Natasa Stankovic ਦੀ ਕੁੱਲ ਕਿੰਨੀ ਹੈ ਨੈੱਟਵਰਥ? ਹਾਰਦਿਕ ਪੰਡਯਾ ਨੂੰ ਦੇਣਾ ਪਵੇਗਾ ਜਾਇਦਾਦ ਦਾ ਇੰਨਾ ਹਿੱਸਾ
Friday, Jul 19, 2024 - 10:39 AM (IST)
![](https://static.jagbani.com/multimedia/2024_7image_10_38_246813579natasa.jpg)
ਮੁੰਬਈ- ਹਾਰਦਿਕ ਪੰਡਯਾ ਅਤੇ ਨਤਾਸ਼ਾ ਸਟੈਨਕੋਵਿਚ ਨੇ ਆਪਣੇ ਤਲਾਕ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਜੋੜੇ ਨੇ ਇੰਸਟਾਗ੍ਰਾਮ 'ਤੇ ਸਾਂਝਾ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਨ੍ਹਾਂ ਨੇ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ। ਇਹ ਐਲਾਨ ਉਨ੍ਹਾਂ ਦੇ ਰਿਸ਼ਤੇ ਦੀ ਸਥਿਤੀ ਅਤੇ ਨਤਾਸ਼ਾ ਨੂੰ ਕਥਿਤ ਤੌਰ 'ਤੇ ਆਪਣੇ ਬੇਟੇ ਅਗਸਤਿਆ ਨਾਲ ਮੁੰਬਈ ਛੱਡਣ ਦੀਆਂ ਕਿਆਸਅਰਾਈਆਂ ਤੋਂ ਬਾਅਦ ਸਾਹਮਣੇ ਆਇਆ ਹੈ। ਦੋਵਾਂ ਨੂੰ ਲੈ ਕੇ ਚਰਚਾ ਕਾਫੀ ਤੇਜ਼ ਹੋ ਗਈ ਹੈ। ਹਾਲ ਹੀ 'ਚ ਤਲਾਕ ਦੇ ਨਾਲ-ਨਾਲ ਗੁਜਾਰੇ ਦੇ ਪੈਸੇ ਦੀ ਵੀ ਚਰਚਾ ਹੋਈ ਸੀ। ਰਿਪੋਰਟਾਂ 'ਚ ਕਿਹਾ ਗਿਆ ਹੈ ਕਿ ਹਾਰਦਿਕ ਦੀ ਜਾਇਦਾਦ ਦਾ 70 ਫੀਸਦੀ ਹਿੱਸਾ ਨਤਾਸ਼ਾ ਨੂੰ ਮਿਲ ਸਕਦਾ ਹੈ। ਖਬਰਾਂ ਮੁਤਾਬਕ ਹਾਰਦਿਕ ਪੰਡਯਾ ਦੀ ਕੁੱਲ ਜਾਇਦਾਦ 91 ਕਰੋੜ ਰੁਪਏ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਨਤਾਸ਼ਾ ਦੀ ਕੁੱਲ ਸੰਪਤੀ ਕਿੰਨੀ ਹੈ।
ਇਹ ਖ਼ਬਰ ਵੀ ਪੜ੍ਹੋ -ਸ੍ਰੀ ਦਰਬਾਰ ਸਾਹਿਬ ਨਤਮਸਤਕ ਹੋਏ ਗਾਇਕ ਮੀਕਾ ਸਿੰਘ, ਸਰਬੱਤ ਦੇ ਭਲੇ ਦੀ ਕੀਤੀ ਅਰਦਾਸ
Natasa Stankovic ਦਾ ਜਨਮ 4 ਮਾਰਚ 1992 ਨੂੰ ਯੂਗੋਸਲਾਵੀਆ 'ਚ ਹੋਇਆ ਹੈ। ਉਸ ਨੇ ਭਾਰਤੀ ਉਦਯੋਗ 'ਚ ਆਪਣੀ ਛਾਪ ਛੱਡੀ ਹੈ। ਇੱਕ ਡਾਂਸਰ ਅਤੇ ਮਾਡਲ, ਨਤਾਸ਼ਾ ਸਟੈਨਕੋਵਿਕ 2012 'ਚ ਆਪਣੇ ਲਈ ਇੱਕ ਸਥਾਨ ਬਣਾਉਣ ਦੇ ਸੁਪਨੇ ਨਾਲ ਭਾਰਤ ਆਈ ਸੀ। ਸਰਬੀਆ ਦੇ ਇੱਕ ਛੋਟੇ ਜਿਹੇ ਕਸਬੇ ਤੋਂ ਬਾਲੀਵੁੱਡ 'ਚ ਇੱਕ ਪਛਾਣਿਆ ਚਿਹਰਾ ਬਣਨ ਤੱਕ ਦਾ ਉਸ ਦਾ ਸਫ਼ਰ ਕਿਸੇ ਪ੍ਰੇਰਨਾ ਤੋਂ ਘੱਟ ਨਹੀਂ ਹੈ।
