ਸਮੰਥਾ ਦੀ ਫਿਲਮ "ਮਾਂ ਇੰਤੀ ਬੰਗਾਰਮ" ਦਾ ਇਸ ਦਿਨ ਹੋਵੇਗਾ ਵਰਲਡ ਟੈਲੀਵਿਜ਼ਨ ਪ੍ਰੀਮੀਅਰ
Sunday, Sep 20, 2026 - 04:33 PM (IST)
ਮੁੰਬਈ (ਏਜੰਸੀ)- ਸਮੰਥਾ ਰੂਥ ਪ੍ਰਭੂ ਦੀ ਐਕਸ਼ਨ-ਕਾਮੇਡੀ ਫਿਲਮ "ਮਾਂ ਇੰਤੀ ਬੰਗਾਰਮ" ਦਾ ਵਰਲਡ ਟੈਲੀਵਿਜ਼ਨ ਪ੍ਰੀਮੀਅਰ 26 ਸਤੰਬਰ ਨੂੰ ਰਾਤ 8 ਵਜੇ ਸੋਨੀ ਮੈਕਸ 'ਤੇ ਹੋਵੇਗਾ। ਫਿਲਮ ਵਿੱਚ ਸਮੰਥਾ ਸਵਰਨਾ ਦੀ ਭੂਮਿਕਾ ਨਿਭਾ ਰਹੀ ਹੈ, ਜੋ ਆਪਣੇ ਪਰਿਵਾਰ ਦੀਆਂ ਜ਼ਿੰਮੇਵਾਰੀਆਂ ਅਤੇ ਉਮੀਦਾਂ ਦੇ ਵਿਚਕਾਰ ਇੱਕ ਨੂੰਹ ਦੇ ਰੂਪ ਵਿੱਚ ਆਪਣੀ ਜ਼ਿੰਦਗੀ ਨੂੰ ਸੰਭਾਲਦੀ ਹੈ।
ਕਹਾਣੀ ਉਸ ਸਮੇਂ ਇੱਕ ਦਿਲਚਸਪ ਮੋੜ ਲੈਂਦੀ ਹੈ, ਜਦੋਂ ਉਸਦੇ ਅੰਦਰ ਲੁਕਿਆ ਐਕਸ਼ਨ ਨਾਲ ਭਰਪੂਰ ਅੰਦਾਜ਼ ਸਾਹਮਣੇ ਆਉਂਦਾ ਹੈ। "ਮਾਂ ਇੰਤੀ ਬੰਗਾਰਮ" ਵਿੱਚ ਐਕਸ਼ਨ, ਕਾਮੇਡੀ ਅਤੇ ਪਰਿਵਾਰਕ ਭਾਵਨਾਵਾਂ ਦਾ ਮਿਸ਼ਰਣ ਦੇਖਣ ਨੂੰ ਮਿਲੇਗਾ। ਇਹ ਫਿਲਮ ਪਰਿਵਾਰਕ ਜੀਵਨ ਵਿੱਚ ਅਕਸਰ ਨਜ਼ਰਅੰਦਾਜ਼ ਕੀਤੀਆਂ ਜਾਣ ਵਾਲੀਆਂ ਤਾਕਤਾਂ ਨੂੰ ਉਜਾਗਰ ਕਰਦੀ ਹੈ ਅਤੇ ਮਨੋਰੰਜਕ ਢੰਗ ਨਾਲ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਚੁਣੌਤੀ ਦਿੰਦੀ ਹੈ।
