ਮੋਟੋਰੋਲਾ Moto G5 ਨੂੰ ਮਿਲਣੀ ਸ਼ੁਰੂ ਹੋਈ ਐਂਡਰਾਇਡ 8.1 ਓਰਿਓ ਅਪਡੇਟ

ਜਲੰਧਰ-ਲਿਨੋਵੋ ਦੀ ਮਲਕੀਅਤ ਹੱਕ ਵਾਲੀ ਕੰਪਨੀ ਮੋਟੋਰੋਲਾ ਦੇ ਮੋਟੋ ਜੀ5 (Moto G5) ਸਮਾਰਟਫੋਨ ਦੇ ਭਾਰਤੀ ਯੂਜ਼ਰਸ ਲਈ ਐਂਡਰਾਇਡ 8.1 ਓਰਿਓ ਓ. ਟੀ. ਏ. (OTA) ਅਪਡੇਟ ਰੋਲ ਆਊਟ ਕੀਤੀ ਗਈ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਮੋਟੋਰੋਲਾ ਨੂੰ ਲੈ ਕੇ ਇਕ ਰਿਪੋਰਟ ਸਾਹਮਣੇ ਆਈ ਸੀ ਕਿ ਜਿਸ 'ਚ G5 ਅਤੇ G5 ਪਲੱਸ ਨੂੰ ਐਂਡਰਾਇਡ ਓਰਿਓ ਅਪਡੇਟ ਮਿਲਣ ਦੀ ਗੱਲ ਕੀਤੀ ਸੀ ਪਰ G5 ਓਰਿਓ ਅਪਡੇਟ ਸਿਰਫ ਮੈਕਸੀਕੋ ਦੇ ਯੂਜ਼ਰਸ ਲਈ ਪੇਸ਼ ਕੀਤੀ ਗਈ ਸੀ।

ਰਿਪੋਰਟ ਮੁਤਾਬਕ ਭਾਰਤ ਦੇ ਕੁਝ ਮੋਟੋਰੋਲਾ ਮੋਟੋ G5 ਯੂਜ਼ਰਸ ਨੂੰ ਐਂਡਰਾਇਡ 8.1 ਓਰਿਓ ਦੀ ਅਪਡੇਟ ਮਿਲਣ ਲੱਗ ਪਈ ਹੈ। ਇਸ ਅਪਡੇਟ ਦਾ ਵਰਜ਼ਨ OPP28.85-16 ਹੈ, ਜਿਸ 'ਚ ਅਗਸਤ ਸਕਿਓਰਿਟੀ ਪੈਚ ਵੀ ਸ਼ਾਮਿਲ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਭਾਰਤ ਅਤੇ ਬ੍ਰਾਜ਼ੀਲ ਦੇ ਯੂਜ਼ਰਸ ਲਈ ਮੋਟੋਰੋਲਾ ਨੇ G5 ਪਲੱਸ 'ਚ ਐਂਡਰਾਇਡ 8.1 ਓਰਿਓ ਅਪਡੇਟ ਦਿੱਤੀ ਸੀ।

ਇਸ ਤੋਂ ਇਲਾਵਾ ਮੋਟੋਰੋਲਾ ਨੇ ਅੱਜ ਵੀ ਭਾਰਤੀ ਬਾਜ਼ਾਰ 'ਚ ਐਂਡਰਾਇਡ ਵਨ ਸਮਾਰਟਫੋਨ ਲਾਂਚ ਕੀਤਾ ਹੈ। ਇਸ ਸਮਾਰਟਫੋਨ ਦੀ ਕੀਮਤ 15,999 ਰੁਪਏ ਹੈ ਅਤੇ ਇਹ ਫਲਿੱਪਕਾਰਟ 'ਤੇ 5 ਅਕਤੂਬਰ ਤੋਂ ਸੇਲ ਲਈ ਉਪਲੱਬਧ ਹੋਵੇਗਾ।