ਸ਼ਾਓਮੀ ਦਾ ਗਾਹਕਾਂ ਨੂੰ ਝਟਕਾ, ਭਾਰਤ ’ਚ ਮਹਿੰਗੇ ਹੋਏ Mi TV
01/07/2021 12:19:19 PM
ਗੈਜੇਟ ਡੈਸਕ– ਭਾਰਤ ’ਚ ਤਿਉਹਾਰੀ ਸੀਜ਼ਨ ਦੌਰਾਨ ਮੀ ਟੀ.ਵੀ. ਦੀ ਭਾਰੀ ਡਿਸਕਾਊਂਟ ਨਾਲ ਵਿਕਰੀ ਕੀਤੀ ਜਾ ਰਹੀ ਸੀ। ਹੁਣ ਸ਼ਾਓਮੀ ਨੇ ਨਵੇਂ ਸਾਲ ’ਚ ਗਾਹਕਾਂ ਨੂੰ ਝਟਕਾ ਦਿੰਦੇ ਹੋਏ ਮੀ ਟੀ.ਵੀ. ਦੀ ਕੀਮਤ ਵਧਾਉਣ ਦਾ ਐਲਾਨ ਕਰ ਦਿੱਤਾ ਹੈ। ਸ਼ਾਓਮੀ ਨੇ ਮੀ ਟੀ.ਵੀ. ਦੇ 7 ਮਾਡਲਾਂ ਦੀਆਂ ਕੀਮਤਾਂ ’ਚ ਵਾਧਾ ਕੀਤਾ ਹੈ। ਕੰਪਨੀ ਨੇ ਇਸ ਤੋਂ ਪਹਿਲਾਂ ਪਿਛਲੇ ਸਾਲ ਦਸੰਬਰ ’ਚ ਭਾਰਤ ’ਚ ਮੀ ਟੀ.ਵੀ. ਦੇ ਚਾਰ ਮਾਡਲਾਂ ਦੀ ਕੀਮਤ ’ਚ ਵਾਧਾ ਕੀਤਾ ਸੀ। ਅਜਿਹੇ ’ਚ ਪਿਛਲੇ ਦੋ ਮਹੀਨਿਆਂ ’ਚ ਇਹ ਦੂਜਾ ਮੌਕਾ ਹੈ ਜਦੋਂ ਸ਼ਾਓਮੀ ਵਲੋਂ ਤਿੰਨ ਹੋਰ ਟੀਵੀਆਂ ਦੀ ਕੀਮਤ ਵਧਾਈ ਗਈ ਹੈ। ਸ਼ਾਓਮੀ ਵਲੋਂ ਸਮਾਰਟ ਟੀ.ਵੀ. ਦੀ ਕੀਮਤ ’ਚ ਜ਼ਿਆਦਾ ਤੋਂ ਜ਼ਿਆਦਾ 3000 ਰੁਪਏ ਤਕ ਦਾ ਵਾਧਾ ਕੀਤਾ ਗਿਆ ਹੈ।
ਸ਼ਾਓਮੀ ਵਲੋਂ ਚਾਰ ਕੈਟਾਗਰੀ ’ਚ ਮੀ ਟੀ.ਵੀ. ਦੀ ਕੀਮਤ ’ਚ ਵਾਧਾ ਕੀਤਾ ਗਿਆ ਹੈ। ਕੰਪਨੀ ਨੇ ਸਮਾਰਟ ਟੀ.ਵੀ. ਦੇ ਸਟੈਂਡਰਡ ਐਡੀਸ਼ਨ ਐੱਚ.ਡੀ. ਟੀ.ਵੀ. ਦੀ ਕੀਮਤ ’ਚ 1,000 ਰੁਪਏ ਦਾ ਵਾਧਾ ਕੀਤਾ ਹੈ। ਉਥੇ ਹੀ ਹੋਰੀਜ਼ੋਨ ਐਡੀਸ਼ਨ ਐੱਚ.ਡੀ. ਟੀ.ਵੀ. ’ਚ ਕਰੀਬ 1,500 ਰੁਪਏ ਦਾ ਵਾਧਾ ਕੀਤਾ ਹੈ। ਉਥੇ ਹੀ ਫੁਲ ਐੱਚ.ਡੀ. ਮਾਡਲ ਦੀ ਕੀਮਤ ’ਚ ਕਰੀਬ 2,500 ਰੁਪਏ ਦਾ ਵਾਧਾ ਹੋਇਆ ਹੈ। ਉਥੇ ਹੀ 4ਕੇ ਮਾਡਲ ਕਰੀਬ 3000 ਰੁਪਏ ਮਹਿੰਗਾ ਹੋ ਗਿਆ ਹੈ। ਮੀ ਟੀ.ਵੀ. ਦੀਆਂ ਵਧੀਆਂ ਹੋਈਆਂ ਕੀਮਤਾਂ ਨੂੰ ਮੀ ਡਾਟ ਕਾਮ, ਐਮਾਜ਼ੋਨ ਇੰਡੀਆ, ਫਲਿਪਕਾਰਟ ਵੈੱਬਸਾਈਟਾਂ ’ਤੇ ਲਾਈਵ ਕਰ ਦਿੱਤਾ ਗਿਆ ਹੈ। ਨਾਲ ਹੀ ਹੋਰ ਪ੍ਰਸਿੱਧ ਆਨਲਾਈਨ ਅਤੇ ਆਫਲਾਈਨ ਰਿਟੇਲਰਾਂ ਨੂੰ ਨਵੀਆਂ ਕੀਮਤਾਂ ਦੀ ਜਾਣਕਾਰੀ ਦੇ ਦਿੱਤੀ ਗਈ ਹੈ।
ਸ਼ਾਓਮੀ Mi TV ਦੀਆਂ ਵਧੀਆਂ ਕੀਮਤਾਂ
| ਮਾਡਲ | ਪੁਰਾਣੀ ਕੀਮਤ | ਵਧੀ ਕੀਮਤ | ਨਵੀਂ ਕੀਮਤ | ||
| 32 ਇੰਚ Mi Tv 4A | 13,999 ਰੁਪਏ | 1,000 ਰੁਪਏ | 14,999 ਰੁਪਏ | ||
| 32 ਇੰਚ Mi Tv 4A Horizon Edition | 14,499 ਰੁਪਏ | 1,500 ਰੁਪਏ | 15,999 ਰੁਪਏ | ||
| 43 ਇੰਚ Mi Tv 4A Pro | 22,499 ਰੁਪਏ | 2,500 ਰੁਪਏ | 24,999 ਰੁਪਏ | ||
| 43 ਇੰਚ Mi Tv 4A Horizon Edition | 23,499 ਰੁਪਏ | 2,500 ਰੁਪਏ | 25,999 ਰੁਪਏ | ||
| 43 ਇੰਚ Mi Tv 4X | 25,999 ਰੁਪਏ | 3,000 ਰੁਪਏ | 28,999 ਰੁਪਏ | ||
| 50 ਇੰਚ Mi TV 4X | 31,999 ਰੁਪਏ | 3,000 ਰੁਪਏ | 34,999 ਰੁਪਏ | ||
| 55 ਇੰਚ Mi TV 4X | 36,999 ਰੁਪਏ | 3,000 ਰੁਪਏ | 39,999 ਰੁਪਏ |
