ਇੰਸਟਾਗ੍ਰਾਮ ''ਚ ਫੇਸਬੁੱਕ ਮੈਸੇਂਜਰ ਰੂਮ ਦਾ ਸਪੋਰਟ, ਇਕੱਠੇ 50 ਲੋਕ ਕਰ ਸਕਣਗੇ ਵੀਡੀਓ ਕਾਲਿੰਗ

ਗੈਜੇਟ ਡੈਸਕ—ਕੁਝ ਦਿਨ ਪਹਿਲਾਂ ਹੀ ਫੇਸਬੁੱਕ ਨੇ ਵੀਡੀਓ ਕਾਲਿੰਗ ਦੀ ਮੰਗ ਨੂੰ ਦੇਖਦੇ ਹੋਏ ਫੇਸਬੁੱਕ ਮੈਸੇਂਜਰ 'ਚ ਰੂਮ ਫੀਚਰ ਨੂੰ ਜੋੜਿਆ ਹੈ ਜਿਸ ਦੀ ਮਦਦ ਨਾਲ ਫੇਸਬੁੱਕ ਮੈਸੇਂਜਰ ਰਾਹੀਂ 50 ਲੋਕ ਇਕੱਠੇ ਵੀਡੀਓ ਕਾਲਿੰਗ ਕਰ ਸਕਦੇ ਹਨ। ਮੈਸੇਂਜਰ ਰੂਮ ਦਾ ਇੰਟੀਗ੍ਰੇਸ਼ਨ ਜਲਦ ਹੀ ਵਟਸਐਪ ਵੈੱਬ 'ਚ ਆਉਣ ਵਾਲਾ ਹੈ ਪਰ ਉਸ ਤੋਂ ਪਹਿਲਾਂ ਕੰਪਨੀ ਨੇ ਇਸ ਦਾ ਸਪੋਰਟ ਇੰਸਟਾਗ੍ਰਾਮ 'ਚ ਦੇ ਦਿੱਤਾ ਹੈ।

ਨਵੀਂ ਅਪਡੇਟ ਤੋਂ ਬਾਅਦ ਯੂਜ਼ਰਸ ਇੰਸਟਾਗ੍ਰਾਮ 'ਚ ਇਕ ਬਟਨ ਕਲਿੱਕ ਕਰਕੇ ਮੈਸੇਂਜਰ ਰੂਮ ਰਾਹੀਂ ਵੀਡੀਓ ਕਾਨਫੰ੍ਰਸਿੰਗ ਕਰ ਸਕਣਗੇ। ਇਸ 'ਚ ਦੋਸਤਾਂ ਨੂੰ ਇਨਵਾਈਟ ਕਰਨ ਦਾ ਵੀ ਫੀਚਰ ਮਿਲੇਗਾ। ਇੰਸਟਾਗ੍ਰਾਮ ਨੇ ਇਸ ਫੀਚਰ ਵੀ ਜਾਣਕਾਰੀ ਟਵੀਟ ਕਰਕੇ ਦਿੱਤੀ ਹੈ। ਯੂਜ਼ਰਸ ਕੋਲ ਰੂਮ ਨੂੰ ਲਾਕ ਕਰਨ ਦਾ ਵੀ ਫੀਚਰ ਮਿਲੇਗਾ ਤਾਂ ਕਿ ਮੀਟਿੰਗ ਸ਼ੁਰੂ ਹੋ ਜਾਣ ਤੋਂ ਬਾਅਦ ਕੋਈ ਮੀਟਿੰਗ 'ਚ ਜੁਆਇਨ ਨਾ ਕਰ ਸਕੇ।

An easy way to video chat with up to 50 of your favorite people? Yes please 🙋‍♀️

Starting today, you can create @messenger Rooms on Instagram and invite anyone to join 👇 pic.twitter.com/VKYtJjniEt

— Instagram (@instagram) May 21, 2020

ਇੰਸਟਾਗ੍ਰਾਮ ਨੇ ਮੈਸੇਂਜਰ ਰੂਮ ਦੇ ਇਸਤੇਮਾਲ ਨੂੰ ਲੈ ਕੇ ਇਕ ਵੀਡੀਓ ਵੀ ਸ਼ੇਅਰ ਕੀਤੀ ਹੈ। ਜੇਕਰ ਤੁਹਾਨੂੰ ਵੀਡੀਓ ਸਮਝ 'ਚ ਨਹੀਂ ਆ ਰਹੀ ਹੈ ਤਾਂ ਇਸ ਫੀਚਰ ਨੂੰ ਇਸਤੇਮਾਲ ਕਰਨ ਲਈ ਐਪ ਨੂੰ ਡਾਇਰੈਕਟ ਮੈਸੇਜ 'ਚ ਜਾਓ। ਇਸ ਤੋਂ ਬਾਅਦ ਤੁਹਾਨੂੰ ਵੀਡੀਓ ਚੈਟ ਦਾ ਇਕ ਆਈਕਨ ਦਿਖੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਰੂਮ ਕ੍ਰਿਏਟ ਕਰਨ ਦਾ ਵਿਕਲਪ ਮਿਲੇਗਾ। ਇਸ ਤੋਂ ਬਾਅਦ ਲੋਕਾਂ ਨੂੰ ਰੂਮ ਜੁਆਇਨ ਕਰਨ ਲਈ ਇਨਵਾਈਟ ਭੇਜ ਸਕੋਗੇ। ਵੀਡੀਓ ਕਾਲਿੰਗ ਲਈ ਤੁਹਾਨੂੰ ਫੋਨ 'ਚ ਫੇਸਬੁੱਕ ਮੈਸੇਂਜਰ ਐਪ ਦਾ ਹੋਣਾ ਜ਼ਰੂਰੀ ਹੈ।