ਗੂਗਲ ਦੇ ਨਵੇਂ ਸਮਾਰਟਫੋਨ ''ਚ ਹੈ ਇਹ ਵੱਡੀ ਖਾਮੀ (ਵੀਡੀਓ)

ਜਲੰਧਰ— ਜਦੋਂ ਵੀ ਕੋਈ ਮਸ਼ਹੂਰ ਸਮਾਰਟਫੋਨ ਕੰਪਨੀ ਦੁਆਰਾ ਹਾਈ ਐਂਡ ਸਮਾਰਟਫੋਨ ਲਾਂਚ ਕੀਤਾ ਜਾਂਦਾ ਹੈ ਤਾਂ ਉਸ ਫੋਨ ਦੇ ਨਾਲ ਤਰ੍ਹਾਂ-ਤਰ੍ਹਾਂ ਦੇ ਪ੍ਰਯੋਗ ਕੀਤੇ ਜਾਂਦੇ ਹਨ ਅਤੇ ਇਹ ਟੈਸਟ ਕੀਤਾ ਜਾਂਦਾ ਹੈ ਕਿ ਫੋਨ ਕਿੰਨਾ ਚੰਗਾ ਹੈ। ਗੂਗਲ ਦੇ ਨਵੇਂ ਨੈਕਸਸ ਡਿਵਾਈਸ Nexus 6P ਨਾਲ ਵੀ ਅਜਿਹਾ ਹੀ ਕੀਤਾ ਗਿਆ ਪਰ ਜੇਕਰ ਤੁਸੀਂ ਇਸ ਸਮਾਰਟਫੋਨ ਨੂੰ ਖਰੀਦਣ ਦਾ ਮਨ ਬਣਾ ਰਹੇ ਹੋ ਤਾਂ ਇਹ ਖਬਰ ਤੁਹਾਨੂੰ ਨਿਰਾਸ਼ ਕਰ ਸਕਦੀ ਹੈ। ਦਰਅਸਲ, ਐਪਲ iPhone 6 ਵਰਗੀ ਖਾਮੀ (ਬੈਂਡਗੇਟ) Nexus 6P ''ਚ ਦੇਖੀ ਗਈ ਹੈ। 
Nexus 6P ਦੇ ਬੈਂਡ ਹੋਣ ਦੀ ਵੀਡੀਓ ਵੀ ਬਣਾਈ ਗਈ ਹੈ ਜਿਸ ਵਿਚ ਮਜਬੂਤ ਦੱਸੇ ਜਾਣ ਵਾਲੇ Nexus 6P ਦੇ ਦਾਅਵੇ ਨੂੰ ਝੂਠਾ ਸਾਬਿਤ ਕਰ ਦਿੱਤਾ ਗਿਆ ਹੈ। ਪਿਛਲੇ ਸਾਲ ਜਦੋਂ ਆਈਫੋਨ 6 ਅਤੇ 6 ਪਲਸ ਨੂੰ ਲਾਂਚ ਕੀਤਾ ਗਿਆ ਸੀ ਤਾਂ ਵੀ ਅਜਿਹੀਆਂ ਖਬਰਾਂ ਚਰਚਾ ਦਾ ਵਿਸ਼ਾ ਬਣੀਆਂ ਸਨ ਕਿਉਂਕਿ ਆਈਫੋਨ 6 ਅਤੇ 6 ਪਲਸ ਬੈਂਡ ਹੁੰਦਾ ਸੀ। ਇਸ ਵਾਰ ਗੂਗਲ ਦੇ ਫੋਨ ਨਾਲ ਕੁਝ ਅਜਿਹਾ ਹੀ ਹੋਇਆ ਜੋ ਬੈਂਡਗੇਟ ''ਚ ਤਾਂ ਫੇਲ ਹੋ ਗਿਆ ਪਰ ਆਮ ਇਸਤੇਮਾਲ ਕਰਨ ''ਤੇ ਕਿਸੇ ਯੂਜ਼ਰ ਫਿਲਹਾਲ ਅਜਿਹੀ ਕਿਸੇ ਸਮੱਸਿਆ ਬਾਰੇ ਨਹੀਂ ਦੱਸਿਆ ਹੈ। 
ਜ਼ਿਕਰਯੋਗ ਹੈ ਕਿ ਗੂਗਲ ਨੇ ਪਿਛਲੇ ਮਹੀਨੇ ਹੀ ਨਵੇਂ ਨੈਕਸਸ ਡਿਵਾਈਸ Nexus 6P ਨੂੰ ਲਾਂਚ ਕੀਤਾ ਹੈ ਜਿਸ ਦੀ ਮੈਟਲ ਬਾਡੀ ''ਚ ਏਅਰੋਨਾਟਿਕਲ-ਗ੍ਰੇਡ ਐਨੋਡਾਈਜ਼ਡ ਐਲੂਮੀਨੀਅਮ ਦੀ ਵਰਤੋਂ ਕੀਤਾ ਗਈ ਹੈ ਪਰ ਵੀਡੀਓ ''ਚ ਤੁਸੀਂ ਦੇਖ ਸਕਦੇ ਹੋ ਕਿ ਫੋਨ ਕਿਸ ਤਰ੍ਹਾਂ ਆਸਾਨੀ ਨਾਲ ਹੀ ਬੈਂਡ ਹੋ ਗਿਆ। 

ਕੀ ਹੈ ''ਬੈਂਡਗੇਟ'' ਟੈਸਟ
ਇਸ ਵਿਚ ਇਹ ਦੇਖਿਆ ਜਾਂਦਾ ਹੈ ਕਿ ਇਕ ਸਮਾਰਟਫੋਨ ਕਿੰਨਾ ਸ਼ਕਤੀਸ਼ਾਲੀ ਹੈ ਅਤੇ ਉਹ ਮੁੜਦਾ ਤਾਂ ਨਹੀਂ। ਇਸ ਦੇ ਨਾਲ ਹੀ ਇਹ ਵੀ ਦੇਖਿਆ ਜਾਂਦਾ ਹੈ ਕਿ ਫੋਨ ''ਤੇ ਹੋਰ ਧਾਂਤ ਵਰਗੀ ਜੇਬ ''ਚ ਰੱਖੀ ਚਾਬੀ ਨਾਲ ਕੀ ਫਰਕ ਪੈਂਦਾ ਹੈ ਅਤੇ ਫੋਨ ''ਤੇ ਸਕ੍ਰੈਚ ਤਾਂ ਨਹੀਂ ਪੈਂਦੇ।