ਡੈੱਲ ਇੰਸਪੀਰਾਨ 7000 2-ਇਨ-1 ਘੱਟ ਕੀਮਤ ਵਿਚ ਦਿੱਤੇ ਗਏ ਹਨ ਵੱਧ ਫੀਚਰਜ਼

ਜਲੰਧਰ : ਜੇਕਰ ਤੁਸੀਂ ਵੀ ਇਕ ਵਧੀਆ ਲੈਪਟਾਪ ਦੀ ਭਾਲ ਵਿਚ ਹੋ ਤਾਂ ਡੈੱਲ ਦੀ ਨਵੀਂ ਸੀਰੀਜ਼ ਤੁਹਾਡੇ ਲਈ ਹੀ ਹੈ। ਅਮਰੀਕੀ ਪੀ. ਸੀ. ਅਤੇ ਲੈਪਟਾਪ ਕੰਪਨੀ ਡੈੱਲ ਇੰਸਪੀਰਾਨ 7000 2-ਇਨ-1 ਅਸਲ ਵਿਚ ਅਸਾਧਾਰਨ ਲੈਪਟਾਪ ਸੀਰੀਜ਼ ਹੈ। 

• ਕੁਝ ਨਿਰਮਾਤਾ ਪਲਾਸਟਿਕ ਦੇ ਨਾਲ ਪਤਲੇ ਮੈਟਲ ਦੀ ਵਰਤੋਂ ਕਰਦੇ ਹਨ ਪਰ ਡੈੱਲ ਦੀ ਇਸ ਸੀਰੀਜ਼ ਵਿਚ ਹਰ ਥਾਂ ਮੈਟਲ ਦੀ ਵਰਤੋਂ ਕੀਤੀ ਗਈ ਹੈ।
• 13 ਅਤੇ 15 ਇੰਚ ਡੈੱਲ ਲੈਪਟਾਪਸ ਵਿਚ ਫੁੱਲ ਐੱਚ. ਡੀ. (1,920x1,080 ਪਿਕਸਲ) ਆਈ. ਪੀ. ਐੱਸ. ਟੱਚ ਸਕ੍ਰੀਨ ਡਿਸਪਲੇ ਲੱਗੀ ਹੈ।
• ਕੁਝ ਸਸਤੇ ਲੈਪਟਾਪਸ ਵਿਚ ਲੋਅ ਇੰਟੇਲ ਕੋਰ ਐੱਮ ਪ੍ਰੋਸੈਸਰ ਲੱਗਾ ਹੁੰਦਾ ਹੈ ਹਾਲਾਂਕਿ ਇਸ ਵਿਚ ਮੌਜੂਦਾ ਪੀੜ੍ਹੀ ਦਾ ਕੋਰ ਆਈ5 ਪ੍ਰੋਸੈਸਰ ਲੱਗਾ ਹੈ।
• ਕੁਝ ਬੈਸਟ ਲੈਪਟਾਪਸ ਵਿਚ ਇਸ ਰੇਂਜ ''ਤੇ 4 ਜੀ. ਬੀ. ਰੈਮ ਅਤੇ 128 ਜੀ. ਬੀ. ਸਾਲਿਡ ਸਟੇਟ ਡ੍ਰਾਈਵ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ ਪਰ ਡੈੱਲ 8 ਜੀ. ਬੀ. ਰੈਮ ਅਤੇ 256 ਜੀ. ਬੀ. ਐੱਸ. ਐੱਸ. ਡੀ. ਮੁਹੱਈਆ ਕਰਵਾਉਂਦਾ ਹੈ।
• ਇਨ੍ਹਾਂ ਵਿਚ ਬੈਕਲਿਟ ਕੀ-ਬੋਰਡ ਵੀ ਦਿੱਤਾ ਗਿਆ ਹੈ।
• ਅਕਸਰ ਕੰਪਨੀਆਂ ਦੇ ਵੱਖ-ਵੱਖ ਸਕ੍ਰੀਨ ਸਾਈਜ਼ ਵਾਲੇ ਲੈਪਟਾਪਸ ਦੀ ਕੀਮਤ ਵਿਚ ਫਰਕ ਦੇਖਣ ਨੂੰ ਮਿਲਦਾ ਹੈ ਪਰ ਡੈੱਲ 7000 2-ਇਨ-1 13 ਅਤੇ 15 ਇੰਚ ਦੀ ਕੀਮਤ ਇਕੋ ਜਿਹੀ ਹੈ। ਹਾਲਾਂਕਿ 17 ਇੰਚ ਵਾਲੇ ਵਰਜ਼ਨ ਲਈ ਵੱਧ ਪੈਸੇ ਖਰਚ ਕਰਨੇ ਪੈਣਗੇ।
• ਇਸ 13 ਅਤੇ 15 ਇੰਚ ਡੈੱਲ ਲੈਪਟਾਪ ਦਾ ਭਾਰ 1.75 ਕਿ. ਗ੍ਰਾ. ਅਤੇ 2.65 ਕਿ. ਗ੍ਰਾ. ਹੈ, ਜਿਸ ਕਾਰਨ ਇਸ ਲੈਪਟਾਪਸ ਨੂੰ ਟੈਬਲੇਟ ਦੇ ਰੂਪ ਵਿਚ ਵਰਤਣਾ ਥੋੜ੍ਹਾ ਔਖਾ ਹੈ।
• ਯੂ. ਐੱਸ. ਬੀ.-ਸੀ. ਪੋਰਟ ਤੋਂ ਇਲਾਵਾ ਇਨ੍ਹਾਂ ਵਿਚ 2 ਯੂ. ਐੱਸ. ਬੀ. 3.0 ਪੋਰਟ, ਇਕ ਐੱਚ. ਡੀ. ਐੱਮ. ਆਈ.-ਆਊਟ, ਇਕ 3.5 ਐੱਮ. ਐੱਮ. ਆਡੀਓ ਜੈਕ ਅਤੇ ਐੱਸ. ਡੀ. ਕਾਰਡ ਸਲਾਟ ਮੌਜੂਦ ਹੈ ।