26 ਨਵੰਬਰ ਨੂੰ ਲਾਂਚ ਹੋ ਸਕਦੈ Huawei Mate 8

ਨਵੀਂ ਦਿੱਲੀ— ਚੀਨ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Huawei ਆਪਣੇ ਨਵੇਂ ਹੈਂਡਸੈੱਟ ਮੇਟ 8 ਨੂੰ 26 ਨਵੰਬਰ ਨੂੰ ਲਾਂਚ ਕਰ ਸਕਦੀ ਹੈ। ਦਰਅਸਲ 26 ਨਵੰਬਰ ਨੂੰ ਕੰਪਨੀ ਇਕ ਮੀਡੀਆ ਇਵੈਂਟ ਦਾ ਆਯੋਜਨ ਕਰਨ ਵਾਲੀ ਹੈ ਜਿਸ ਲਈ ਕੰਪਨੀ ਨੇ ਸੱਦੇ ਵੀ ਭੇਜਣੇ ਸ਼ੁਰੂ ਕਰ ਦਿੱਤੇ ਹਨ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਫਿਲਹਾਲ ਆਪਣੇ ਇਸ ਸਮਾਰਟਫੋਨ ਨੂੰ ਸਿਰਫ ਚੀਨ ਦੇ ਬਾਜ਼ਾਰ ''ਚ ਹੀ ਲਾਂਚ ਕਰੇਗੀ। ਤੁਹਾਨੂੰ ਦੱਸ ਦਈਏ ਕਿ ਕੰਪਨੀ ਨੇ ਆਪਣੇ ਸੱਦੇ ''ਚ ਵੱਡਾ ਜਿਹਾ 8 ਲਿਖ ਕੇ ਤਰੀਕ ਦੀ ਜਾਣਕਾਰੀ ਦਿੱਤੀ ਹੈ। ਅਜਿਹੇ ''ਚ ਉਮੀਦ ਹੈ ਕਿ ਇਸ ਦਿਨ Huawei ਮੇਟ 8 ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਫੋਨ ਬਾਰੇ ਪਹਿਲਾਂ ਹੀ ਕਈ ਸੂਚਨਾਵਾਂ ਆ ਚੁੱਕੀਆਂ ਹਨ। 
ਅਜੇ ਤੱਕ ਸਾਹਮਣੇ ਆਈਆਂ ਜਾਣਕਾਰੀਆਂ ''ਤੇ ਨਜ਼ਰ ਪਾਈਏ ਤਾਂ ਇਸ ਨਵੇਂ ਸਮਾਰਟਫੋਨ ''ਚ 6-ਇੰਚ ਦੀ ਡਿਸਪਲੇ ਹੋ ਸਕਦੀ ਹੈ, ਨਾਲ ਹੀ ਇਸ ਦੀ ਡਿਸਪਲੇ ਦਾ ਰੈਜੋਲਿਊਸ਼ਨ 1440 ਪਿਕਸਲ ਹੋ ਸਕਦਾ ਹੈ। ਇਸ ਨੂੰ ਕਿਰੀਨ 950 ਚਿਪਸੈੱਟ ''ਤੇ ਪੇਸ਼ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਨੂੰ 3GB ਅਤੇ 4GBਰੈਮ ਮੈਮਰੀ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਫੋਨ ''ਚ 32GB ਅਤੇ 64GB ਇੰਟਰਲਨ ਮੈਮਰੀ ਹੋਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਇਸ ਸਮਾਰਟਫੋਨ ''ਚ 13MP ਦਾ ਰੀਅਰ ਕੈਮਰਾ ਅਤੇ 8MP ਦਾ ਫਰੰਟ ਫੇਸਿੰਗ ਕੈਮਰਾ ਵੀ ਮੌਜੂਦ ਹੋਣ ਦੀ ਉਮੀਦ ਹੋ ਸਕਦੀ ਹੈ। ਉਮੀਦ ਹੈ ਕਿ ਕਨੈਕਟੀਵਿਟੀ ਲਈ ਇਸ ਵਿਚ ਡਿਊਲ ਸਿਮ ਤੋਂ ਇਲਾਵਾ ਵਾਈ-ਫਾਈ, 3G ਅਤੇ 4G ਸਪੋਰਟ ਵੀ ਦੇਖਣ ਨੂੰ ਮਿਲ ਸਕਦਾ ਹੈ।