ਜਦੋਂ ਮਿਲਿੰਦ ਸੋਮਨ ਨੇ ਸੈਲਫੀ ਲੈਣ ਆਈ ਔਰਤ ਤੋਂ ਬਾਜ਼ਾਰ ''ਚ ਕਰਵਾਏ ਪੁਸ਼ਅਪਸ (ਵੀਡੀਓ)

ਮੁੰਬਈ: ਬਾਲੀਵੁੱਡ ਅਦਾਕਾਰ ਅਤੇ ਮਾਡਲ ਮਿਲਿੰਦ ਸੋਮਨ ਅਕਸਰ ਤੰਦਰੁਸਤੀ ਦੇ ਕਾਰਨ ਸੁਰਖੀਆਂ 'ਚ ਰਹਿੰਦੇ ਹਨ। ਉਹ ਨਾ ਸਿਰਫ ਆਪਣੇ ਅਤੇ ਆਪਣੇ ਪਰਿਵਾਰ ਦੀ ਤੰਦਰੁਸਤੀ ਦਾ ਖਿਆਲ ਰੱਖਦੇ ਹਨ ਸਗੋਂ ਆਪਣੇ ਪ੍ਰਸ਼ੰਸਕਾਂ ਨੂੰ ਤੰਦਰੁਸਤ ਰਹਿਣ ਲਈ ਵੀ ਪ੍ਰੇਰਿਤ ਕਰਦੇ ਹਨ। ਮਿਲਿੰਦ ਸੋਮਨ ਅਕਸਰ ਆਪਣੀ ਫਿਟਨੈੱਸ ਵੀਡੀਓ ਪੋਸਟ ਕਰਦੇ ਹਨ ਅਤੇ ਪ੍ਰਸ਼ੰਸਕਾਂ ਨੂੰ ਫਿੱਟ ਰਹਿਣ ਲਈ ਸੁਝਾਅ ਦਿੰਦੇ ਹਨ। ਹੁਣ ਹਾਲ ਹੀ ਵਿੱਚ ਉਹਨਾਂ ਨੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ ਜੋ ਲੋਕਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਵੀਡੀਓ 'ਚ ਮਿਲਿੰਦ ਸੋਮਨ ਇਕ ਮਹਿਲਾ ਪ੍ਰਸ਼ੰਸਕ ਨਾਲ ਪੁਸ਼ਅਪਸ ਕਰਦੇ ਦਿਖਾਈ ਦੇ ਰਹੇ ਹਨ।

