ਵਿੰਟੇਜ ਨਾਲ ਕਸਟਮ ਦਾ ਮੇਲ : ਬੀ. ਐੱਮ. ਡਬਲਯੂ. ਨੇ ਫਿਰ ਤੋਂ ਬਣਾਇਆ R5
Tuesday, May 24, 2016 - 10:29 AM (IST)
ਜਲੰਧਰ : ਆਰ5 ਨੂੰ 60 ਸਾਲ ਹੋ ਚੁੱਕੇ ਹਨ ਪਰ ਬੀ. ਐੱਮ. ਡਬਲਯੂ. ਆਰ5 ਇਕ ਬੈਸਟ ਲੁਕਿੰਗ ਮੋਟਰਸਾਈਕਲ ਹੈ। ਬੀ. ਐੱਮ. ਡਬਲਯੂ. ਮੋਟਰਰਾਡ (BMW Motorrad) ਆਰ5 ਨੂੰ ਟ੍ਰਿਬਿਊਟ ਦੇਣ ਲਈ ਵਧੀਆ ਤਰੀਕੇ ਨਾਲ ਡਿਜ਼ਾਈਨ ਕਰਕੇ ਆਰ5 ਹੋਮਮੇਜ (R5 Hommage) ਕਾਂਸੈਪਟ ਨੂੰ ਪੇਸ਼ ਕੀਤਾ ਗਿਆ ਹੈ।
ਇਸ ਕਾਂਸੈਪਟ ਡਿਜ਼ਾਈਨ ਵਿਚ 1930 ਦੇ ਦਹਾਕੇ ਦਾ ਆਰ5 ਮੁੜ ਦੇਖਣ ਨੂੰ ਮਿਲਿਆ ਹੈ। ਬੀ. ਐੱਮ. ਡਬਲਯੂ. ਨੇ ਉੱਤਰੀ ਇਟਲੀ ਦੇ concorso d@Elegan Villa d@Este ਵਿਚ ਇਸ ਨੂੰ ਪੇਸ਼ ਕੀਤਾ ਹੈ। ਬੀ. ਐੱਮ. ਡਬਲਯੂ. ਪਿਛਲੇ 3 ਸਾਲਾਂ ਤੋਂ ਇਸ ਈਵੈਂਟ ਵਿਚ ਕਾਂਸੈਪਟ ਮੋਟਰਸਾਈਕਲ ਨੂੰ ਸ਼ੋਅਕੇਸ ਕਰ ਰਿਹਾ ਹੈ।
ਬੀ. ਐੱਮ. ਡਬਲਯੂ. ਆਰ5 ਹੋਮਮੇਜ ਵਿਚ ਮੂਲ 500ਸੀ. ਸੀ. ਬਾਕਸਟਰ ਟਵਿਨ ਇੰਜਣ ਲੱਗਾ ਹੈ, ਜੋ ਏਅਰ-ਕੂਲਡ ਹੈ ਪਰ ਬੀ. ਐੱਮ. ਡਬਲਯੂ. ਨੇ ਇਸ ਵਿਚ ਸੁਪਰਚਾਰਜਰ ਦੀ ਵਰਤੋਂ ਕੀਤੀ ਹੈ। ਸਵੀਡਿਸ਼ ਕਸਟਮ ਬਿਲਡਰਸ ਰੋਨੀ ਐਂਡ ਬੈਨੀ ਨੋਰਨ ਨੇ ਬੜੀ ਮਿਹਨਤ ਨਾਲ ਇਸ ਦੇ ਇੰਜਣ ਨੂੰ ਮੁੜ ਬਣਾਇਆ ਹੈ। ਇੰਜਣ ਦੇ ਪੁਨਰਨਿਰਮਾਣ ਲਈ ਬੀ. ਐੱਮ. ਡਬਲਯੂ. ਮੋਟਰਰਾਡ ਵੱਲੋਂ ਟੀਮ ਨਿਰਧਾਰਤ ਕੀਤੀ ਗਈ ਸੀ।