ਨਤਾਸ਼ਾ ਸਟੈਨਕੋਵਿਕ ਦੀਆਂ ਫਿਲਮਾਂ ਅਤੇ ਕੰਮ
ਭਾਰਤ 'ਚ ਉਸ ਨੇ ਸਿਲਵਰ ਸਕ੍ਰੀਨ 'ਤੇ ਆਉਣ ਤੋਂ ਪਹਿਲਾਂ ਜੌਨਸਨ ਵਰਗੇ ਬ੍ਰਾਂਡਾਂ ਲਈ ਮਾਡਲਿੰਗ ਕਰਕੇ ਆਪਣਾ ਕਰੀਅਰ ਸ਼ੁਰੂ ਕੀਤਾ। ਸਾਲਾਂ ਦੌਰਾਨ, ਉਹ ਕਈ ਫਿਲਮਾਂ ਅਤੇ ਵੀਡੀਓਜ਼ 'ਚ ਦਿਖਾਈ ਦਿੱਤੀ ਹੈ ਅਤੇ ਭਾਰਤੀ ਦਰਸ਼ਕਾਂ ਦੇ ਦਿਲਾਂ 'ਚ ਜਗ੍ਹਾ ਬਣਾ ਚੁੱਕੀ ਹੈ। ਕੰਮ ਦੇ ਨਾਲ-ਨਾਲ ਉਸ ਦੀ ਨਿੱਜੀ ਜ਼ਿੰਦਗੀ, ਖਾਸ ਕਰਕੇ ਭਾਰਤੀ ਕ੍ਰਿਕਟਰ ਹਾਰਦਿਕ ਪੰਡਯਾ ਨਾਲ ਉਸ ਦੇ ਰਿਸ਼ਤੇ ਨੇ ਉਸ ਨੂੰ ਸੁਰਖੀਆਂ 'ਚ ਰੱਖਿਆ ਹੈ।
ਨਤਾਸ਼ਾ ਦਾ ਜਨਮ ਅਤੇ ਪਰਿਵਾਰ
ਨਤਾਸ਼ਾ ਸਟੈਨਕੋਵਿਕ ਦਾ ਜਨਮ ਗੋਰਾਨ ਅਤੇ ਰੈਡਮੀਲਾ ਸਟੈਨਕੋਵਿਕ ਦੇ ਘਰ ਹੋਇਆ ਸੀ ਅਤੇ ਉਸ ਦਾ ਇੱਕ ਭਰਾ ਹੈ ਜਿਸ ਦਾ ਨਾਮ ਨੇਨਾਡ ਸਟੈਨਕੋਵਿਕ ਹੈ। ਉਸਨੇ ਮਾਡਲਿੰਗ ਅਤੇ ਐਕਟਿੰਗ 'ਚ ਆਪਣਾ ਕਰੀਅਰ ਬਣਾਉਣ ਲਈ 2012 'ਚ ਭਾਰਤ ਆਉਣ ਤੋਂ ਪਹਿਲਾਂ ਆਪਣੇ ਸ਼ੁਰੂਆਤੀ ਸਾਲ ਸਰਬੀਆ 'ਚ ਬਿਤਾਏ।
ਨਤਾਸ਼ਾ ਸਟੈਨਕੋਵਿਕ ਕੁੱਲ ਕਿੰਨੀ ਹੈ ਨੈੱਟਵਰਥ
ਨੈੱਟ ਵਰਥ ਅਤੇ ਕਮਾਈ ਦੀ ਗੱਲ ਕਰੀਏ ਤਾਂ ਨਤਾਸ਼ਾ ਸਟੈਨਕੋਵਿਚ ਦੀ ਕੁੱਲ ਜਾਇਦਾਦ ਲਗਭਗ 20 ਕਰੋੜ ਰੁਪਏ ਹੈ। ਆਪਣੇ ਵਿਆਹ ਤੋਂ ਬਾਅਦ ਬਾਲੀਵੁੱਡ ਤੋਂ ਦੂਰ ਜਾਣ ਦੇ ਬਾਵਜੂਦ, ਉਹ ਕਈ ਪ੍ਰੋਜੈਕਟਾਂ ਅਤੇ ਇਸ਼ਤਿਹਾਰਾਂ ਰਾਹੀਂ ਪੈਸਾ ਕਮਾਉਂਦੀ ਹੈ। ਇਸ ਤੋਂ ਬਾਅਦ, ਉਸ ਦੇ ਸਾਬਕਾ ਪਤੀ ਹਾਰਦਿਕ ਪੰਡਯਾ ਦੀ ਕੁੱਲ ਜਾਇਦਾਦ 91 ਕਰੋੜ ਰੁਪਏ ਹੈ ਜਿਸ 'ਚ ਉਸ ਦੇ ਕ੍ਰਿਕਟ ਕਰੀਅਰ ਅਤੇ ਐਡੋਰਸਮੈਂਟਸ ਤੋਂ ਉਸ ਦੀ ਕਮਾਈ ਸ਼ਾਮਲ ਹੈ। ਹਾਰਦਿਕ ਪੰਡਯਾ ਕਥਿਤ ਤੌਰ 'ਤੇ 1.5 ਕਰੋੜ ਰੁਪਏ ਪ੍ਰਤੀ ਮਹੀਨਾ ਕਮਾਉਂਦਾ ਹੈ, ਨਾਲ ਹੀ ਉਸ ਦੇ ਬੀ.ਸੀ.ਸੀ.ਆਈ. ਇਕਰਾਰਨਾਮੇ ਤੋਂ 5 ਕਰੋੜ ਰੁਪਏ ਸਾਲਾਨਾ ਹੈ।