Apple WWDC 2024: ਬਿਹਤਰ ਪ੍ਰਾਇਵੇਸੀ ਅਤੇ ਕਸਟਮਾਈਜ਼ੇਸ਼ਨ ਨਾਲ iOS 18 ਲਾਂਚ, ਜਾਣੋ ਕੀ ਮਿਲੇਗਾ ਨਵਾਂ?

ਗੈਜੇਟ ਡੈਸਕ - ਐਪਲ ਈਵੈਂਟ ਦੇ ਵਰਲਡ ਵਾਈਡ ਡਿਵੈਲਪਰਜ਼ ਕਾਨਫਰੰਸ (WWDC 2024) ਦਾ ਅੱਜ ਪਹਿਲਾ ਦਿਨ ਹੈ। ਪਹਿਲੇ ਦਿਨ ਈਵੈਂਟ ਦੀ ਸ਼ੁਰੂਆਤ ਰਾਤ 10.30 ਵਜੇ ਹੋਈ। ਇਹ ਐਪਲ ਦਾ ਸਾਲਾਨਾ ਈਵੈਂਟ ਹੈ ਜਿਸ ਵਿੱਚ ਦੁਨੀਆ ਭਰ ਦੇ ਡਿਵੈਲਪਰ ਹਿੱਸਾ ਲੈਂਦੇ ਹਨ। WWDC ਆਮ ਤੌਰ 'ਤੇ ਇੱਕ ਸਾਫਟਵੇਅਰ ਅਧਾਰਤ ਈਵੈਂਟ ਹੈ।

WWDC 2024 ਦਾ ਈਵੈਂਟ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) 'ਤੇ ਆਧਾਰਿਤ ਸੀ। ਹਰ ਸਾਲ ਦੀ ਤਰ੍ਹਾਂ ਅੱਜ ਦੇ ਈਵੈਂਟ ਤੋਂ ਠੀਕ ਪਹਿਲਾਂ ਐਪਲ ਦਾ ਸਟੋਰ ਡਾਊਨ ਹੋ ਗਿਆ। ਐਪਲ ਦੀਆਂ ਸਾਰੀਆਂ ਵੱਡੀਆਂ ਈਵੈਂਟਾਂ ਤੋਂ ਪਹਿਲਾਂ ਐਪਲ ਸਟੋਰ ਡਾਊਨ ਹੈ। ਇਵੈਂਟ ਦੇ ਸ਼ੁਰੂ ਹੋਣ ਤੋਂ ਠੀਕ ਪਹਿਲਾਂ, ਐਪਲ ਸਟੋਰ 'ਤੇ "Be right back" ਦਾ ਇੱਕ ਸੁਨੇਹਾ ਆਇਆ।

ਬਦਲ ਗਿਆ ਐਪਲ ਵਿਜ਼ਨ ਪ੍ਰੋ ਦਾ ਐਕਸਪੀਰੀਅੰਸ
ਇਸ ਇਵੈਂਟ ਦੀ ਸ਼ੁਰੂਆਤ ਐਪਲ ਦੇ ਸੀਈਓ ਟਿਮ ਕੁੱਕ ਨੇ ਐਪਲ ਟੀ.ਵੀ. ਨਾਲ ਕੀਤੀ। ਕੁੱਕ ਨੇ ਕਿਹਾ ਕਿ ਐਪਲ ਟੀਵੀ ਨੂੰ ਅਸਲੀ ਸ਼ੋਅ ਲਈ ਵਿਸ਼ਵ ਪੱਧਰ 'ਤੇ ਸਭ ਤੋਂ ਵੱਧ ਰੇਟਿੰਗ ਮਿਲੀ ਹੈ। ਵਿਜ਼ਨ OS2 ਨੂੰ Apple Vision Pro ਹੈੱਡਸੈੱਟ ਲਈ ਜਾਰੀ ਕੀਤਾ ਗਿਆ ਹੈ। ਇਸ ਅਪਡੇਟ ਤੋਂ ਬਾਅਦ, 2D ਚਿੱਤਰਾਂ ਨੂੰ 3D ਸਥਾਨਿਕ ਫੋਟੋਆਂ ਵਿੱਚ ਬਦਲਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਨਵਾਂ UI ਵੀ ਮਿਲੇਗਾ। ਵਿਜ਼ਨ ਪ੍ਰੋ ਨਾਲ ਐਪਲ ਦਾ 180 ਡਿਗਰੀ 3D 8K ਵੀਡੀਓ ਫਾਰਮੈਟ ਦਾ ਵੀ ਸਪੋਰਟ ਮਿਲੇਗਾ।

