''ਜੇਲਰ 2'' ''ਚ ਵਿਦਿਆ ਬਾਲਨ ਦੀ ਐਂਟਰੀ, ਪਹਿਲੀ ਝਲਕ ਜਾਰੀ

ਚੇਨਈ (ਏਜੰਸੀ)- ਸਨ ਪਿਕਚਰਜ਼ ਨੇ "ਜੇਲਰ 2" ਦੀ ਇੱਕ ਝਲਕ ਜਾਰੀ ਕੀਤੀ ਹੈ, ਜਿਸ ਵਿੱਚ ਅਦਾਕਾਰਾ ਵਿਦਿਆ ਬਾਲਨ ਕਾਂਤਾ ਦੇ ਕਿਰਦਾਰ ਵਿੱਚ ਦਮਦਾਰ ਅੰਦਾਜ਼ ਵਿੱਚ ਦਿਖਾਈ ਦੇ ਰਹੀ ਹੈ। ਨੀਲੀ ਸਾੜੀ ਅਤੇ ਹੱਥ ਵਿੱਚ ਸਿਗਰਟ ਫੜੇ ਵਿਦਿਆ ਦਾ ਇਹ ਨਵਾਂ ਅਵਤਾਰ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਅਨਿਰੁਧ ਰਵੀਚੰਦਰ ਦੇ ਬੈਕਗ੍ਰਾਊਂਡ ਸਕੋਰ ਦਰਮਿਆਨ ਕਾਂਤਾ ਪੌੜੀਆਂ ਤੋਂ ਹੇਠਾਂ ਉਤਰਦੀ ਦਿਖਾਈ ਦਿੰਦੀ ਹੈ।

ਸਾੜੀ ਦਾ ਪੱਲੂ ਸੰਭਾਲਣ ਦਾ ਅੰਦਾਜ਼ ਅਤੇ ਸਿਗਰਟ ਪੀਂਦੇ ਹੋਏ ਉਨ੍ਹਾਂ ਦਾ ਬੋਲਡ ਅੰਦਾਜ਼ ਕਿਰਦਾਰ ਦੇ ਪ੍ਰਭਾਵਸ਼ਾਲੀ ਸ਼ਖਸੀਅਤ ਦੀ ਝਲਕ ਦਿੰਦਾ ਹੈ। ਨੈਲਸਨ ਦਿਲੀਪਕੁਮਾਰ ਦੁਆਰਾ ਨਿਰਦੇਸ਼ਤ "ਜੇਲਰ 2" ਵਿੱਚ ਰਜਨੀਕਾਂਤ ਇੱਕ ਵਾਰ ਫਿਰ ਟਾਈਗਰ ਮੁਥੁਵੇਲ ਪਾਂਡਿਅਨ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਵਿੱਚ ਰਾਮਿਆ ਕ੍ਰਿਸ਼ਨਨ ਅਤੇ ਯੋਗੀ ਬਾਬੂ ਦੇ ਇਲਾਵਾ ਸੂਰਜ ਵੇਂਜਾਰਾਮੂਡੂ, ਐਸ.ਜੇ. ਸੂਰਿਆ ਅਤੇ ਵਿਦਿਆ ਬਾਲਨ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਸਨ ਪਿਕਚਰਜ਼ ਦੁਆਰਾ ਨਿਰਮਿਤ, "ਜੇਲਰ 2" 15 ਅਕਤੂਬਰ 2026 ਨੂੰ ਦੁਨੀਆ ਭਰ ਵਿੱਚ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਕਾਂਤਾ ਦੇ ਰੂਪ ਵਿੱਚ ਵਿਦਿਆ ਬਾਲਨ ਨੇ ਦਰਸ਼ਕਾਂ ਦੀ ਉਤਸੁਕਤਾ ਵਧਾ ਦਿੱਤੀ ਹੈ।