ਅਸਮਾਨੀ ਬਿਜਲੀ ਡਿੱਗਣ ਤੋਂ 45 ਮਿੰਟ ਪਹਿਲਾਂ ਦੱਸ ਦੇਵੇਗੀ ਇਹ ਐਪ

ਗੈਜੇਟ ਡੈਸਕ– ਬਿਹਾਰ ’ਚ ਪਿਛਲੇ ਮਹੀਨੇ ਅਸਮਾਨੀ ਬਿਜਲੀ ਡਿੱਗਣ ਕਾਰਨ 100 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਤੋਂ ਬਾਅਦ ਬਿਹਾਰ ਸਰਕਾਰ ਮੌਸਮ ਨੂੰ ਲੈ ਕੇ ਲਗਾਤਾਰ ਲੋਕਾਂ ਨੂੰ ਅਲਰਟ ਜਾਰੀ ਕਰ ਰਹੀ ਹੈ ਅਤੇ ਇਸ ਤੋਂ ਬਚਣ ਦੇ ਤਰੀਕੇ ਵੀ ਦੱਸ ਰਹੀ ਹੈ। ਇਸ ਤਹਿਤ ਬਿਹਾਰ ਸਰਕਾਰ ਦੀ ਆਫ਼ਤ ਪ੍ਰਬੰਧਨ ਟੀਮ ਨੇ ਇੰਦਰਵਾਜਰਾ (Indravajra) ਨਾਂ ਦੀ ਇਕ ਮੋਬਾਇਲ ਐਪ ਲਾਂਚ ਕਰ ਦਿੱਤੀ ਹੈ। 

ਇਸ ਐਪ ਦੀ ਖ਼ਾਸੀਅਤ ਹੈ ਕਿ ਇਹ ਬਿਜਲੀ ਡਿੱਗਣ ਤੋਂ 40-45 ਮਿੰਟ ਪਹਿਲਾਂ ਅਲਰਟ ਜਾਰੀ ਕਰ ਦੇਵੇਗੀ। ਇਸ ਦੌਰਾਨ ਤੁਹਾਡੇ ਸਮਾਰਟਫੋਨ ’ਤੇ ਇਕ ਰਿੰਗਟੋਨ ਵੱਜੇਗੀ। ਬਿਹਾਰ ਸਰਕਾਰ ਨੇ ਰਾਜ ਦੇ ਲੋਕਾਂ ਨੂੰ ਇਸ ਐਪ ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਡਾਊਨਲੋਡ ਕਰਨ ਦੀ ਅਪੀਲ ਕੀਤੀ ਹੈ। 

आवश्यक सूचना
इन्द्रवज (Indravajra) मोबाईल ऐप को डाउनलोड एवं इन्सटॉल करने की विधि-#BiharDisasterManagementDept#BiharStateDisasterManagementAuthority pic.twitter.com/lWfMc8wG2R

— IPRD Bihar (@IPRD_Bihar) July 4, 2020

ਇੰਝ ਕੰਮ ਕਰਦੀ ਹੈ Indravajra ਐਪ
1. ਤੁਸੀਂ Indravajra ਐਪ ਨੂੰ ਗੂਗਲ ਪਲੇਅ ਸਟੋਰ ਤੋਂ ਐਂਡਰਾਇਡ ਸਮਾਰਟਫੋਨ ’ਚ ਡਾਊਨਲੋਡ ਕਰਕੇ ਇਸਤੇਮਾਲ ਕਰ ਸਕੋਗੇ। 
2. ਗੂਗਲ ਪਲੇਅ ਸਟੋਰ ’ਤੇ ਜਾ ਕੇ ਸਰਚ ਬਾਰ ’ਚ Indravajra ਸਰਚ ਕਰੋ 
3. ਐਪ ਡਾਊਨਲੋਡ ਹੋਣ ਤੋਂ ਬਾਅਦ ਤੁਹਾਨੂੰ ਆਪਣੇ ਮੋਬਾਇਲ ਨੰਬਰ ਰਾਹੀਂ ਇਸ ’ਤੇ ਰਜਿਸਟ੍ਰੇਸ਼ਨ ਕਰਨੀ ਹੋਵੇਗੀ।
4. ਰਜਿਸਟ੍ਰੇਸ਼ਨ ਤੋਂ ਬਾਅਦ ਐਪ ਤੁਹਾਡੀ ਲੋਕੇਸ਼ਨ ਦੀ ਪਰਮਿਸ਼ਨ ਮੰਗੇਗੀ। 
5. ਇਸ ਤੋਂ ਬਾਅਦ ਇਹ ਐਪ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗੀ ਅਤੇ ਤੁਹਾਨੂੰ ਲੋਕੇਸ਼ਨ ਦੇ 20 ਕਿਲੋਮੀਟਰ ਦੇ ਦਾਇਰੇ ’ਚ ਬਿਜਲੀ ਡਿੱਗਣ ਤੋਂ 40-45 ਮਿੰਟ ਪਹਿਲਾਂ ਅਲਰਟ ਮਿਲ ਜਾਵੇਗੀ। 
6. ਹੁਣ ਤਕ ਇਸ ਐਪ ਨੂੰ 1 ਲੱਖ ਤੋਂ ਜ਼ਿਆਦਾ ਲੋਕਾਂ ਦੁਆਰਾ ਡਾਊਨਲੋਡ ਕੀਤਾ ਜਾ ਚੁੱਕਾ ਹੈ।