FREE ਮਿਲ ਰਿਹੈ 3 ਮਹੀਨਿਆਂ ਦਾ ਰੀਚਾਰਜ! ਜਾਣੋ PM ਰੀਚਾਰਜ ਯੋਜਨਾ ਦਾ ਸੱਚ

ਗੈਜੇਟ ਡੈਸਕ- ਭਾਰਤ 'ਚ ਕਦੇ ਵੀ ਕਿਸੇ ਦੇ ਵੀ ਨਾਂ 'ਤੇ ਸਕੈਮ ਹੋ ਸਕਦਾ ਹੈ। ਚਾਹੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹੀ ਕਿਉਂ ਨਾ ਹੋਣ। ਸਕੈਮਰ ਕਿਸੇ ਨੂੰ ਵੀ ਛੱਡਣ ਵਾਲੇ ਨਹੀਂ ਹਨ। ਪੀ.ਐੱਮ. ਦੇ ਨਾਂ 'ਤੇ ਵੀ ਤੁਹਾਨੂੰ ਚੂਨਾ ਲਗਾਇਆ ਜਾ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਸਕੈਮ ਬਾਰੇ ਦੱਸਣ ਵਾਲੇ ਹਾਂ ਜੋ ਪੀ.ਐੱਮ. ਮੋਦੀ ਦੇ ਨਾਂ 'ਤੇ ਹੋ ਰਿਹਾ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ...

WhatsApp 'ਤੇ ਵਾਇਰਲ ਹੋ ਰਿਹਾ ਮੈਸੇਜ

ਕੀ ਤੁਹਾਨੂੰ ਇਕ WhatsApp ਮੈਸੇਜ ਮਿਲਿਆ ਹੈ ਜਿਸ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਕੇਂਦਰ ਸਰਕਾਰ 'ਪ੍ਰਧਾਨ ਮੰਤਰੀ ਮੁਫਤ ਰੀਚਾਰਜ ਯੋਜਨਾ' ਤਹਿਤ ਸਾਰੇ ਭਾਰਤੀ ਯੂਜ਼ਰਜ਼ ਨੂੰ 3 ਮਹੀਨਿਆਂ ਦਾ ਮੁਫਤ ਰੀਚਾਰਜ ਦੇ ਰਹੀ ਹੈ? ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਸਰਕਾਰ ਵੱਲੋਂ ਅਜਿਹੀ ਕੋਈ ਵੀ ਯੋਜਨਾ ਨਹੀਂ ਚਲਾਈ ਜਾ ਰਹੀ। ਇਹ ਲੋਕਾਂ ਨੂੰ ਗੁੰਮਰਾਹ ਕਰਨ ਅਤੇ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਲੈਣ ਦਾ ਤਰੀਕਾ ਹੈ ਹੋਰ ਕੁਝ ਨਹੀਂ।

Did you receive a #WhatsApp message claiming the central government is giving 3 months of free recharge to all Indian users under the 'Pradhan Mantri Free Recharge Yojana' ⁉️#PIBFactCheck

❌Beware! This claim is 𝐟𝐚𝐤𝐞

✔️ The Government of India is not running such a scheme pic.twitter.com/23QYh1P3Ms

— PIB Fact Check (@PIBFactCheck) December 3, 2024

ਪਹਿਲਾਂ ਵੀ ਵਾਇਰਲ ਹੋ ਚੁੱਕਾ ਹੈ ਇਹ ਮੈਸੇਜ

ਇਸ ਤੋਂ ਪਹਿਲਾਂ ਲੋਕ ਸਭਾ ਚੋਣਾਂ ਤੋਂ ਠੀਕ ਬਾਅਦ ਇਸੇ ਤਰ੍ਹਾਂ ਦਾ ਇਕ ਮੈਸੇਜ ਵਾਇਰਲ ਹੋਇਆ ਸੀ ਜਿਸ ਵਿਚ ਦਾਅਵਾ ਕੀਤਾ ਗਿਆ ਸੀ ਕਿ ਨਰਿੰਦਰ ਮੋਦੀ ਦੇ ਤੀਜੇ ਪੀ.ਐੱਮ. ਬਣਨ ਦੀ ਖੁਸ਼ੀ 'ਚ ਫ੍ਰੀ ਰੀਚਾਰਜ ਮਿਲ ਰਿਹਾ ਹੈ। ਮੈਸੇਜ 'ਚ ਲਿਖਿਆ ਸੀ, 'ਨਰਿੰਦਰ ਮੋਦੀ ਜੀ ਦੇ ਪ੍ਰਧਾਨ ਮੰਤਰੀ ਬਣਨ ਦੀ ਖੁਸ਼ੀ 'ਚ BJP Party ਨੇ ਸਾਰੇ ਭਾਰਤੀ ਯੂਜ਼ਰਜ਼ ਨੂੰ 599 ਦਾ 3 ਮਹੀਨਿਆਂ ਵਾਲਾ ਰੀਚਾਰਜ ਫ੍ਰੀ ਦੇਣ ਦਾ ਵਾਅਦਾ ਕੀਤਾ ਹੈ ਤਾਂ ਹੁਣੇ ਹੇਠਾਂ ਨੀਲੇ ਰੰਗ ਦੇ ਲਿੰਕ 'ਤੇ ਕਲਿੱਕ ਕਰਰਕੇ ਆਪਣੇ ਨੰਬਰ 'ਤੇ ਰੀਚਾਰਜ ਕਰੋ।'

ਜਾਣਕਾਰੀ ਲਈ ਦੱਸ ਦੇਈਏ ਕਿ ਇਹ ਇਕ ਫਰਜੀ ਮੈਸੇਜ ਹੈ ਅਤੇ ਸਰਕਾਰ ਵੱਲੋਂ ਅਜਿਹੀ ਕੋਈ ਯੋਜਨਾ ਨਹੀਂ ਚੱਲ ਰਹੀ। ਪ੍ਰੈੱਸ ਇਨਫਾਰਮੇਸ਼ਨ ਬਿਊਰੋ ਦੀ ਫੈਕਟ ਚੈੱਕ ਦੀ ਟੀਮ ਨੇ ਵੀ ਇਸ ਤਰ੍ਹਾਂ ਦੇ ਮੈਸੇਜ ਨੂੰ ਫਰਜ਼ੀ ਦੱਸਿਆ ਹੈ ਕਿ ਅਤੇ ਕਿਹਾ ਹੈ ਕਿ ਇਸ ਤਰ੍ਹਾਂ ਦੇ ਕਿਸੇ ਮੈਸੇਜ ਦੇ ਝਾਂਸੇ 'ਚ ਨਾ ਆਓ। ਕਿਸੇ ਲਿੰਕ 'ਤੇ ਕਲਿੱਕ ਨਾ ਕਰੋ। ਮੈਸੇਜ ਦੇ ਨਾਲ ਮਿਲਣ ਵਾਲੇ ਲਿੰਕ 'ਤੇ ਕਲਿੱਕ ਕਰਕੇ ਤੁਹਾਡੀ ਨਿੱਜੀ ਜਾਣਕਾਰੀ ਲਈ ਜਾ ਸਕਦੀ ਹੈ ਅਤੇ ਤੁਸੀਂ ਸਕੈਮ ਦੇ ਸ਼ਿਕਾਰ ਹੋ ਸਕਦੇ ਹੋ।