ਐਂਡ੍ਰਾਇਡ ''ਸਭ ਤੋਂ ਖਤਰਨਾਕ'' ਸਾਫਟਵੇਅਰ, ਪਲੇਅ ਸਟੋਰ ''ਤੇ ਕਈ ਮੈਲੀਸ਼ਸ ਐਪਸ ਮੌਜੂਦ

ਗੈਜੇਟ ਡੈਸਕ—ਐਂਡ੍ਰਾਇਡ ਸਮਾਰਟਫੋਨ ਯੂਜ਼ਰਸ 'ਤੇ ਸਭ ਤੋਂ ਜ਼ਿਆਦਾ ਸਕੈਮ ਐਪਸ ਅਟੈਕ ਨਾਲ ਜੁੜੇ ਮਾਮਲੇ ਦੇਖਣ ਨੂੰ ਮਿਲਦੇ ਹਨ। ਅਜਿਹਾ ਦੇਖਣ ਨੂੰ ਮਿਲਿਆ ਹੈ ਕਿ ਲਗਭਗ ਹਰ ਦੂਜੇ ਦਿਨ ਯੂਜ਼ਰਸ ਦੀ ਪ੍ਰਾਈਵੇਸੀ, ਪਰਸਨਲ ਡੀਟੇਲਸ ਤੋਂ ਲੈ ਕੇ ਬੈਂਕ ਅਕਾਊਂਟਸ ਤਕ ਪਲੇਅ ਸਟੋਰ 'ਤੇ ਮੌਜੂਦ ਐਪਸ ਤਕ ਦੀ ਮਦਦ ਨਾਲ ਸ਼ੇਅਰ ਕੀਤੇ ਜਾਂਦੇ ਹਨ। ਹੁਣ ਇਹ ਗੱਲ ਇਕ ਰਿਸਰਚ ਤੋਂ ਬਾਅਦ ਪੱਕੀ ਹੋ ਗਈ ਹੈ ਅਤੇ ਸਾਹਮਣੇ ਆਏ ਡਾਟਾ ਤੋਂ ਪਤਾ ਚੱਲਿਆ ਹੈ ਕਿ ਐਂਡ੍ਰਾਇਡ ਓ.ਐੱਸ. 'ਤੇ ਹੋਣ ਵਾਲੇ ਅਟੈਕਸ ਪਿਛਲੇ ਕੁਝ ਸਮੇਂ 'ਚ ਤੇਜ਼ੀ ਨਾਲ ਵਧੇ ਹਨ। ਲੰਡਨ ਦੀ ਮੋਬਾਇਲ ਮਾਨੇਟਾਈਜੇਸ਼ਨ ਫਰਮ ਅਪਸਟ੍ਰੀਮ ਵੱਲੋਂ ਕੀਤੀ ਗਈ ਰਿਸਰਚ 'ਚ ਨਵੀਆਂ ਡਿਟੇਲਸ ਸਾਹਮਣੇ ਆਈਆਂ ਹਨ। ਫਰਾਡ ਰਿਪੋਰਟ ਸਕਿਓਰ-ਡੀ 'ਚ ਕਿਹਾ ਗਿਆ ਹੈ ਕਿ ਐਂਡ੍ਰਾਇਡ ਸਮਾਰਟਫੋਨਸ ਅਤੇ ਟੈਬਲੇਟਸ 'ਚ ਮਿਲਣ ਵਾਲੀਆਂ ਮੈਲੀਸ਼ਸ ਐਪਸ ਦੀ ਗਿਣਤੀ 'ਚ ਤੇਜ਼ੀ ਨਾਲ ਵਾਧਾ ਦੇਖਣ ਨੂੰ ਮਿਲਿਆ ਹੈ। 2018 ਦੀ ਇਸ ਰਿਪੋਰਟ ਨੇ ਜਿਥੇ ਐਂਡ੍ਰਾਇਡ ਪਲੇਟਫਾਰਮਸ 'ਚ 63,000 ਮੈਲੀਸ਼ਸ ਐਪਸ ਦਾ ਪਤਾ ਲਗਾਇਆ ਸੀ ਉੱਥੇ ਪਿਛਲੇ ਸਾਲ 2019 'ਚ ਇਹ ਅੰਕੜਾ ਵਧ ਕੇ 98,000 'ਤੇ ਪਹੁੰਚ ਚੁੱਕਿਆ ਹੈ।

ਐਂਡ੍ਰਾਇਡ ਅਟੈਕਰਸ ਦਾ ਫੈਵਰਿਟ
ਅਪਸਟ੍ਰੀਮ ਨੇ ਕਨਫਰਮ ਕੀਤਾ ਹੈ ਕਿ ਹਜ਼ਾਰਾਂ ਮੈਲੀਸ਼ਸ ਐਪਸ ਨਾਲ ਜੁੜਿਆ ਇਹ ਡਾਟਾ ਕਰੀਬ 4 ਕਰੋੜ 30 ਲੱਖ ਐਂਡ੍ਰਾਇਡ ਡਿਵਾਈਸੇਜ ਤੋਂ ਜੁਟਾਇਆ ਗਿਆ ਹੈ। ਦੁਨੀਆਭਰ 'ਚ ਹੋਣ ਵਾਲੀ ਸਮਾਰਟਫੋਨ ਸੇਲਸ ਦਾ 75 ਤੋਂ 85 ਫੀਸਦੀ ਐਂਡ੍ਰਾਇਡ ਸਮਾਰਟਫੋਨਸ ਹੀ ਹਨ ਅਤੇ ਇਹ ਦੁਨੀਆਭਰ 'ਚ ਮੌਜੂਦ ਸਾਰਿਆਂ ਤੋਂ ਮਸ਼ਹੂਰ ਮੋਬਾਇਲ ਪਲੇਟਫਾਰਮ ਬਣ ਚੁੱਕਿਆ ਹੈ। ਅਪਸਟ੍ਰੀਮ ਦਾ ਕਹਿਣਾ ਹੈ ਕਿ ਇਹ ਕਾਰਨ ਹੈ ਕਿ ਓਪਨ ਨੇਚਰ ਕਾਰਨ ਐਂਡ੍ਰਾਇਡ 'ਸਭ ਤੋਂ ਖਤਰਨਾਕ' ਆਪਰੇਟਿੰਗ ਸਿਸਟਮ ਬਣ ਚੁੱਕਿਆ ਹੈ ਅਤੇ ਅਟੈਕਰਸ ਦਾ ਫੈਵਰਿਟ ਪਲੇਟਫਾਰਮਸ ਬਣਿਆ ਹੋਇਆ ਹੈ।

ਪਲੇਅ ਸਟੋਰ ਤੋਂ ਹੀ ਕਰੋ ਡਾਊਨਲੋਡ
ਕਈ ਮਲੈਸ਼ੀਸ ਐਪਸ ਪਲੇਅ ਸਟੋਰ 'ਤੇ ਮੌਜੂਦ ਹੋਣ ਦੇ ਚੱਲਦੇ ਯੂਜ਼ਰਸ ਲਈ ਆਪਣੇ ਡਿਵਾਈਸ ਅਤੇ ਡਾਟਾ ਨੂੰ ਸੇਫ ਰੱਖਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ। ਸਕਿਓਰਟੀ ਰਿਸਰਚਰਸ ਦਾ ਕਹਿਣਾ ਹੈ ਕਿ ਇਸ ਤੋਂ ਬਾਅਦ ਵੀ ਨਵੀਆਂ ਐਪਸ ਗੂਗਲ ਪਲੇਅ ਸਟੋਰ ਤੋਂ ਡਾਊਨਲੋਡ ਕਰਨ 'ਚ ਹੀ ਸਾਂਝੇਦਾਰੀ ਹੈ। ਗੂਗਲ ਪਲੇਅ ਪ੍ਰੋਟੈਕਟ ਸਰਵਿਸ ਰਾਹੀਂ ਐਪਸ ਨੂੰ ਸਕੈਨ ਕਰਕੇ ਆਪਣੇ ਪਲੇਟਫਾਰਮ ਨਾਲ ਫਿਲਟਰ ਕਰਦਾ ਰਹਿੰਦਾ ਹੈ। ਹਾਲਾਂਕਿ, ਰਿਸਰਚ 'ਚ ਕਿਹਾ ਗਿਆ ਹੈ ਕਿ 2019 'ਚ ਬਲਾਕ ਕੀਤੇ ਗਏ ਮਲੈਸ਼ੀਸ ਐਪਸ 'ਚੋਂ 32 ਫੀਸਦੀ ਹੁਣ ਤਕ ਵੀ ਪਲੇਅ ਸਟੋਰ 'ਤੇ ਮੌਜੂਦ ਹਨ।