ਟੈਸਟਿੰਗ ਦੇ ਦੌਰਾਨ ਕੈਮਰੇ ''ਚ ਕੈਦ ਹੋਈ ਮਰੂਤੀ ਦੀ ਨਵੀਂ ਆਲਟੋ

ਗੈਜੇਟ ਡੈਸਕ- ਮਾਰੂਤੀ ਸੁਜ਼ਕੀ ਨੇ ਨਵੀਂ ਜਨਰੇਸ਼ਨ ਦੀ ਆਲਟੋ 'ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਹਾਲ ਹੀ ਇਸ ਨੂੰ ਭਾਰਤ ਦੀਆਂ ਸੜਕਾਂ 'ਤੇ ਟੈਸਟਿੰਗ ਦੇ ਦੌਰਾਨ ਵੇਖਿਆ ਗਿਆ ਹੈ। ਟੈਸਟਿੰਗ ਦੇ ਦੌਰਾਨ ਕੈਮਰੇ 'ਚ ਕਾਰ ਦੇ ਪਿੱਛੇ ਵਾਲੇ ਹਿੱਸੇ ਦੀ ਝਲਕ ਕੈਦ ਹੋਈ ਹੈ। ਇਸ ਨੂੰ ਚੰਗੀ ਤਰਾਂ ਨਾਲ ਕਵਰ ਕੀਤੀ ਹੋਈ ਹੈ। ਹਾਲਾਂਕਿ ਇਸ ਤੋਂ ਬਾਅਦ ਵੀ ਕਾਰ ਨਾਲ ਜੁੜੀਆਂ ਕੁਝ ਅਹਿਮ ਜਾਣਕਾਰੀਆਂ ਮਿਲੀਆਂ ਹਨ। ਨਵੀਂ ਆਲਟੋ ਨੂੰ ਰੈਨੋ ਕਵਿੱਡ ਦੀ ਤਰ੍ਹਾਂ ਮਾਇਕ੍ਰੋ ਐੱਸ. ਯੂ. ਵੀ. ਵਰਗਾ ਡਿਜ਼ਾਈਨ ਦਿੱਤਾ ਗਿਆ ਹੈ। ਇਸ ਦਾ ਡਿਜ਼ਾਈਨ ਮਾਰੂਤੀ ਦੇ ਫਿਊਚਰ-ਐੱਸ ਕਾਂਸੈਪਟ ਤੋਂ ਪ੍ਰੇਰਿਤ ਹੈ।

cardekho.com ਮੁਤਾਬਕ ਅੰਦਾਜੇ ਲਗਾਏ ਜਾ ਰਹੇ ਹਨ ਕਿ ਨਵੀਂ ਆਲਟੋ ਨੂੰ ਸੁਜ਼ੂਕੀ ਦੇ ਹਾਰਟਟੈੱਕ ਪਲੇਟਫਾਰਮ 'ਤੇ ਤਿਆਰ ਕੀਤਾ ਜਾਵੇਗਾ। ਇਸ ਪਲੇਟਫਾਰਮ 'ਤੇ ਇਗਨਿਸ ਤੇ ਨਵੀਂ ਵੈਗਨ- ਆਰ ਵੀ ਬਣੀ ਹੈ। ਮੌਜੂਦਾ ਆਲਟੋ ਦੀ ਗੱਲ ਕਰੀਏ ਤਾਂ ਇਹ ਆਲਟੋ 800 ਤੇ ਆਲਟੋ ਦੇ10 ਦੋ ਵਰਜਨ 'ਚ ਆਉਂਦੀ ਹੈ। ਆਲਟੋ 800 'ਚ 800 ਸੀ. ਸੀ ਦਾ ਇੰਜਣ ਲਗਾ ਹੈ, ਜੋ 48 ਪੀ. ਐੱਸ ਦੀ ਪਾਵਰ ਤੇ 69 ਐੱਨ. ਐੱਮ ਦਾ ਟਾਰਕ ਦਿੰਦਾ ਹੈ। ਆਲਟੋ ਦੇ10 'ਚ 1.0 ਲਿਟਰ ਦਾ ਇੰਜਣ ਲਗਾ ਹੈ। ਇਸ ਦੀ ਪਾਵਰ 68 ਪੀ. ਐੱਸ ਤੇ ਟਾਰਕ 90 ਐੱਨ. ਐੱਮ ਹੈ। ਦੋਨੋਂ ਇੰਜਣ ਦੇ ਨਾਲ 5-ਸਪੀਡ ਮੈਨੂਅਲ ਗਿਅਰਬਾਕਸ ਸਟੈਂਡਰਡ ਦਿੱਤਾ ਗਿਆ ਹੈ, ਉਥੇ ਹੀ 1.0 ਲਿਟਰ ਇੰਜਣ ਦੇ ਨਾਲ ਏ. ਐੱਮ. ਟੀ ਦੀ ਆਪਸ਼ਨ ਵੀ ਰੱਖੀ ਗਈ ਹੈ। ਅੰਦਾਜੇ ਲਗਾਏ ਜਾ ਰਹੇ ਹਨ ਕਿ ਨਵੀਂ ਆਲਟੋ 'ਚ ਵੀ ਕੰਪਨੀ ਇਹੀ ਇੰਜਣ ਦੇਵੇਗੀ।
ਨਵੀਂ ਆਲਟੋ ਦਾ ਕੈਬਿਨ ਪਹਿਲਾਂ ਤੋਂ ਜ਼ਿਆਦਾ ਜਗਹਦਾਰ ਹੋ ਸਕਦਾ ਹੈ। ਇਸ 'ਚ ਡਰਾਇਵਰ ਏਅਰਬੈਗ, ਏ. ਬੀ. ਐੱਸ ਤੇ ਈ. ਬੀ. ਡੀ ਜਿਵੇਂ ਫੀਚਰ ਸਟੈਂਡਰਡ ਦਿੱਤੇ ਜਾ ਸਕਦੇ ਹਨ। ਟਾਪ ਵੇਰੀਐਂਟ 'ਚ ਨੂੰ -ਪੈਸੇਂਜਰ ਏਅਰਬੈਗ ਤੇ 7.0 ਇੰਚ ਟੱਚਸਕਰੀਨ ਇੰਫੋਟੇਂਮੈਂਟ ਸਿਸਟਮ ਜਿਹੇ ਫੀਚਰ ਵੀ ਆ ਸਕਦੇ ਹਨ। 

ਨਵੀਂ ਆਲਟੋ ਨੂੰ ਦਿਵਾਲੀ ਦੇ ਕਰੀਬ ਲਾਂਚ ਕੀਤਾ ਜਾ ਸਕਦਾ ਹੈ। ਇਹ ਮੌਜੂਦਾ ਮਾਡਲ ਤੋਂ ਮਹਿੰਗੀ ਹੋ ਸਕਦੀ ਹੈ। ਮੌਜੂਦਾ ਆਲਟੋ 800 ਦੀ ਕੀਮਤ 2.62 ਲੱਖ ਰੁਪਏ ਤੋਂ 3.93 ਲੱਖ ਰੁਪਏ (ਐਕਸ-ਸ਼ੋਰੂਮ,  ਦਿੱਲੀ) ਹੈ। ਆਲਟੋ ਦੇ10 ਦੀ ਕੀਮਤ 3.38 ਲੱਖ ਰੁਪਏ ਤੋਂ 4.27 ਲੱਖ ਰੁਪਏ (ਐਕਸ-ਸ਼ੋਰੂਮ ਦਿੱਲੀ)