ਮਿਲਿੰਦ ਸੋਮਨ ਨੇ ਆਪਣੇ ਆਫੀਸ਼ੀਅਲ ਅਕਾਉਂਟ ਤੋਂ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਔਰਤ ਨੂੰ ਸਾੜ੍ਹੀ 'ਚ ਪੁਸ਼-ਅਪ ਕਰਦੇ ਵੇਖਿਆ ਜਾ ਸਕਦਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਅਦਾਕਾਰ ਦੇ ਕਹਿਣ 'ਤੇ ਔਰਤ ਬਿਨਾਂ ਸ਼ਰਮ ਸੜਕ ਦੇ ਵਿਚਕਾਰ ਪੁਸ਼-ਅਪ ਕਰਨੇ ਸ਼ੁਰੂ ਕਰ ਦਿੰਦੀ ਹੈ। ਜਿਸ ਦੇ ਨਾਲ ਹੁਣ ਉਸ ਦੀ ਹਰ ਜਗ੍ਹਾ ਪ੍ਰਸ਼ੰਸਾ ਹੋ ਰਹੀ ਹੈ। ਬਹੁਤ ਸਾਰੇ ਉਪਭੋਗਤਾਵਾਂ ਨੇ ਔਰਤ ਦੀ ਹਿੰਮਤ ਦੀ ਪ੍ਰਸ਼ੰਸਾ ਕੀਤੀ ਹੈ।
ਵੀਡੀਓ ਨੂੰ ਸਾਂਝਾ ਕਰਦੇ ਸਮੇਂ ਮਿਲਿੰਦ ਕੈਪਸ਼ਨ ਵਿਚ ਲਿਖਦੇ ਹਨ- 'ਸੈਲਫੀ ਲਈ ਮੇਰੇ ਪਸੰਦੀਦਾ ਪੁਸ਼ਅਪਸ। ਮੈਂ ਇਕ ਛੋਟੀ ਜਿਹੀ ਗਲੀ ਦੇ ਬਾਜ਼ਾਰ ਵਿਚ ਸੀ। ਰਾਏਪੁਰ ਵਿਚ ਜਿਥੇ ਮੈਂ ਕੁਝ ਸਥਾਨਕ ਖਾਣੇ ਦਾ ਅਨੰਦ ਲੈ ਰਿਹਾ ਸੀ। ਇਸ ਦੌਰਾਨ ਇਕ ਔਰਤ ਨੇ ਮੈਨੂੰ ਸੈਲਫੀ ਲਈ ਕਿਹਾ। ਜਿਵੇਂ ਹੀ ਮੈਂ ਉਸਨੂੰ 10 ਪੁਸ਼ਅਪਸ ਕਰਨ ਲਈ ਕਿਹਾ, ਉਹ ਜ਼ਮੀਨ 'ਤੇ ਸੀ ਅਤੇ ਮੇਰੇ ਕੈਮਰਾ ਚਾਲੂ ਕਰਨ ਤੋਂ ਪਹਿਲਾਂ ਉਸ ਨੇ ਪੁਸ਼ਅਪ ਕਰਨਾ ਸ਼ੁਰੂ ਕਰ ਦਿੱਤਾ। ਉਸਨੂੰ ਨਾ ਤਾਂ ਸਾੜ੍ਹੀ ਦੀ ਸਮੱਸਿਆ ਸੀ, ਨਾ ਹੀ ਆਲੇ-ਦੁਆਲੇ ਦੇ ਲੋਕਾਂ ਦੀ ਅਤੇ ਨਾ ਹੀ ਇਸ ਗੱਲ ਦੀ ਕਿ ਉਸ ਨੇ ਕਦੇ ਪੁਸ਼ਅੱਪ ਨਹੀਂ ਕੀਤੇ। '

'ਕਈ ਵਾਰ, ਤੁਹਾਨੂੰ ਬਿਹਤਰ ਜ਼ਿੰਦਗੀ ਜਿਉਣ ਦੇ ਯੋਗ ਹੋਣ ਲਈ, ਜਾਂ ਜੋ ਚੀਜ਼ਾਂ ਤੁਸੀਂ ਚਾਹੁੰਦੇ ਹੋ, ਨੂੰ ਹਾਂ ਕਹਿਣ ਦੀ ਯੋਗਤਾ ਦੀ ਜ਼ਰੂਰਤ ਹੁੰਦੀ ਹੈ। ਹਾਂ, ਮੈਂ ਇਹ ਕਰ ਸਕਦਾ ਹਾਂ। ਅਦਾਕਾਰ ਦਾ ਔਰਤਾਂ ਨੂੰ ਪੁਸ਼ਅਪ ਕਰਵਾਉਣਾ ਜਿਥੇ ਬਹੁਤ ਸਾਰੇ ਲੋਕਾਂ ਦੁਆਰਾ ਪਸੰਦ ਕੀਤਾ ਜਾ ਰਿਹਾ ਹੈ, ਉੱਥੇ ਹੀ ਬਹੁਤ ਲੋਕਾਂ ਨੂੰ ਇਹ ਪਸੰਦ ਨਹੀਂ ਆਇਆ ਕਿ ਅਭਿਨੇਤਾ ਨੇ ਇਹ ਵੀ ਨਹੀਂ ਸੋਚਿਆ ਸੀ ਕਿ ਉਹ ਇਕ ਸੈਲਫੀ ਦੀ ਮੰਗ ਕਰਨ ਲਈ ਬਾਜ਼ਾਰ ਵਿੱਚ ਹਨ। ਮਹਿਲਾ ਨੂੰ ਇਸ ਤਰ੍ਹਾਂ ਸਾੜ੍ਹੀ ਵਿੱਚ ਪੁਸ਼ਅੱਪ ਕਰਵਾਉਣਾ ਠੀਕ ਨਹੀਂ ਸੀ ।