ਭਾਰਤੀ ਬਾਜ਼ਾਰ ’ਚ 3 ਨਵੇਂ ਸਕੂਟਰਾਂ ਦੀ ਐਂਟਰੀ, ਜਾਣੋ ਕੀਮਤ ਤੇ ਖੂਬੀਆਂ

ਆਟੋ ਡੈਸਕ– ਭਾਰਤ ਦੇ ਮੋਹਰੀ ਇਲੈਕਟ੍ਰਿਕ ਵਾਹਨ ਨਿਰਮਾਤਾਵਾਂ ’ਚੋਂ ਇਕ ਹੋਰ ਆਟੋਮੋਟਿਵ ਹੱਲ ਪ੍ਰਦਾਨ ਕਰਨ ਵਾਲਾ ਸਟਾਰਟਅਪ ਪ੍ਰਿਵੇਲ ਇਲੈਕਟ੍ਰਿਕ 3 ਪ੍ਰੀਮੀਅਮ ਮਾਡਲ ਸਕੂਟਰ- ਐਲੀਟ, ਫਿਨੈਜ ਅਤੇ ਵੋਲਫਿਊਰੀ ਲਾਂਚ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਤੇਜ਼ੀ ਨਾਲ ਵਧਦੇ ਭਾਰਤੀ ਇਲੈਕਟ੍ਰਿਕ ਮੋਬਿਲਿਟੀ ਸਪੇਸ ’ਚ ਸੁਧਾਰ ਕਰਦੇ ਹੋਏ ਬ੍ਰਾਂਡ ਉਤਸ਼ਾਹੀ ਈ-ਵਾਹਨਾਂ ਦੀ ਵਧਦੀ ਮੰਗ ਨੂੰ ਪੂਰੀ ਕਰ ਦੀ ਇੱਛਾ ਰੱਖਦਾ ਹੈ ਜੋ ਬਿਹਤਰ ਸਵਾਰੀ ਅਨੁਭਵ ਲਈ ਕਿਫਾਇਤੀ ਅਤੇ ਰਿਨਿਊਏਬਲ ਬਦਲਾਵਾਂ ਨਾਲ ਟੈਕਨਾਲੋਜੀ ਨੂੰ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਪੇਸ਼ ਕਰੇ। 

ਐਲੀਟ- 129,999 ਰੁਪਏ
ਇਲੈਕਟ੍ਰਿਕ ਸਕੂਟਰ ਐਲੀਟ 200 ਕਿਲੋਗ੍ਰਾਮ ਭਾਰ ਨਾਲ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟਾਪ ਸਪੀਡ ਦੇ ਸਕਦਾ ਹੈ। ਲਿਥੀਅਮ ਆਇਨ ਬੈਟਰੀ ਅਤੇ ਸਵੈਪੇਬਲ ਬੈਟਰੀ ਬਦਲਾਂ ਨਾਲ ਇਹ ਸਕੂਟਰ ਇਕ ਵਾਰ ਚਾਰਜ ਕਰਨ ’ਤੇ 110 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦਾ ਹੈ। ਇਕ ਵਾਰ ਬੈਟਰੀ ਖਤਮ ਹੋਣ ਤੋਂ ਬਾਅਦ ਇਸ ਨੂੰ 4 ਘੰਟਿਆਂ ’ਚ ਪੂਰੀ ਤਰ੍ਹਾਂ ਚਾਰਜ ਕੀਤਾ ਜਾ ਸਕਦ ਹੈ ਕਿਉਂਕਿ ਮਾਡਲ 1000 ਅਤੇ 2000 ਵਾਟ ਮੋਟਰ ਪਾਵਰ ਨਾਲ ਆਉਂਦਾ ਹੈ। ਮਾਡਲ ਵਨ ਕਲਿੱਕ ਫਿਕਸ ਫੰਕਸ਼ਨ ਨਾਲ 55ਏ ਕੰਟਰੋਲਰ ਦੇ ਕੰਟਰੋਲ ਮਾਡਲ ਨਾਲ ਆਉਂਦਾ ਹੈ। ਵਾਹਨ ’ਚ ਇੰਟੀਗ੍ਰੇਟਿਡ ਲਿਕੁਇਡ ਕ੍ਰਿਸਟਲ ਡਿਸਪਲੇਅ (ਐੱਲ.ਸੀ.ਡੀ.) ਸਕਰੀਨ ਵੀ ਹੈ, ਜਿਸ ਦੀ ਵਰਤੋਂ ਮੁੱਖ ਰੂਪ ਨਾਲ ਨੈਵਿਗੇਸ਼ਨ, ਕੰਟਰੋਲ ਅਤੇ ਮਨੋਰੰਜਨ ਉਦੇਸ਼ਾਂ ਲਈ ਕੀਤੀ ਜਾਂਦੀ ਹੈ। ਇਸ ਤਰ੍ਹਾਂ ਯੂਜ਼ਰ ਆਪਣੀਆਂ ਪਸੰਦੀਦਾ ਧੁਨਾਂ ’ਤੇ ਥਿਰਕ ਸਕਦੇ ਹਨ ਅਤੇ ਇਥੋਂ ਤਕ ਕਿ ਫੋਨ ਕਾਲ ਨੂੰ ਮੈਨੁਅਲ ਰੂਪ ਤੋਂ ਬਿਨਾਂ ਵੀ ਅਟੈਂਡ ਕਰ ਸਕਦੇ ਹਨ। ਆਉਣ-ਜਾਣ ਦੇ ਇਕ ਸੁਵਿਧਾਜਨਕ ਅਤੇ ਵਿਵਹਾਰਿਕ ਤਰੀਕੇ ਦਾ ਅਨੁਭਵ ਕਰ ਸਕਦੇ ਹਨ। 

