ਇੰਸਟਾਗ੍ਰਾਮ 'ਤੇ ਇਹ ਸਕੈਮ ਚੋਰੀ ਕਰ ਸਕਦਾ ਹੈ ਤੁਹਾਡੀ ਪਹਿਚਾਣ, ਮੰਗਦੇ ਹਨ ਪੈਸੇ ਜਾਂ ਨਿਊਡ ਫੋਟੋਜ਼
Sunday, Mar 03, 2019 - 11:12 AM (IST)
ਗੈਜੇਟ ਡੈਸਕ- ਸੋਸ਼ਲ ਨੈਟਵਰਕਿੰਗ ਸਾਈਟਸ 'ਤੇ ਸਕੈਮ ਹੁਣ ਨਵੀਂ ਗੱਲ ਨਹੀਂ ਰਹੀ ਪਰ ਇਨ੍ਹਾਂ ਨੂੰ ਕਰਨ ਵਾਲੇ ਜ਼ਿਆਦਾ ਸ਼ਾਤਰ ਹੁੰਦੇ ਜਾ ਰਹੇ ਹਨ ਤੇ ਉਨ੍ਹਾਂ ਦੇ ਸਕੈਮਿੰਗ ਦੇ ਤਰੀਕੇ ਵੀ ਬਦਲੇ ਹਨ। ਟ੍ਰੇਂਡ ਮਾਈਕ੍ਰੋ ਦੇ ਸਾਈਬਰ ਸਕਿਓਰਿਟੀ ਐਕਸਪਰਟਸ ਇਨ ਦਿਨੀਂ ਇੰਸਟਾਗ੍ਰਾਮ 'ਤੇ ਹੋ ਰਹੇ ਬੇਹੱਦ ਖਤਰਨਾਕ ਸਕੈਮ ਦੇ ਬਾਰੇ 'ਚ ਯੂਜ਼ਰਸ ਨੂੰ ਆਗਾਹ ਕਰ ਰਹੇ ਹਨ। ਇਸ ਐਕਸਪਰਟਸ ਦੇ ਮੁਤਾਬਕ ਇਸ ਸਕੈਮਿੰਗ ਦੇ ਤਰੀਕੇ ਤੋਂ ਕਈ ਹਾਈ-ਪ੍ਰੋਫਾਈਲ ਅਕਾਊਂਟਸ ਵੀ ਹੈਕ ਹੋ ਚੁੱਕੇ ਹਨ। ਨਵੀਂ ਰਿਪੋਰਟ 'ਚ ਯੂਜ਼ਰਸ ਤੋਂ ਕਿਹਾ ਗਿਆ ਹੈ, ਟਰਕਿਸ਼ ਬੋਲਣ ਵਾਲੇ ਕੁਝ ਹੈਕਰਸ ਮਸ਼ਹੂਰ ਇੰਸਟਾਗ੍ਰਾਮ ਪ੍ਰੋਫਾਈਲਸ ਨੂੰ ਟਾਰਗੇਟ ਕਰ ਰਹੇ ਹਨ ਤੇ ਇਸ ਤਰੀਕੇ ਤੋਂ ਹੈਕ ਕਰ ਰਹੇ ਹਨ।
ਰਿਪੋਰਟ ਦੇ ਮੁਤਾਬਕ ਜੇਕਰ ਵਿਕਟਿਮ ਇਸ ਨੂੰ ਰਿਪੋਰਟ ਕਰਨ ਦੀ ਕੋਸ਼ਿਸ਼ ਕਰੇ ਤੱਦ ਵੀ ਇਹ ਹੈਕਰਸ ਇੰਸਟਾਗ੍ਰਾਮ ਅਕਾਊਂਟ ਰਿਕਵਰੀ ਪ੍ਰੋਸੈਸ ਦੀ ਮਦਦ ਨਾਲ ਚੋਰੀ ਕਿਤੇ ਗਏ ਅਕਾਊਂਟ ਨੂੰ ਬਚਾਏ ਰੱਖ ਸਕਦੇ ਹਨ। ਰਿਸਰਚਰ ਜਿੰਡਰਿਚ ਕਾਰਾਸੇਕ ਨੇ ਕਿਹਾ ਕਿ 70,000 ਫਾਲੋਵਰਸ ਤੱਕ ਵਾਲੇ ਇੰਸਟਾਗ੍ਰਾਮ ਅਕਾਊਂਟ ਇਸ ਤਰ੍ਹਾਂ ਹੈਕ ਕੀਤੇ ਜਾ ਚੁੱਕੇ ਹਨ। ਜਿੰਡਰਿਚ ਨੇ ਕਿਹਾ, ਇਸ ਵਿਕਟਿਮਸ 'ਚ ਫੇਮਸ ਐਕਟਰਸ ਤੇ ਸਿੰਗਰਸ ਤੋਂ ਲੈ ਕੇ ਫੋਟੋਸ਼ੂਟ ਇਕਵਿਪਮੈਂਟ ਰੇਂਟਲਸ ਵਾਲੇ ਸਟਾਰਟਅਪ ਓਨਰਸ ਤੱਕ ਸ਼ਾਮਲ ਹਨ। ਇੰਨਾ ਹੀ ਨਹੀਂ ਅਕਾਊਂਟ 'ਚ ਜਾਣ ਤੋਂ ਬਾਅਦ ਹੈਕਰਸ ਯੂਜ਼ਰ ਤੋਂ ਅਕਾਊਂਟ ਦੇ ਬਦਲੇ ਪੈਸਿਆਂ ਤੋਂ ਲੈ ਕੇ ਸੈਕਸੀ ਸੈਲਫੀਜ਼ ਤੱਕ ਦੀ ਡਿਮਾਂਡ ਕਰਦੇ ਹਨ।
ਟ੍ਰੇਂਡ ਮਾਈਕ੍ਰੋ ਦੇ ਸੈਂਡਰਿਕ ਪੇਰਨੇਟ ਨੇ ਕਿਹਾ, ਇਹ ਗਰੁੱਪ ਡਿਜੀਟਲ ਐਕਸਟਾਰਸ਼ਨ 'ਚ ਵੀ ਸ਼ਾਮਲ ਹੈ। ਵਿਕਟਿਮ ਜਦ ਹੈਕਰ ਤੱਕ ਪੁੱਜਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਹ ਅਕਾਊਂਟ ਵਾਪਸ ਦੇਣ ਦੇ ਬਦਲੇ ਕੁੱਝ ਰਕਮ ਜਾਂ ਨਿਊਡ ਫੋਟੋਜ਼-ਵਿਡੀਓਜ਼ ਦੀ ਮੰਗ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ, ਸਪਸ਼ਟ ਹੈ ਕਿ ਹੈਕਰ ਕਦੇ ਅਕਾਊਂਟ ਵਾਪਸ ਨਹੀਂ ਕਰਦੇ। ਇਸ ਤਰ੍ਹਾਂ ਪਾਪੂਲਰ ਜਾਂ ਸੋਸ਼ਲ ਮੀਡੀਆ ਪਰਸਨੈਲਿਟੀਜ਼ 'ਤੇ ਅਟੈਕ ਦੱਸਦਾ ਹੈ ਕਿ ਉਨ੍ਹਾਂ ਦਾ ਟਾਰਗੇਟ ਕੌਣ ਹੈ ਤੇ ਆਗਾਹ ਵੀ ਕਰਦਾ ਹੈ। ਇਹ ਇਕ ਸਿੱਧਾ ਫਿਸ਼ਿੰਗ ਅਟੈਕ ਹੈ ਪਰ ਤਰੀਕਾ ਕਿਤੇ ਬਿਹਤਰ ਹੈ।
ਇਸ ਕਲਾਸਿਕ ਫਿਸ਼ਿੰਗ ਅਟੈਕ 'ਚ ਯੂਜ਼ਰ ਨੂੰ ਇਕ ਮੇਲ ਆਉਂਦਾ ਹੈ। ਦੇਖਣ ਤੋਂ ਲੱਗਦਾ ਹੈ ਕਿ ਇਹ ਮੇਲ ਇੰਸਟਾਗ੍ਰਾਮ ਤੋਂ ਕੀਤੀ ਗਈ ਹੈ। ਈ-ਮੇਲ 'ਚ ਲਿੱਖਿਆ ਹੁੰਦਾ ਹੈ ਕਿ ਤੁਹਾਡੇ ਅਕਾਊਂਟ ਨੂੰ ਵੇਰੀਫਾਇਡ ਬੈਜ਼ ਦਿੱਤਾ ਜਾਣਾ ਹੈ ਤੇ ਇਸ ਦੇ ਲਈ ਤੁਹਾਨੂੰ ਅਕਾਊਂਟ ਨਾਲ ਜੁੜੀਆਂ ਡੀਟੇਲਸ ਸ਼ੇਅਰ ਕਰਨੀਆਂ ਹੋਣਗੀਆਂ ।ਜਿੱਥੇ ਡੀਟੇਲਸ ਸ਼ੇਅਰ ਕਰਨ ਤੋਂ ਬਾਅਦ ਹੈਕਰ ਨੂੰ ਅਕਾਊਂਟ ਦਾ ਐਕਸੇਸ ਮਿਲ ਜਾਂਦਾ ਹੈ ਤੇ ਉਹ ਅਕਾਊਂਟ ਲਾਕ ਕਰ ਦਿੰਦੇ ਹੈ।
