Micromax In ਸੀਰੀਜ਼ ਦੇ ਫੋਨ ਇਸ ਗੇਮਿੰਗ ਪ੍ਰੋਸੈਸਰ ਨਾਲ ਹੋਣਗੇ ਲਾਂਚ

ਗੈਜੇਟ ਡੈਸਕ– ਮਾਈਕ੍ਰੋਮੈਕਸ ਦੀ In ਸੀਰੀਜ਼ 3 ਨਵੰਬਰ ਨੂੰ ਲਾਂਚ ਹੋਣ ਵਾਲੀ ਹੈ। ਇਸ ਸੀਰੀਜ਼ ਤਹਿਤ ਦੋ ਸਮਾਰਟਫੋਨ ਲਾਂਚ ਹੋਣ ਵਾਲੇ ਹਨ। ਦੋਵਾਂ ਫੋਨਾਂ ਦੀਆਂ ਖ਼ਬਰਾਂ ਤਾਂ ਪਹਿਲਾਂ ਹੀ ਲੀਕ ਹੋ ਰਹੀਆਂ ਹਨ ਪਰ ਹੁਣ ਕੰਪਨੀ ਨੇ ਪੁਸ਼ਟੀ ਕਰ ਦਿੱਤੀ ਹੈ ਕਿ ਇਨ ਸੀਰੀਜ਼ ਤਹਿਤ ਲਾਂਚ ਹੋਣਵਾਲੇ ਫੋਨ ’ਚ ਮੀਡੀਆਟੈੱਕ ਹੇਲੀਓ ਜੀ35 ਅਤੇ ਹੇਲੀਓ ਜੀ85 ਪ੍ਰੋਸੈਸਰ ਮਿਲੇਗਾ। ਮਾਈਕ੍ਰੋਮੈਕਸ ਨੇ ਪ੍ਰੋਸੈਸਰ ਦੀ ਜਾਣਕਾਰੀ ਇਕ ਟਵੀਟ ਰਾਹੀਂ ਦਿੱਤੀ ਹੈ। ਖ਼ਬਰ ਇਹ ਵੀ ਹੈ ਕਿ ਮਾਈਕ੍ਰੋਮੈਕਸ ਦੇ ਇਨ੍ਹਾਂ ਦੋਵਾਂ ਫੋਨਾਂ ’ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਅਤੇ 5000mAh ਦੀ ਦਮਦਾਰ ਬੈਟਰੀ ਮਿਲੇਗੀ। 

ਮੀਡੀਆਟੈੱਕ ਹੇਲੀਓ ਜੀ85 ਪ੍ਰੋਸੈਸਰ ਨੂੰ ਇਸੇ ਸਾਲ ਮਈ ’ਚ ਲਾਂਚ ਕੀਤਾ ਗਿਆ ਸੀ। ਇਹ ਇਕ ਗੇਮਿੰਗ ਫੋਕਸਡ ਪ੍ਰੋਸੈਸਰ ਹੈ ਜਿਸ ਦਾ ਇਸਤੇਮਾਲ ਰੀਅਲਮੀ ਨਾਰਜ਼ੋ 20 ਅਤੇ ਰੈੱਡਮੀ ਨੋਟ 9 ’ਚ ਪਹਿਲਾਂ ਹੀ ਹੋ ਚੁੱਕਾ ਹੈ। ਉਥੇ ਹੀ ਮੀਡੀਆਟੈੱਕ ਹੇਲੀਓ ਜੀ35 ਨਾਲ ਵੀ ਰੀਅਲਮੀ ਸੀ11, ਰੈੱਡਮੀ 9 ਅਤੇ ਪੋਕੋ ਸੀ3 ਵਰਗੇ ਫੋਨ ਲਾਂਚ ਹੋਏ ਹਨ। 

India is gearing up to game on with the ultimate performance. And we have the perfect processor for that. Share the screenshot to tell us which one you think it is. #INMobiles unveiling on 3rd Nov, 12 noon.#MicromaxIsBack #INForIndia pic.twitter.com/g4EoKHN7Pr

— Micromax India (@Micromax__India) October 27, 2020

ਦੱਸ ਦੇਈਏ ਕਿ ਮਾਈਕ੍ਰੋਮੈਕਸ ਨੇ ਹਾਲ ਹੀ ’ਚ In ਸੀਰੀਜ਼ ਦੇ ਸਮਾਰਟਫੋਨ ਦੀ ਲਾਂਚਿੰਗ ਨੂੰ ਚੀਨੀ ਘੱਟ ਟੈਗਲਾਈਨ ਦਿੱਤੀ ਹੈ। ਮਾਈਕ੍ਰੋਮੈਕਸ ਦੇ ਟਵਿਟਰ ਹੈਂਡਲ ਤੋਂ ਇਕ ਵੀਡੀਓ ਸਾਂਝੀ ਕੀਤੀ ਗਈ ਹੈ ਜਿਸ ਵਿਚ ਆਓ ਚੀਨੀ ਕਰੀਏ ਚੀਨੀ ਘੱਟ (Aao Karein Cheeni Kum) ਮੈਸੇਜ ਹੈ, ਹਾਲਾਂਕਿ, ਆਉਣ ਵਾਲੇ ਫੋਨ ਦੇ ਫੀਚਰਜ਼ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ।