Airtel ਨੇ ਆਪਣੇ ਇਸ ਪਲਾਨ ''ਚ ਕੀਤਾ ਵੱਡਾ ਬਦਲਾਅ, ਮਿਲੇਗਾ ਪਹਿਲੇ ਤੋਂ ਜ਼ਿਆਦਾ ਡਾਟਾ
Sunday, Dec 16, 2018 - 02:09 AM (IST)
ਗੈਜੇਟ ਡੈਸਕ—ਟੈਲੀਕਾਮ ਸੈਕਟਰ 'ਚ ਯੂਜ਼ਰਸ ਨੂੰ ਆਪਣੀ ਵੱਲ ਆਕਰਸ਼ਤ ਕਰਨ ਲਈ ਏਅਰਟੈੱਲ ਨੇ ਆਪਣੇ 199 ਰੁਪਏ ਦੇ ਪ੍ਰੀਪੇਡ ਪੈਕ 'ਚ ਬਦਲਾਅ ਕੀਤਾ ਹੈ। ਜਿਸ 'ਚ ਕੰਪਨੀ ਹੁਣ ਯੂਜ਼ਰਸ ਨੂੰ ਪਹਿਲੇ ਦੇ ਮੁਕਾਬਲੇ ਜ਼ਿਆਦਾ ਡਾਟਾ ਦੇ ਰਹੀ ਹੈ। ਪਹਿਲੇ ਇਸ ਪਲਾਨ 'ਚ ਯੂਜ਼ਰਸ ਨੂੰ ਰੋਜ਼ਾਨਾ 1.4ਜੀ.ਬੀ. ਡਾਟਾ ਦਿੱਤਾ ਜਾਂਦਾ ਸੀ, ਪਰ ਹੁਣ ਨਵੇਂ ਬਦਲਾਅ ਤੋਂ ਬਾਅਦ ਯੂਜ਼ਰਸ ਨੂੰ ਪ੍ਰਤੀਦਿਨ 1.5 ਜੀ.ਬੀ. ਡਾਟਾ ਮਿਲੇਗਾ। ਉੱਥੇ ਪਲਾਨ ਦੀ ਮਿਆਦ 28 ਦਿਨਾਂ ਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਏਅਰਟੈੱਲ ਦੇ ਇਸ ਪਲਾਨ ਦੀ ਟਕੱਰ ਜਿਓ ਦੇ 198 ਰੁਪਏ ਵਾਲੇ ਪਲਾਨ ਨਾਲ ਹੋਵੇਗੀ।
ਇਹ ਇਕ ਓਪਨ ਮਾਰਕੀਟ ਪਲਾਨ ਹੈ ਜੋ ਸਾਰੇ ਏਅਰਟੈੱਲ ਪ੍ਰੀਪੇਡ ਯੂਜ਼ਰਸ ਲਈ ਮੌਜੂਦ ਹੈ ਅਤੇ ਡਾਟਾ ਤੋਂ ਇਲਾਵਾ ਇਸ 'ਚ ਯੂਜ਼ਰਸ ਨੂੰ ਅਨਲਿਮਟਿਡ ਲੋਕਲ, ਐੱਸ.ਟੀ.ਡੀ. ਅਤੇ ਨੈਸ਼ਨਲ ਰੋਮਿੰਗ ਕਾਲਸ ਨਾਲ 28 ਦਿਨਾਂ ਲਈ 100 ਐੱਸ.ਐੱਮ.ਐੱਸ. ਮਿਲਣਗੇ। ਏਅਰਟੈੱਲ ਦਾ 199 ਰੁਪਏ ਵਾਲਾ ਪਲਾਨ 22 ਟੈਲੀਕਾਮ ਸਰਕਲ 'ਚ ਉਪਲੱਬਧ ਹੈ।
ਤੁਹਾਨੂੰ ਦੱਸ ਦਈਏ ਕਿ ਹਾਲ ਹੀ 'ਚ ਕੰਪਨੀ ਨੇ 23 ਰੁਪਏ ਦਾ ਰਿਚਾਰਜ ਪੈਕ ਲਾਂਚ ਕੀਤਾ ਹੈ। ਇਸ ਰਿਚਾਰਜ ਪੈਕ ਦੀ ਮਦਦ ਨਾਲ ਏਅਰਟੈੱਲ ਯੂਜ਼ਰ ਆਪਣੇ ਪ੍ਰੀਪੇਡ ਨੰਬਰ ਦੀ ਮਿਆਦ 28 ਦਿਨਾਂ ਲਈ ਵਧਾ ਸਕਦੇ ਹੋ। ਉੱਥੇ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਬਦਲਾਅ ਤੋਂ ਬਾਅਦ ਏਅਰਟੈੱਲ ਦੇ ਇਸ ਪਲਾਨ ਨੂੰ ਯੂਜ਼ਰਸ ਤੋਂ ਕਿਵੇਂ ਦੀ ਪ੍ਰਤੀਕਿਰਿਆ ਮਿਲਦੀ ਹੈ।
