ਗੇਮਿੰਗ ਸ਼ੌਕਿਨਾਂ ਲਈ ਏਸਰ ਨੇ ਪੇਸ਼ ਕੀਤਾ 21 ਪ੍ਰੀਡੇਟਰ ਐਕਸ ਗੇਮਿੰਗ ਲੈਪਟਾਪ
Sunday, Dec 17, 2017 - 11:53 AM (IST)
ਜਲੰਧਰ- ਭਾਰਤੀ ਗੇਮਿੰਗ ਬਾਜ਼ਾਰ 'ਚ ਏਸਰ ਨੇ ਸ਼ੁੱਕਰਵਾਰ ਨੂੰ ਪ੍ਰੀਡੇਟਰ 21 ਐਕਸ ਗੇਮਿੰਗ ਨੋਟਬੁਕ ਲਾਂਚ ਕੀਤੀ ਹੈ, ਜੋ ਕਵਰਡ ਸਕ੍ਰੀਨ ਦੇ ਨਾਲ ਹੈ ਅਤੇ ਇਸ ਦੀ ਕੀਮਤ 6,99,999 ਰੁਪਏ ਰੱਖੀ ਗਈ ਹੈ। ਕੰਪਨੀ ਨੇ ਇਕ ਬਿਆਨ 'ਚ ਕਿਹਾ ਕਿ ਏਸਰ ਪ੍ਰੀਡੇਟਰ 21 ਐਕਸ ਦੀਆਂ ਸਿਰਫ 500 ਯੂਨਿਟ ਹੀ ਬਣਾਈ ਜਾਵੇਗੀ, ਜੋ ਦੁਨੀਆਭਰ 'ਚ ਵਿਕਰੀ ਲਈ ਉਪਲੱਬਧ ਹੋਵੇਗਾ। ਭਾਰਤ 'ਚ ਇਸ ਦੀ ਵਿਕਰੀ ਏਸਰ ਦੇ ਐਕਸਕਲੂਸਿਵ ਸਟੋਰਸ ਅਤੇ ਫਲਿਪਕਾਰਟ 'ਤੇ ਦੀ ਜਾਵੇਗੀ।
ਏਸਰ ਦੇ ਚੀਫ ਮਾਰਕੀਟਿੰਗ ਆਫਿਸਰ ਅਤੇ ਕੰਜਿਊਮਰ ਬਿਜਨੈੱਸ ਦੇ ਪ੍ਰਮੁੱਖ ਚੰਦਰਹਾਸ ਪਾਣਿਗਰਹੀ ਨੇ ਦੱਸਿਆ ਕਿ ਪ੍ਰੀਡੇਟਰ 21 ਐਕਸ ਦੁਨੀਆ ਦੀ ਪਹਿਲਾ ਨੋਟਬੁਕ ਹੈ, ਜਿਸ 'ਚ ਕਵਰਡ-ਸਕ੍ਰੀਨ ਡਿਜ਼ਾਇਨ ਦੇ ਨਾਲ ਆਈ-ਟਰੈਕਿੰਗ ਤਕਨੀਕ ਦਿੱਤੀ ਗਈ ਹੈ, ਤਾਂ ਕਿ ਯੂਜ਼ਰਸ ਨੂੰ ਬਿਹਤਰੀਨ ਅਨੁਭਵ ਮਿਲ ਸਕੇ। ਇਸ ਦੀ ਡਿਸਪਲੇਅ 21 ਇੰਚ ਦੀ ਹੈ, ਜਿਸਦੀ ਰੈਜ਼ੋਲਿਊਸ਼ਨ 2560X1080 ਹੈ। ਇਸ ਦੀ ਆਈ ਟਰੈਕਿੰਗ ਤਕਨੀਕ ਤੋਬੀ ਨੇ ਉਪਲੱਬਧ ਕਰਵਾਈ ਹੈ।
ਪ੍ਰੀਡੇਟਰ 21 ਐਕਸ (GX21-71) 'ਚ ਡਿਊਲ ਐੱਨਵੀਡੀਆ ਜੀ-ਫੋਰਸ ਜੀ. ਟੀ.ਐਕਸ 100 ਗਰਾਫਿਕ ਕਾਰਡ ਦੇ ਨਾਲ 7ਵੀਂ ਪੀੜ੍ਹੀ ਦਾ ਇੰਟੈੱਲ ਦਾ ਕੋਰ i7-7820 ਐੱਚ. ਕੇ ਪ੍ਰੋਸੈਸਰ, 64GB ਡੀ. ਡੀ. ਆਰ4-2400 ਮੈਮਰੀ ਅਤੇ ਚਾਰ 512GB ਦੇ ਸਾਲਿਡ ਸਟੇਟ ਡਰਾਇਵਸ ਦਿੱਤੇ ਗਏ ਹਨ। ਇਸ 'ਚ ਏਸਰ ਪ੍ਰੀਡੇਟਰਸੈਂਸਰ ਸਾਫਟਵੇਅਰ ਪ੍ਰੀ-ਲੋਡੇਡ ਹੈ, ਜੋ ਯੂਜ਼ਰਸ ਦਾ ਸਮੁੱਚੇ ਗੇਮਿੰਗ ਅਨੁਭਵ ਨੂੰ ਕੰਟਰੋਲ ਕਰਨ ਅਤੇ ਕਸਟਮਾਇਜ਼ ਕਰਨ ਦੀ ਸਹੂਲਤ ਦਿੰਦਾ ਹੈ।
