂ ਦਾ ਬੈਟਰੀ ਬੈਕਅਪ ਦਿੰਦਾ ਹੈ। ਇਸ ਦਾ ਭਾਰ 45 ਗ੍ਰਾਮ ਹੈ। ਇਹ ਯੂ.ਐੱਸ.ਬੀ. ਟਾਈਪ ਏ ਮਾਈਕ੍ਰੋ ਯੂ.ਐੱਸ.ਬੀ. ਕੇਬਲ ਦੇ ਨਾਲ ਆਉਂਦਾ ਹੈ। ਜਿਥੇ ਤੁਹਾਨੂੰ ਬਾਕਸ ’ਚ ਈਅਰਬਡਸ ਦੇ ਤਿੰਨ ਪੀਸ ਅਤੇ 3 ਐਰਗੋਨੋਮਿਕ ਈਅਰ ਟਿਪਸ ਮਿਲਦੇ ਹਨ, ਉਥੇ ਹੀ ਨੋਕੀਆ ਨੇ ਇਹ ਕਿਹਾ ਹੈ ਕਿ ਇਸ ਨੂੰ ਫੁੱਲ ਚਾਰਜ ਕਰਨ ਲਈ ਸਿਰਫ 2 ਤੋਂ 3 ਘੰਟੇ ਦਾ ਸਮਾਂ ਲੱਗਦਾ ਹੈ।

ਦੱਸ ਦੇਈਏ ਕਿ ਇਸ ਈਅਰਫੋਨ ਦੇ ਈਅਰਬਡਸ ’ਚ ਮੈਗਨੈਟਿਕ ਕਲਿਪਿੰਗ ਦੀ ਸੁਵਿਧਾ ਦਿੱਤੀ ਗਈ ਹੈ ਜੋ ਠੀਕ ਵਨਪਲੱਸ ਦੇ ਈਅਰਫੋਨ ਦੀ ਤਰ੍ਹਾਂ ਹੀ ਹੈ। ਯਾਨੀ ਜੇਕਰ ਤੁਸੀਂ ਮਿਊਜ਼ਿਕ ਪਲੇਅਜਾਂ ਪੌਜ਼ ਕਰਨਾ ਹੈ ਤਾਂ ਤੁਸੀਂ ਬਡਸ ਨੂੰ ਇਕੱਠੇ ਜਾਂ ਵੱਖ ਕਰ ਸਕਦੇ ਹਨ। ਦੂਜੇ ਫੀਚਰਜ਼ ’ਚ ਪਾਵਰ ਆਨ, ਆਫ, ਆਵਾਜ਼ ਕੰਟਰੋਲ ਸ਼ਾਮਲ ਹੈ। ਇਸ ਵਿਚ ਬਲੂਟੁੱਥ 4.2 ਦਾ ਇਸਤੇਮਾਲ ਕੀਤਾ ਗਿਆ ਹੈ। ਤੁਸੀਂ ਇਸ ਨੂੰ ਦੋ ਡਿਵਾਈਸ ਦੇ ਨਾਲ ਕਨੈਕਟ ਕਰ ਸਕਦੇ ਹੋ। ਇਹ ਈਅਰਫੋਨ ਫਿਲਹਾਲ ਆਈ.ਓ.ਐੱਸ. ਨੂੰ ਸਪੋਰਟ ਨਹੀਂ ਕਰਦਾ।