ਫਿਨੈਜ- 99,999 ਰੁਪਏ
ਇਲੈਕਟ੍ਰਿਕ ਸਕੂਟਰ ਫਿਨੈਜ 200 ਕਿਲੋਗ੍ਰਾਮ ਭਾਰ ਨਾਲ 60 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟਾਪ ਸਪੀਡ ਨਾਲ ਆਉਂਦਾ ਹੈ। ਲਿਥੀਅਮ ਆਇਨ ਬੈਟਰੀ ਨਾਲ ਸਕੂਟਰ ਇਕ ਵਾਰ ਚਾਰਜ ਕਰਨ ’ਤੇ 110 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦਾ ਹੈ। ਇਸ ਵਿਚ ਸਵੈਪੇਬਲ ਬੈਟਰੀ ਬਦਲਾਂ ਦੇ ਨਾਲ 4 ਘੰਟਿਆਂ ’ਚ 0 ਤੋਂ 100 ਫੀਸਦੀ ਜਾ ਚਾਰਜਿੰਗ ਟਾਈਮ ਹੈ। ਮਾਡਲ ਵਨ-ਕਲਿੱਕ ਫਿਕਸ ਫੰਕਸ਼ਨ ਨਾਲ 12 ਟਿਊਬ ਬ੍ਰਸ਼ਲੈੱਸ ਕੰਟਰੋਲਰ ਦੇ ਕੰਟਰੋਲ ਮਾਡਲ ਨਾਲ ਆਉਂਦਾ ਹੈ। 

ਵੋਲਫਿਊਰੀ- 89,999 ਰੁਪਏ
ਇਲੈਕਟ੍ਰਿਕ ਸਕੂਟਰ ਵੋਲਫਿਊਰੀ 200 ਕਿਲੋਗ੍ਰਾਮ ਭਾਰ ਨਾਲ 50 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟਾਪ ਸਪੀਡ ਦਿੰਦਾ ਹੈ। ਲਿਥੀਅਮ ਆਇਨ ਬੈਟਰੀ ਨਾਲ ਸਕੂਟਰ ਇਕ ਵਾਰ ਚਾਰਜ ਕਰਨ ’ਤੇ 110 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦਾ ਹੈ। ਮਾਡਲ ਨੂੰ ਪੂਰੀ ਤਰ੍ਹਾਂ ਤਿਆਰ ਹੋਣ ’ਚ ਲਗਭਗ 4 ਘੰਟੇ ਲਗਦੇ ਹਨ। ਮਾਡਲ ਵਨ-ਕਲਿੱਕ ਫਿਕਸ ਫੰਕਸ਼ਨ ਨਾਲ 12 ਟਿਊਬ ਬ੍ਰਸ਼ਲੈੱਸ ਕੰਟਰੋਲਰ ਦੇ ਕੰਟਰੋਲ ਮਾਡਲ ਨਾਲ ਆਉਂਦਾ ਹੈ।