iOS 18 ਵਿੱਚ ਕੀ ਹੋਵੇਗਾ ਨਵਾਂ
iOS 18 ਨੂੰ ਹੁਣ ਤੱਕ ਦੇ ਸਭ ਤੋਂ ਵੱਧ ਕਸਟਮਾਈਜ਼ੇਸ਼ਨ ਨਾਲ ਪੇਸ਼ ਕੀਤਾ ਗਿਆ ਹੈ। iOS 18 ਦੇ ਅਪਡੇਟ ਤੋਂ ਬਾਅਦ, ਉਪਭੋਗਤਾਵਾਂ ਨੂੰ ਆਈਫੋਨ ਵਿੱਚ ਨਵੇਂ ਵਾਲਪੇਪਰ, ਆਈਕਨ ਅਤੇ ਵਿਜੇਟਸ ਤੋਂ ਇਲਾਵਾ ਡੌਕ ਪਲੇਸਮੈਂਟ ਲਈ ਕਈ ਵਿਕਲਪ ਮਿਲਣਗੇ। ਇਸ ਤੋਂ ਇਲਾਵਾ ਨਵਾਂ ਡਾਰਕ ਮੋਡ ਵੀ ਮਿਲੇਗਾ ਜਿਸ ਨਾਲ ਕਸਟਮਾਈਜ਼ੇਸ਼ਨ ਵੀ ਸੰਭਵ ਹੋ ਸਕੇਗੀ। ਕੰਟਰੋਲ ਸੈਂਟਰ ਨੂੰ ਵੀ ਕਈ ਬਦਲਾਅ ਨਾਲ ਪੇਸ਼ ਕੀਤਾ ਗਿਆ ਹੈ।

iOS 18 ਦੀ ਪ੍ਰਾਇਵੇਸੀ
iOS 18 ਦੇ ਨਾਲ, ਤੁਹਾਨੂੰ ਪਹਿਲਾਂ ਨਾਲੋਂ ਬਿਹਤਰ ਪ੍ਰਾਇਵੇਸੀ ਮਿਲੇਗੀ। ਕਿਸੇ ਵੀ ਐਪ ਨੂੰ ਪਿੰਨ ਜਾਂ ਫੇਸ ਆਈਡੀ ਨਾਲ ਲਾਕ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਕ ਹਿਡਨ ਲਾਕ ਫੋਲਡਰ ਵੀ ਮਿਲੇਗਾ। ਆਈਓਐਸ 18 ਅਪਡੇਟ ਤੋਂ ਬਾਅਦ ਮੇਲ ਨੂੰ ਸੰਗਠਿਤ ਕਰਨਾ ਆਸਾਨ ਹੋ ਜਾਵੇਗਾ। ਇਸ ਤੋਂ ਇਲਾਵਾ ਕਈ ਸ਼੍ਰੇਣੀਆਂ ਵੀ ਉਪਲਬਧ ਹੋਣਗੀਆਂ। ਨਵੀਂ ਅਪਡੇਟ ਦੇ ਕਿਸੇ ਖਾਸ ਕੰਪਨੀ ਦੇ ਮੇਲ ਨੂੰ ਇਕੋ ਵਾਰ ਡਿਲੀਟ ਕੀਤਾ ਜਾ ਸਕਦਾ ਹੈ।